punjabi boliyan collection

ਸੁਣ ਨੀ ਕੁੜੀਏ ਨੱਚਣ ਵਾਲੀਏ ਗਿੱਧਾ ਖੂਬ ਰਚਾਈਏ

ਚੰਦਰੇ ਜੱਗ ਦੀਆਂ ਨਜ਼ਰਾਂ ਬੁਰੀਆਂ ਨਜ਼ਰਾਂ ਤੋਂ ਬਚ ਜਾਈਏ

ਨਾ ਕਿਸੇ ਨੂੰ ਮੰਦੜਾ ਬੋਲੀਏ ਨਾ ਬੁਰਾ ਅਖਵਾਈਏ

ਮੇਲੇ ਖੁਸ਼ੀਆਂ ਦੇ ਰਲਕੇ ਬੋਲੀਆਂ ਪਾਈਏ…..

ਸੁਣ ਨੀ ਕੁੜੀਏ ਨੱਚਣ ਵਾਲ਼ੀਏ

ਤੂੰ ਤਾਂ ਲੱਗਦੀ ਪਿਆਰੀ

ਭੈਣ ਤੇਰੀ ਨਾਲ ਵਿਆਹ ਕਰਾਵਾਂ

ਤੈਨੂੰ ਬਣਾਵਾਂ ਸਾਲ਼ੀ

ਆਪਾਂ ਦੋਵੇਂ ਚੱਲ ਚੱਲੀਏ

ਬਾਹਰ ਬੋਤੀ ਝਾਂਜਰਾਂ ਵਾਲ਼ੀ

ਬੋਤੀ ਨੇ ਛਾਲ ਚੱਕਲੀ

ਜੁੱਤੀ ਗਿਰਗੀ ਸਿਤਾਰਿਆਂ ਵਾਲ਼ੀ

ਗਿਰਦੀ ਨੂੰ ਗਿਰ ਲੈਣ ਦੇ

ਪਿੰਡ ਚੱਲ ਕੇ ਕਰਾ ਦੂੰ ਚਾਲ਼ੀ

ਨਿੰਮ ਨਾਲ਼ ਝੂਟਦੀਏ

ਲਾ ਮਿੱਤਰਾਂ ਨਾਲ਼ ਯਾਰੀ…..

ਨੀ ਜਾਂ ਤਾਂ ਹੋ ਜਾ ਸਾਡੇ ਵੱਲ ਦੀ

ਜਾਂ ਹੱਸਿਆ ਨਾ ਕਰ ਨੀ

ਪੀਂਘ ਪਿਆਰ ਦੀ ਜੇ ਹੋਵੇ ਝੂਟਣੀ

ਫਿਰ ਮੰਨੀਏ ਨਾ ਡਰ ਨੀ

ਤੇਰੀ ਗਲੀ ਵਿੱਚ ਦੇ-ਦੇ ਗੇੜਾ

ਨੀਵਾਂ ਕਰ ਤਾ ਦਰ ਨੀ

ਜੇ ਤੂੰ ਸਾਡੀ ਏ,

ਦਿਲ ਤੇ ਦਸਤਖਤ ਕਰ ਨੀ

ਜੇ ਤੂੰ ਸਾਡੀ ਏ ,,,