Authors: Others
ਗੱਲ 89 ਦੀ ਆ ਜਦੋ ਪੰਜਾਬ ਚ ਸਮਾਂ ਥੋੜਾ ਖਰਾਬ ਸੀ, ਮੇਰੀ ਭੂਆ ਜੀ ਦੀ ਉਮਰ 17 ਕੁ ਸਾਲ ਦੀ ਹੋਣੀ ਉਹ ਬਹੁਤ ਸੋਹਣੇ ਤੇ ਉਚੇ ਲੱਖੇ ।ਅੱਗੇ ਦੀ ਕਹਾਣੀ ਜਿਵੇਂ ਭੂਆਜੀ ਦੱਸ ਰਹੇ ,ਉਸ ਤਰੀਕੇ ਨਾਲ ਲਿਖੀ ਆ ਭੂਆਜੀ ਦਸਦੇ ਕੀ 8th ਕਲਾਸ ਚ ਹੀ ਮੇਰਾ ਰਿਸ਼ਤਾ ਹੋ ਗਿਆ ਸੀ, ਭੂਆ ਦੇ ਨਨਾਣ ਦੇ ਮੁੰਡੇ ਨਾਲ,ਨਾਲ ਦੇ ਪਿੰਡ ਹੀ ਉਹ ਰਹਿੰਦੀ ਸੀ, ਉਹ ਚੰਗੇ ਜ਼ਿਮੀਦਾਰ ਪਰਿਵਾਰ ਸੀ ਤੇ ਅਸੀ ਠੀਕ ਠਾਕ ਬਸ ਆਈ ਚਲਾਈ ਚਲਦੀ ਸੀ। ਲਾਗੇ ਹੋਣ ਕਰਕੇ ਭੂਆ ਦੀ ਨਨਾਣ ਸਾਡੇ ਕੋਲ ਛੇਤੀ ਛੇਤੀ ਆ ਜਾਂਦੀ ਸੀ,
ਇਕ ਦਿਨ ਉਹਨੇ ਮੇਰੀ ਬੀਬੀ ਨੂੰ ਕਿਹਾ ਆਪਣੀ ਪੋਤਰੀ ਦਾ ਰਿਸ਼ਤਾ ਮੇਰੇ ਮੁੰਡੇ ਨੂੰ ਕਰਦੇ। ਬੀਬੀ ਨੂੰ ਹੋ ਗਿਆ ਮੁੰਡਾ ਸੋਹਣਾ ਜਮੀਨ ਖੁਲੀ ਮੇਰੀ ਪੋਤਰੀ ਤੇ ਰਾਜ ਕਰੁ , ਜਿਦਾ ਕੀ ਹਰ ਦਾਦੀ ਨੂੰ ਹੁੰਦਾ ਗੱਲ ਹੋਗੀ,ਹੋਲੀ ਹੋਲੀ ਗੱਲ ਪਿੰਡ ਚ ਪਤਾ ਲਗ ਗਈ ਕਹਿੰਦੇ ਕੁੜੀ ਮੰਗ ਵੀ ਦਿਤੀ ਹਰ ਇਕ ਨੇ ਕਿਹਾ ਕਰਨਾ ਕਰਮਾਂ ਵਾਲੀ ਕੁੜੀ ਇਹਨਾਂ ਸੋਹਣਾ ਮੁੰਡਾ ਇੰਨੀ ਜ਼ਮੀਨ ਬਸ ਫਿਰ ਕੀ ਮੇਰੀਆਂ ਸਹੇਲੀਆਂ ਨੂੰ ਪਤਾ ਲਗਾ ਕੀ ਇਹਦਾ ਰਿਸ਼ਤਾ ਸੰਧੂਆਂ ਦੇ ਮੁੰਡੇ ਨੂੰ ਹੋ ਗਿਆ ਓਹਨਾ ਛੇੜਨਾ, ਮੈਨੂੰ ਗੁੱਸਾ ਲਗਣਾ, ਕਹਿਣਾ ਸਬ ਝੂਠ, ਨਹੀਂ ਹੋਇਆ ਕੋਈ ਰਿਸ਼ਤਾ ਕੁੜੀਆਂ ਕਹਿਣਾ ਸੋਹ ਖਾ ਚਲ ਆਪਣੇ ਵੀਰ ਦੀ ,ਸੱਚ ਦਸਾ ਮੈਂਨੂੰ ਡਰ ਲਗਣਾ ਕੀ ਜੇ ਸੋਹ ਖਾਲੀ ਕੀਤੇ ਉਹਨੂੰ ਕੁਝ ਹੋ ਨਾ ਜਾਵੇ ,ਮੈਂ ਕਹਿਣਾ ਗੁਰੂ ਘਰ ਖਾਲੂ ਸੋਹ ਪਰ ਵੀਰ ਦੀ ਨਹੀਂ ਖਾਣੀ ਉਹਨਾ ਕਹਿਣਾ ਚਲ ਫਿਰ ਗੁਰੂ ਘਰ ਮੈਂ ਖਾ ਆਉਂਣੀ. ਅਗਲੇ ਦਿਨ ਤੜਕੇ ਉਠਕੇ ਝਾੜੂ ਲੋਣਾ ਬਾਬੇ ਘਰ ਸੇਵਾ ਕਰਨੀ ਨਾਲੇ ਰੋਣਾ ਬਾਬਾ ਤੇਰੀ ਝੂਠੀ ਸੋਹ ਖਾਦੀ ਮੈਂ ਵੇਖੀ ਕੀਤੇ ਫੇਲ ਨਾ ਕਰਦੀ।
ਮੈਂ 10 ਤਕ ਪਹੁਚੀ 10 ਦੇ ਪੇਪਰ ਹੁੰਦੀਆਂ, ਉਹਦੀ ਮਾਂ ਨੇ ਮੇਰੇ ਸਿਰ ਤੇ ਲਾਲ ਫੁਲਕਾਰੀ ਦਾ ਮੂੰਹ ਚ ਲੱਡੂ ਤੇ ਹੱਥ ਚ 5o₹ ਰੱਖ ਕੇ ਮੋਹਰ ਲਾਤੀ ਰਿਸ਼ਤੇ ਦੀ. ਫਿਰ ਤੇ ਪਿੰਡ ਵਾਲਿਆਂ ਵਧਾਈਆਂ ਦੇਣੀਆਂ ਕੁੜੀਆਂ ਆਖਣਾ ਹੁਣ ਦਸ ਮੁਕਰਦੀ ਸੀਨਾ ਹੁਣ ਮੰਨਦੀ ਕੀ ਹੈਗੀ ਤੂੰ ਸੰਧੂ ਦੀ ਮੰਗ ਆ। ਮੈਂ ਘਰ ਆਕੇ ਬੀਬੀ ਨਾਲ ਲੜ ਪੈਣਾ ਕੀ ਮੈਨੂੰ ਇਹਦਾ ਬੋਲਦੀਆਂ, ਬਾਪੂ ਜੀ ਨੇ ਅਗੇ ਪੜਨੋ ਹਟਾ ਲਿਆ। ਪਰ ਬੇਬੇ ਨੇ ਕਿਹਾ ਮੁੰਡਾ ਖਾਲਸਾ ਕਾਲਜ ਪੜਦਾ ਓਹਨੂੰ ਆਖਿਆ ਕੁੜੀ 10 ਹੀ ਪੜ੍ਹੀ ਫਿਰ ਕੀਤੇ ਰਿਸ਼ਤੇ ਤੋਂ ਨਾਹ ਨਾ ਕਰਦੇ ਆਪਾਂ ਪਡ਼ਾ ਦੇਈਏ 12 ਤੇ ਸੁਣਿਆ ਮੁੰਡਾ 15 ਵੀ ਚ ਪਦਾ। | 15 ਮਤਲਬ ਦੂਜੇ ਸਾਲ ਚ । ਰਿਸਤੇ ਦੇ ਡਰੋ ਬਾਪੂ ਮਨ ਗਿਆ ਮੈਨੂੰ ਚਾਅ ਚੜ ਗਿਆ ਅਖੇ ਚਲ ਕੀਤੇ ਤੇ ਕੰਮ ਆਇਆ ਇਹ ਰਿਸ਼ਤਾ ਇਹੀ ਸੋਚ ਨੱਚਦੀ ਫਿਰਦੀ ਸੀ,ਕੁਝ ਕੁ ਕੁੜੀਆਂ ਦੇ ਵਿਆਹ ਹੋਗੇ ਤੇ ਕੁਝ ਪੜ੍ਹਨੋ ਹਟ ਗਈਆਂ । ਤੀਆਂ ਲਗਦੀਆਂ ਹੁੰਦੀਆਂ ਸੀ ਓਦੋ ਪਿੰਡੋ ਬਾਹਰ ਵਾਰ ਓਥੇ ਸਬ ਨੇ ਮਿਲਣਾ ਤੇ ਮੈਨੂੰ ਕੁੜੀਆਂ ਨੇ ਕਹਿਣਾ ਤੈਨੂੰ ਵੀ ਹਟਾ ਲੈਣਾ ਸੀ ਪੜ੍ਹਨੋ ਤੈਨੂੰ ਤਾਂ ਲਾਤਾ ਤੂੰ ਸੰਧੂ ਘਰ ਮੰਗੀ।
ਤੇ ਤੂੰ ਵੀ ਸਾਡੇ ਵਾਂਗੂ ਘਰ ਬੈਠਣਾ ਸੀ.ਉਦੋ ਮੈਨੂੰ ਗੁਸਾ ਆਉਂਣਾ ਹਟ ਗਿਆ ਸੀ ਮੈਂ ਹੱਸ ਪੈਣਾ ਫਿਰ ਇਕ ਦਿਨ veer ਖੇਤਾਂ ਚ ਕੰਮ ਕਰਦਾ ਸੀ ਤੇ ਭਾਬੀ ਮਗਰ ਰੋਟੀ ਲੈ ਕੇ ਗਈ , ਦਸਦੇ ਅੰਨੇ ਵਾਹ ਗੋਲੀ ਚਲੀ ਤੇ ਮੇਰਾ ਵੀਰ ਭਾਬੀ ਵਿੱਚ ਮਾਰੇ ਗਏ ਦਸਦੇ ਕੀ ਕੋਈ ਖਾੜਕੂ ਲੁਕਿਆ ਸੀ ਗੋਲੀ ਓਹਦੇ ਤੇ ਚਲੀ ਵਿੱਚ ਇਹ ਮਰਗੇ ਪਰ ਪੁਲਿਸ ਨੇ ਵੀਰ ਨੂੰ ਵੀ ਖਾੜਕੂ ਪੇਸ਼ ਕਰਤਾ। ਤੇ ਭਾਬੀ ਨੂੰ ਖਬਰਾਂ ਉਹਨਾ ਤਕ ਪਹੁਚਾਉਣ ਵਾਲੀ ਬਣਾ ਦਿੱਤਾ, ਬੀਬੀ ਰੋ ਰੋ ਮਰਗੀ ਤੇ ਬਾਪੂ ਨੂੰ ਪੁਲਿਸ ਲੈਗੀ ਫਿਰ ਹਰਜੀਤ ਸਿੰਘ ਸੰਧੂ ਜਿਸਦੇ ਨਾਲ ਮੇਰੀ ਮੰਗਣੀ ਹੋਈ ਸੀ ਉਹਨੇ ਤੇ ਉਹਦੇ ਪਿਉ ਨੇ ਪਿੰਡ ਵਾਲਿਆਂ ਨਾਲ ਰਲ ਕੇ ਮੇਰੇ ਵੀਰ ਤੇ ਭਾਬੀ ਦਾ ਅੰਤਿਮ ਸਸਕਾਰ ਕਰਵਾਇਆ।
ਪਰ ਉਹ ਸਾਡੇ ਘਰ ਨੀ ਆਇਆ ਬਾਹਰੋ ਬਾਹਰ ਚਲ ਗਿਆ । ਉਸ ਤੋਂ ਬਾਅਦ ਓਹਨੇ 90 ਹਜਾਰ ਦੇਕੇ ਮੇਰੇ ਬਾਪੁ ਨੂੰ ਛੱਡਵਾਈਆਂ ਤੇ ਬੂਹੇ ਅਗੇ ਛੱਡ ਕੇ ਚਲ ਗਿਆ ।ਉਸ ਦਿਨ ਮੈਨੂੰ ਲਗਾ ਚਲੋ ਕੋਈ ਤੇ ਹੇਗਾ ਸਾਡਾ, ਅਖੀਰ ਮੇਰੇ ਵਿਆਹ ਦੀ ਗੱਲ ਹੋਣੀ ਸ਼ੁਰੂ ਹੋਈ. ਫਿਰ ਇਕ ਦਿਨ ਰਾਤ 6 ਕੁ ਵੱਜੇ ਸਾਡੇ ਘਰ ਮੋਹਰੇ ਬੁਲਟ ਮੋਟਰ ਸਾਈਕਲ ਦੀ ਅਵਾਜ ਆਈ ਵੀਰ ਦਾ ਬੇਟਾ ਬਾਹਰ ਨਿਕਲਿਆ ਛੋਟਾ ਸੀ ਉਦੋ ਓਹਦੇ ਪੁੱਛਣ ਤੇ ਦੱਸਿਆ ਕੀ ਮੈਂ ਹਰਜੀਤ ਸਿੰਘ ਸੰਧੂ ਆ ਤੇ ਬਾਪੂ ਜੀ ਨੂੰ ਮਿਲਣਾ, ਇਹ ਗੱਲ ਸੁਣ ਕੇ ਬਾਪੂ ਨੇ ਵੀ ਮੇਰੇ ਮੂੰਹ ਵੱਲ ਵੇਖਿਆਤੇ ਬਾਹਰ ਤੁਰ ਗਏ ਮੈਂ ਵੀ ਪਿੱਛੇ ਗਈ ਪਰ ਦਰਵਾਜੇ ਤੋਂ ਬਾਹਰ ਨੀ ਪਿੱਛੇ ਰਹੀ।
ਉਹਨੇ ਬਾਪੂ ਜੀ ਨੂੰ ਕਿਹਾ ਕੀ ਬਾਪੂ ਜੀ ਮੈਨੂੰ ਕੋਈ ਕਾਹਲੀ ਨੀ ਵੀਰ ਦੇ ਬਚੇ ਬਹੁਤ ਛੋਟੇ ਨੇ ਵੇਖਲੋ, ਜੇ ਵਿਆਹ 2 ਸਾਲ ਰੁਕ ਕੇ ਕਰਨਾ ਸਾਨੂੰ ਕੋਈ ਕਾਹਲ ਨੀ ਹੈਗੀ, ਬਾਪੂ ਕਹਿੰਦੇ ਲੋਕਾਂ ਕਹਿਣਾ ਕੀ ਕਈ ਸਾਲ ਹੋਗੇ ਮੰਗੀ ਨੂੰ ਵਿਆਹ ਨੀ ਕਰਦੇ ਨਾਲੇ 3 ਜਣੇ ਤੁਰਗੇ । ਕੱਲ ਨੂੰ ਮੈਨੂੰ ਕੁਝ ਹੋ ਗਿਆ ਤੇ ਫਿਰ. ਓਹਨੇ ਗੱਲ ਟੋਕਦੇ ਕਿਹਾ ਬਾਪੂ ਜੀ ਮੇਰੀ ਮੰਗ ਆਤੇ ਮੈਂ ਹੀ ਵਿਆਹ ਕੇ ਲਿਜਾਉ ਫਿਕਰ ਨਾ ਕਰੋ.। ਅੱਜ ਲੇਜਾ ਭਾਵੇਂ ਕੱਲ ਤੇ ਭਾਵੇਂ ਸਾਲ ਨੂੰ ਲੈ ਕੇ ਮੈਂ ਹੀ ਜਾਉ ਮੈਂ ਆਪਣੀ ਜੁਬਾਨ ਤੇ ਨੀ ਮੁਕਰਦਾ, ਬਸ ਇੰਨੀ ਕੁ ਗੱਲ ਹੋਇ ਕੀ ਪੁਲਿਸ ਆਗੀ । ਬਾਪੂ ਜੀ ਨੂੰ ਲਿਜਾਣ ਲਗੇ ਉਹਨੇ ਰੋਕਤਾ ਤੇ ਥਾਣੇਦਾਰ ਨਾਲ ਹੱਥੋਪਾਈ ਹੋ ਗਿਆ।ਪੁਲਿਸ ਦੀਆਂ 2 ਗੱਡੀਆਂ ਹੋਰ ਆਗਿਆ ਹਰਜੀਤ ਨੂੰ ਚੁੱਕ ਕੇ ਲੈਗੇ ਬਸ ਫਿਰ ਕੀ ਘਰਦਿਆਂ ਪਿੰਡ ਵਾਲਿਆਂ ਬਹੁਤ ਭੱਜ ਨਸ ਕੀਤੀ ਉਹਦੇ ਟੱਬਰ ਨੇ ਪੈਸਾ ਪਾਣੀ ਦੀ ਤਰਾਂ ਵਹਾਇਤਾ ਨਾ ਉਹ ਲੱਭਾ ਨਾ ਉਹਦੀ ਲਾਸ਼।
ਜਿਸ ਕੁੜੀ ਦੀ ਭੂਆ ਦੀ ਕਹਾਣੀ ਅੱਗੇ ਦੀ ਕਹਾਣੀ ਉਹ ਕੁੜੀ ਦੱਸ ਰਹੀ ਆ । ਮੇਰੇ ਬਾਪੂ ਨੂੰ ਇਹੀ ਗਮ ਖਾ ਗਿਆ ਕੀ ਮੁੰਡਾ ਬੂਹੇ ਅਗੋ ਚੁੱਕਿਆ ਗਿਆ। ਭੂਆ ਜਿਸ ਦੀ ਕਹਾਣੀ ਉਸਨੇ ਪਾਲਿਆ, ਕਿਉਂਕਿ ਉਸਦੇ ਵੀਰ ਭਰਜਾਈ ਵੀ ਮਰ ਗਏ ਸੀ ਨੇ ਸਾਨੂੰ ਪਾਲਿਆ ਤੇ ਬਹੁਤ ਸਾਲ ਇਹੀ ਸਬ ਸੋਚਦੇ ਰਹੇ ਕੀ ਸ਼ਇਦ ਲਭ ਜਾਵੇ ਪਰ ਨੀ ਲੱਭਾ ਓਹਦੇ ਮਾਪੇ ਵੀ ਉਡੀਕ ਦੇ ਮੁਕ ਗਏ ਕੱਲਾ ਪੁੱਤ ਸੀ।
ਮਾਪਿਆਂ ਦੀ 70 ਕਿਲੇ ਜਮੀਨ ਦੇ ਸੀ ਮੇਰੀ ਭੂਆ ਨੇ ਸਾਰੀ ਜਿੰਦਗੀ ਉਹਦੀ ਮੰਗ ਬਣਕੇ ਕੱਢ ਦਿੱਤੀ ਤੇ ਸਾਨੂੰ ਪਾਲਿਆ ਤੇ ਨਾਮ ਜਪਦੀ ਰਹੀ. ਵਾਹਿਗੁਰ ਵਾਹਿਗੁਰ ਦਿਨ ਰਾਤ ਜਪਦੀ ਰਹੀ ਅੱਜ ਅਸੀਂ ਕਨੇਡਾ ਚ ਆ ਮੇਰੀ ਤੇ ਵੀਰ ਦੀ marriage ਹੋਗੀ। ਅਸੀ ਸੈੱਟ ਆ , ਭੂਆ ਸਾਡੇ ਕੋਲ ਹੀ ਰਹਿੰਦੀ ਆ ਦਿਨ ਰਾਤ ਪਾਠ ਕਰਦੀ ਰਹਿੰਦੀ ਤੇ ਅਜ ਵੀ ਓਹਦੇ ਕੱਪੜਿਆ ਚ ਸ਼ਗੁਨ ਵਾਲੀ ਫੁਲਕਾਰੀ ਨਾਲ 5o ਰੁਪਏ ਬਜੇ ਨੇ ਤੇ ਇਕ ਗੱਲ ਹਰ ਉਹ ਹਰਜੀਤ ਸਿੰਘ ਸੰਧੂ ਦੀ ਮੰਗ ਰਹੀ ਸਾਰੀ ਉਮਰ ਪਰ ਓਹਨੇ ਕਦੇ ਵੀ ਓਹਨੂੰ ਨਾ ਵੇਖਿਆ ਤੇ ਨਾ ਮਿਲੀ। ਅਸੀਂ ਜਰੂਰ ਇਕ ਵਾਰ ਓਹਦੀ ਭੈਣ ਕੋਲ ਫੋਟੋ ਵੇਖ ਕੇ ਆਏ ਸੀ, ਮੇਰੀ ਭੂਆ ਸੰਧੂ ਦੀ ਮੰਗ ਬਣਕੇ ਰਹਿ ਗਈ।
ਮੇਰੇ ਚਾਚਾ ਜੀ ਕੱਬਡੀ ਦੇ ਖਿਡਾਰੀ ਸੀ, ਆਪਣੇ ਵੇਲੇ ਚੰਗੇ ਸਟੋਪਰ ਰਹੇ , ਸਾਡੇ ਪੁਰਾਣੇ ਘਰ ਇੱਕ show case ਹੁੰਦਾ ਸੀ ਉਹ ਸਾਰਾ ਚਾਚਾ ਜੀ ਨੂੰ ਮਿਲੇ ਇਨਾਮਾਂ ਨਾਲ ਭਰਿਆ ਹੁੰਦਾ ਸੀ, ਮੇਰੇ ਚਾਚਾ ਜਦੋ 26 ਕੁ ਸਾਲ ਦੇ ਸੀ, ਉਹਨਾਂ ਘਰੇ ਬਿਨਾ ਦਸੇ ਵਿਆਹ ਕਰਵਾ ਲਿਆਉਦੋਂ ਮੈਂ ਬਹੁਤ ਛੋਟਾ ਸੀ, ਸਾਡੇ ਘਰ ਪਹਿਲਾ ਕਾਫੀ ਲੜਾਈ ਹੁੰਦੀ ਰਹੀ। ਫੇਰ ਜਦੋ ਚਾਚਾ ਜੀ ਨੇ ਵਿਆਹ ਕਰਵਾ ਲਿਆ, ਸਾਡੇ ਘਰ ਰੋਟੀ ਅਲੱਗ ਪੱਕਣ ਲੱਗੀ, ਉਦੋਂ ਅਸੀਂ ਛੋਟੇ ਸੀ ਪਤਾ ਨਹੀਂ ਸੀ ਕਾਰਨ , ਸਾਡੇ ਡੈਡੀ ਹੁਣੀ ਤਿੰਨ ਭਰਾ ਸੀ ਚਾਚਾ ਜੀ ਸਭ ਤੋਂ ਛੋਟੇ, ਜਿਸ ਕੁੜੀ ਨਾਲ ਉਹਨਾਂ ਵਿਆਹ ਕਰਵਾਇਆ ਸੀ ਉਹ ਸਾਡੀ ਜਾਤ ਦੀ ਨਹੀਂ ਸੀ ਸ਼ਾਇਦ ਉਹਨਾਂ ਦਾ ਵਿਰੋਧ ਇਸ ਕਰਕੇ ਕੀਤਾ ਗਿਆ ਸੀ, ਉਹ ਘਰ ਤਰਲੇ ਪਾਉਂਦੇ ਰਹੇ ਸੀ ਜਦੋ ਕੋਈ ਨਾਂ ਮੰਨਿਆ ਉਦੋ ਉਹਨਾਂ ਚੁੱਪ ਕੀਤੇ ਵਿਆਹ ਕਰਵਾ ਲਿਆ
ਉਹਨਾਂ ਕੋਲ ਪਹਿਲਾ ਬੱਚਾ ਬੇਟੀ ਹੋਈ, ਸਾਨੂੰ ਚਾਚਾ ਜੀ ਹੁਣਾ ਨਾਲ ਬੋਲਣ ਤੋਂ ਮਨ੍ਹਾ ਕੀਤਾ ਸੀ, ਘਰ ਵੀ ਵੰਡ ਲਿਆਤੇ ਜਮੀਨ ਵੀ, ਸਾਡੀ ਖਾਨਦਾਨ ਵਿੱਚ ਬੇਜਤੀ ਕਰਵਾਈ ਕੰਜਰ ਨੇ ਇਹੋ ਆਖਦੇ ਸਾਰੇ, ਚਾਚੇ ਦੀ ਬੇਟੀ ਨੂੰ 4 ਮਹੀਨੇ ਤੱਕ ਚਾਚੇ ਦੀ ਸੱਸ ਨੇ ਹੀ ਪਾਲਿਆ, ਇੱਥੇ ਰਹਿ ਕੇ , ਦਾਦੀ ਤੇ ਸਾਡੀ ਮੰਮੀ ਹੁਣੀ ਚੋਰੀ ਜਾਕੇ ਕੁੜੀ ਨੂੰ ਵੇਖ ਆਈ ਆ ਪਿਆਰ ਦੇ ਆਈ ਆ, ਫੇਰ ਦੋ ਸਾਲ ਬੀਤ ਗਏ, ਚਾਚੇ ਘਰ ਬੇਟੇ ਨੇ ਜਨਮ ਲਿਆ, ਆਂਢ ਗਵਾਂਢ ਵਿੱਚ ਗੱਲ ਹੁੰਦੀ ਸੀ ਮਾਂ ਮੱਸਾ ਹੀ ਬੱਚੀ ਆ। ਇਸ ਕਰਕੇ ਸੱਭ ਦਾ ਦਿਲ ਪਸੀਜ ਗਿਆ ਸਾਰੇ ਚਾਚੀ ਨੂੰ ਵੇਖਨ ਗਏ, ਹੋਲੀ ਹੋਲੀ ਅਸੀਂ ਬੱਚੇ ਉਹਨਾਂ ਘਰ ਜਾਣ ਲੱਗੇ, ਚਾਚੇ ਦੀ ਬੇਟੀ ਨੂੰ ਚੁੱਕ ਲਿਆਉਣਾ ਖਿਡਾ ਦੈਨਾ, ਅਸੀਂ ਘਰੇ ਆਕੇ ਦੱਸਣਾ ਬੀਬੀ ਚਾਚੀ ਨੇ ਚੀਜ ਦਿੱਤੀ ਸੀ ਖਾਨ ਨੂੰ ਬਹੁਤ ਪਿਆਰ ਕਰਦੀ ਆ ਉਹ, ਫੇਰ ਕਦੇ ਕਦੇ ਢਿੱਲ ਮੱਠ ਤੇ ਦਾਦੀ ਨੂੰ ਚੋਰੀ ਜਾਕੇ ਪਤਾ ਲੈ ਆਉਣਾ
ਪਰ ਜਦੋ ਘਰੇ ਬੰਦਿਆਨੂੰ ਪਤਾ ਲੱਗਾ ਕਲੇਸ਼ ਹੋਣਾ , ਉਦੋ ਚਾਚੇ ਦਾ ਬੇਟਾ ਦੋ ਕੁ ਸਾਲ ਦਾ ਸੀ ਤੇ ਬੇਟੀ 4 ਸਾਲ ਦੀ, ਚਾਚਾ ਟੂਰਨਾਮੈਂਟ ਤੇ ਗਿਆ ਸੀ, ਪਹਿਲੀ ਵਾਰ ਚਾਚੀ ਸਾਡੇ ਘਰ ਆਈ , ਪਰ ਉਹ ਇਹਨਾਂ ਕਹਿ ਕੇ ਵਾਪਿਸ ਮੁੜ ਗਈ ਬੀਬੀ ਮੇਰੀ ਗੱਲ ਸੁਣੀ , ਬੀਬੀ ਗਈ, ਆਖਦੀ ਮੇਰਾ ਸਿਰ ਘੁੰਮਦਾ, ਦਾਦੀ ਪਿੰਡ ਵਾਲੇ ਡਾਕਟਰ ਨੂੰ ਬੁਲਾ ਲਿਆਈ, ਡਾਕਟਰ ਨੇ ਚੈਕ ਕਰਕੇ ਦਸਿਆ ਕਿ ਬੀਬੀ ਇਸਦਾ ਬਲੱਡ ਬਹੁਤ ਘਟਿਆ ਆ
ਫੇਰ ਚਾਚੇ ਨੇ ਖੇਡਣ ਜਾਣਾ ਬੰਦ ਕਰ ਦਿੱਤਾ, ਹੁਣ ਕਦੇ ਕਦੇ ਚਾਚੀ ਸਾਡੇ ਘਰ ਆ ਜਾਂਦੀ, ਜੂਨ ਦਾ ਮਹੀਨਾ ਸੀ,ਖੇਤ ਜੀਰੀ ( ਝੋਨਾ) ਲੱਗਦੀ ਸੀ, 3 ਕੂ ਵੱਜੇ ਰੌਲਾ ਪਿਆ ਤੇ ਗੱਡੀ ਆਈ ਚਾਚੀ ਨੂੰ ਸ਼ਹਿਰ ਲੈ ਗਏ ,ਰਾਸਤੇ ਵਿੱਚ ਹੀ ਸਾਹ ਰੁੱਕ ਗਏ ,ਵਾਪਿਸ ਲੈ ਆਏ , ਛੋਟੇ ਛੋਟੇ ਬੱਚੇ ਸੀ, ਹੁਣ ਇਸ ਗੱਲ ਨੂੰ 10 ਸਾਲ ਵਾਂਗ ਹੋ ਗਏ,ਚਾਚੇ ਨੇ ਦੂਜਾ ਵਿਆਹ ਨਹੀਂ ਕਰਵਾਇਆ, ਹੁਣ ਕੁੜੀ 14 ਸਾਲ ਦੀ ਮੁੰਡਾ 12 ਸਾਲ ਦਾ ਹੋ ਗਿਆ, ਰਿਸ਼ਤੇਦਾਰਾ ਵੀ ਜੋਰ ਲਾਇਆ ਵਿਆਹ ਕਰਵਾਲਾ ਰੋਟੀ ਪੱਕਦੀ ਹੋ ਜਾਉ ਪਰ ਚਾਚੇ ਕੋਲ ਇੱਕੋ ਜਵਾਬ ਸੀ ਜੇ ਕੱਬੀ ਜਨਾਨੀ ਆਗੀ, ਮੇਰੇ ਜਵਾਕ ਰੋਲਦੂ, ਮੈਂ ਮੋਹੱਬਤਾਂ ਬਹੁਤ ਵੇਖੀਆਂ ਪਰ ਸਾਡਾ ਆਪਣਾ ਚਾਚਾ ਵੀ ਮੋਹੱਬਤ ਦੀ ਇਕ ਮਿਸਾਲ ਆ, ਆਪਣੇ ਸੋਹਰੇ ਪਰਿਵਾਰ ਨਾਲ ਅੱਜ ਵੀ ਵਰਤਦਾ ਆ
ਬੱਚਿਆਂ ਨੂੰ ਮਾਂ-ਪਿਉ ਦੋਨਾਂ ਦਾ ਪਿਆਰ ਦੇ ਰਿਹਾ ਆ, ਭਾਵੇਂ ਸਾਡੇ ਡੈਡੀ ਹੁਣਾ ਗੁੱਸੇ ਵਿੱਚ ਬੜਾ ਕੁੱਝ ਕਿਹਾ ਪਰ ਹੱਸਕੇ ਟਾਲ ਦਿੰਦਾ, ਵੱਡੇ ਭਰਾ ਨੇ ਫੇਰ ਕੀ ਹੋਇਆ, ਇਹ ਮੇਰੇ ਚਾਚੇ ਦੀ ਅਸਲ ਕਹਾਣੀ ਆ ਵੀਰ ਨੂੰ ਦੱਸ ਰਿਹਾ ਆ, ਪੋਸਟ ਜਰੂਰ ਕਰਿਉ ਵੀਰੇ।
ਮੈਂ ਪਹਿਲੀ ਜਮਾਤ ਤੋਂ ਬਾਹਰਵੀਂ ਤੱਕ ਉਸ ਨਾਲ ਪੜੀ ਸੀ, ਉਹ ਮੇਰਾ ਬਹੁਤ ਮੋਹ ਕਰਦਾ ਸੀ, ਸਾਰੀ ਕਲਾਸ ਵਿੱਚ ਹੀ ਉਸਦੇ ਨਾਮ ਦੀ ਚਰਚਾ ਰਹਿੰਦੀ, ਬਿੱਕਰ ਬਿੱਕਰ ਕਰਦੀਆ ਕੁੜੀਆਂ ਉਸਦੇ ਅੱਗੇ-ਪਿੱਛੇ ਫਿਰਦੀਆ, ਸਕੂਲ ਵੇਲੇ 12ਵੀ ਦੀ ਗੱਲ ਆ, ਇੱਕ ਗੋਰੀ ਚਿੱਟੀ ਮੇਮ ਵਰਗੀ ਆਂਟੀਸਾਡੇ ਸਕੂਲ ਆਈ, ਉਹਨੇ ਗਰੀਬ ਮੁੰਡੇ ਕੁੜੀਆਂ ਨੂੰ ਸਕੂਲ ਵਰਦੀਆਂ ਵੰਡੀਆ
ਬੂਟ ਵੰਡੇ, ਫੇਰ ਸਾਨੂੰ ਪਤਾ ਲੱਗਾ ਕਿ ਉਹ ਬਿੱਕਰ ਦੀ ਮੰਮੀ ਸੀ, ਬਾਹਰਲੇ ਮੁਲਕ ਰਹਿੰਦੀ ਸੀ, ਇਹ ਜੋ ਸਕੂਲ ਜਿਸ ਵਿੱਚ ਅਸੀਂ ਪੜਦੇ ਸੀ ਉਹ ਬਿੱਕਰਦੇ ਡੈਡੀ ਦੀ ਯਾਦ ਵਿੱਚ ਉਸਦੀ ਮੰਮੀ ਤੇ ਮਾਮੇ ਨੇ ਬਣਵਾਇਆ ਸੀ, ਕਹਿੰਦੇ ਬਹੁਤ ਭਗਤ ਲੋਕ ਸੀ ਉਸਦੇ ਡੈਡੀ ਆਪਣੇ ਵੇਲੇ ਪਿੰਡ ਦਾ ਸਰਪੰਚ ਰਿਹਾ ਸੀ, ਫੇਰ ਬਾਹਰਲੇ ਮੁਲਕ ਚੱਲ ਗਿਆ, ਘਰ ਵਿੱਚ ਅਮੀਰੀ ਬਹੁਤ ਸੀ, ਮੈਂ ਆਪਣੇ ਡੈਡੀ ਵਾਲੇ ਸਕੂਲ ਨਹੀਂ ਛੱਡ ਕੇ ਹੋਰ ਕਿਤੇ ਕਿਉਂ ਪੜਾ ਇਸ ਕਰਕੇ ਬਿੱਕਰ ਇੱਥੇ ਹੀ ਪੜਦਾ ਸੀ,ਬਾਰਾਂ ਜਮਾਤਾਂ ਕਰਕੇ ਉਹ ਮੇਰੇ ਨਾਲ ਕਾਲਜ ਲੱਗ ਗਿਆ, ਉਦੋ ਇੱਕ ਦੂਜੇ ਨਾਲ ਮੋਹੱਬਤ ਹੋ ਗਈ ਤਿੰਨ ਸਾਲ ਤੀਆਂ ਵਾਂਗ ਲੰਘੇ ਪਰ BA ਫਾਈਨਲ ਮੈਂ ਪਾਸ ਕਰ ਗਈ ਉਹ ਫੇਲ ਮਗਰੋ ਪੜਨੋ ਹੱਟ ਗਿਆ, ਜੱਟ ਬੂਟ ਜਿਹਾ ਬੰਦਾ ਸੀ।
ਮਾਸਟਰ ਨੇ ਕਈ ਵਾਰ ਰੋਕਿਆ ਸੀ ਕਾਲਜ ਕੁੜਤਾ ਪਜਾਮਾ ਨਹੀਂ ਪਾਕੇ ਆਉਣਾ ,ਪਰ ਉਹ ਰੋਜ ਉਸੇ ਪਹਿਰਾਵੇ ਵਿੱਚ ਆਉਂਦਾ ਉਸਦੀ ਵੱਖਰੀ ਦਿਖ ਸੀ, ਮੇਰੇ ਬਾਰੇ ਆਪਣੀ ਮੰਮੀ ਨਾਲ ਸਿੱਧੀ ਗੱਲ ਕਰ ਲਈ ਸੀ, ਵੇਖ ਪੁੱਤ ਜੇ ਕੁੜੀ ਦੇ ਘਰਵਾਲੇ 2 ਸਾਲ ਰੁੱਕ ਸਕਦੇ ਆ ਅਸੀਂ ਤੇਰਾ ਵਿਆਹ ਉਸ ਨਾਲ ਕਰ ਦਵਾਂਗੇ ਉਸਦੀ ਮੰਮੀ ਨੇ ਕਿਹਾ। ਪਰ ਮੇਰੀ ਦਾਦੀ ਨੂੰ ਮੇਰੇ ਵਿਆਹ ਦੀ ਕਾਹਲੀ ਸੀ, ਮੁੰਡਾ ਵੇਖ ਰਿਸ਼ਤਾ ਪੱਕਾ ਕਰ ਦਿੱਤਾ।ਉਹ ਬੜਾ ਤੜਫੇਆ ਸੀ, ਵਿਆਹ ਬਾਹਦ ਇੱਕ ਵਾਰ ਫੋਨ ਕਰਕੇ ਜਰੂਰ ਦੱਸੀ ਤੇਰਾ ਸੋਹਰਾ ਪਰਿਵਾਰ ਕਿਵੇ ਆ , ਤੂੰ ਖੁਸ਼ ਮੈਂ ਉਵੇਂ ਹੀ ਕੀਤਾ ਪਹਿਲੀ ਵਾਰ ਪੈਕੇ ਆਈ ਬਿੱਕਰ ਨੂੰ ਫੋਨ ਕੀਤਾ, ਆਖਦਾ ਜੇ ਰਾਜੀ ਖੁਸ਼ੀ ਆ ,ਅੱਗੇ ਵੀ ਖੁਸ ਰਹੀ ਦੁੱਖ ਸੁੱਖ ਜ਼ਿੰਦਗੀ ਦਾ ਹਿੱਸਾ ਆ, ਹੁਣ ਕਦੀ ਫੋਨ ਨਾਂ ਕਰੀ ਆਪਣਾ ਘਰ ਵੱਸਾਂ, ਉਹ ਲੋੜ ਨਾਲੋਂ ਵੀ ਵੱਧ ਸਿਆਣਾ ਸੀ
11ਸਾਲ ਬੀਤ ਗਏ ,ਕਦੇ ਉਸਨੂੰ ਨਹੀਂ ਵੇਖਿਆ ਆਪਣੇ ਆਪ ਵਿੱਚ ਗੁਆਚ ਗਈ, ਮੇਰੀ ਨਣਾਨ ਮੈਂ ਆਪਣੇ ਹੱਥੀ ਵਿਆਹਿਆ ਸੀ, ਜਿਹੜੇ ਪਿੰਡੋ ਬਰਾਤ ਆਈ ਉਹ ਬਿੱਕਰ ਦਾ ਪਿੰਡ ਸੀ ਇੱਕ ਵਾਰ ਪਿੰਡ ਦਾ ਨਾਮ ਸੁਣ ਕੇ ਹਿੱਲ ਜੇ ਗਈ, ਵਿਆਹ ਹੋ ਗਿਆ ਸਾਲ ਬੀਤ ਗਿਆ, ਕੁੜੀ ਨੂੰ ਦਾਜ ਤੋਂ ਤੰਗ ਕਰਦੇ ਕਦੇ ਕੁੱਝ ਕਦੇ ਕੁੱਝ ਅਖੀਰ ਮੇਰਾ ਜੇਠ ਆਪਣੀ ਭੈਣੇ ਨੂੰ ਲੈ ਆਇਆ ,ਪੰਚਾਏਤਾ ਹੋਈਆਂ ਕੋਈ ਗੱਲ ਸਿਰੇ ਨਾਂ ਲੱਗੀ ਉਹ ਸਾਫ ਮੁਕਰ ਗਏ , ਅਸੀਂ ਕੋਈ ਦਾਜ ਦੀ ਮੰਗ ਨਹੀਂ ਰੱਖੀ, ਮੇਰੀ ਜੇਠਾਣੀ ਦੀ ਮਾਂ-ਪਿਉ ਆਏ, ਆਖਣ ਲੱਗੇ ਸਾਡੀ ਰਿਸ਼ਤੇਦਾਰੀ ਉਸ ਪਿੰਡ ਉਹ ਬੰਦਾ ਆਪਣਾ ਫੈਸਲਾ ਕਰਵਾ ਸਕਦਾ, ਬੜੀ ਪਹੁੰਚ ਉਸਦੀ, ਦੂਜੇ ਦਿਨ ਉਸਨੂੰ ਬੁਲਾ, ਵਾਹਵਾਂ ਵੱਡੀ ਗੱਡੀ ਵਿੱਚੋ ਚਿੱਟਾ ਕੁੜਤਾ ਪਜਾਮਾ ਪਾਈ ਇੱਕ ਸਰਦਾਰ ਮੁੰਡਾ ਉੱਤਰਿਆ
ਮੈਂ ਚੌਕੇ ਵਿੱਚ ਖੜੀ ਸੀ ਪਰ ਸਕਲ ਨਹੀਂ ਵੇਖ ਸਕੀ
ਮੈਂ ਚੌਂਕੇ ਵਿੱਚ ਖੜੀ ਸੀ ਪਰ ਸਕਲ ਨਹੀਂ ਵੇਖ ਸਕੀ, ਜੇਠਾਣੀ ਨੇ ਪਾਣੀ ਫੜਾਇਆ, ਗੈਸਟ ਰੂਮ ਵਿੱਚ ਗੱਲਾਂ ਬਾਤਾਂ ਹੋ ਰਹੀਆ ਸੀ ਕੀ ਕਰਨਾ ਅੱਗੇ ਕੁੜੀ ਵਸਾਉਣੀ ਆ ਜੇ ਆਪਾ …. ਚਾਹ ਫੜਾਉਣ ਦੀ ਜ਼ਿੰਮੇਵਾਰੀ ਮੇਰੀ ਸੀ, ਜਦੋ ਚਾਹ ਫੜਾਉਣ ਗਈ , ਮੈਨੂੰ ਉਸਦਾ ਚੇਹਰਾ ਬਿੱਕਰ ਵਰਗਾ ਲੋਗਾ।ਪਰ ਉਹ ਤੇ ਕਟਿੰਗ ਵਾਲਾ ਸੀ, ਜਦੋ ਮੇਰੇ ਸੋਹਰੇ ਨੇ ਗੱਲਾਂ ਕਰਦੇ ਨੇ ਕਿਹਾ” ਬਿੱਕਰ ਸਿਆਂ ਹੁਣ ਤੂੰ ਵਿੱਚ ਪੈ ਕਰ ਕੋਈ ਹੱਲ, ਮੈਂ ਇੱਕ ਦਮ ਡਰ ਗਈ ਹੈ ਸੱਚੀ ਬਿੱਕਰ, ਉਸਨੇ ਮੇਰੇ ਵੱਲ ਵੇਖਿਆ, ਮੈਂ ਹੱਥ ਜੋੜ ਸਤਿ ਸ੍ਰੀ ਅਕਾਲ ਬੁਲਾਈ। ਆਪਣੇ ਕਮਰੇ ਵਿੱਚ ਆ ਗਈ, ਰੋਟੀ ਲਈ ਮਟਰ ਤੇ ਪਿੰਡੀਆ ਦੀ ਸਬਜ਼ੀ ਤਿਆਰ ਸੀ,ਪਰ ਪਤਾ ਨਹੀਂ ਕਿਉਂ ਮੈਂ ਮੂੰਗੀ ਵੀ ਬਣਾ ਲਈ। ਦੋ ਸਬਜ਼ੀਆਂ ਪਹਿਲਾ ਤੋਂ ਤਿਆਰ ਨੇ ਇਸ ਦੀ ਕੀ ਲੋੜ ਸੱਸ ਨੇ ਪੁੱਛਿਆ , ਜਦੋ ਰੋਟੀ ਲਈ ਆ ਸਾਰੇ ਡਾਈਨਿੰਗ ਟੇਬਲ ਤੇ ਆਏ , ਨਾਂ ਉਹਨੇ ਭਿੰਡੀਆ ਖਾਂਦੀਆਂ ਨਾਹੀ ਮਟਰ, ਸਿਰਫ ਮੂੰਗੀ ਦਾਲ ਰੋਟੀ ਖਾਦੀ ਉਸਨੂੰ ਬਹੁਤ ਪਸੰਦ ਸੀ, ਅੱਜ ਵੀ ਪਸੰਦ ਆ ਇਹ ਵੇਖਕੇ ਸਕੂਨ ਮਿਲਿਆ, ਦੋ ਬਿਨਾ ਬਾਦ ਪੰਚਾਇਤ ਬੈਠੀ ਤੇ ਫੈਸਲਾ ਹੋ ਗਿਆ। ਵੇਖ ਬਈ ਮਨਕਿਰਤ ਸਿਆਂ ਕੁੜੀ ਮੇਰੀ ਭੈਣ ਆ ਅੱਗੇ ਤੋਂ ਕੋਈ ਲਾਬਾਂ ਨਾਂ ਆਵੇ ਤੇਰੇ ਵੱਲੋ, ਬਿੱਕਰ ਨੇ ਮੇਰੀ ਨਨਾਣ ਦਾ ਟੁੱਟਾ ਘਰ ਵਸਾ ਦਿੱਤਾ ।
ਲਿਖਤ- ਸੁਮੀਤ ਜੋਸਨ
ਮਾਮੇ ਦੇ ਮੁੰਡੇ ਦੇ ਵਿਆਹ ‘ਤੇ ਜਾਣ ਵੇਲੇ ਬਾਪੂ ਨੂੰ ਆਖਿਆ ਸੀ,ਪਾਪਾ ਥੋਡੇ ਸਹੁਰਿਆਂ ‘ਚ ਪਹਿਲਾ ਵਿਆਹ ਏ, ਸਵਾ ਲਵੋ ਨਵੇਂ ਪੈਂਟ-ਕੋਟ, ਐਵੇਂ ਨਾ ਕੰਜੂਸੀਆਂ ਕਰੀ ਜਾਇਆ ਕਰੋ! “ਓਏ ਪੁੱਤਰਾ, ਇਹ ਸਜਣਾ-ਧਜਣਾ ਥੋਨੂੰ ਜਵਾਨਾਂ ਨੂੰ ਸੋਹਦਾ, ਸਾਡਾ ਕੀ ਏ ਬੁੱਢਿਆਂ-ਠੇਰਿਆਂ ਦਾ ਤੇ ਬਾਪੂ ਨੇ ਪੁਰਾਣੇ ਸਫਾਰੀ ਸੂਟ ‘ਚ ਈ ਵਿਆਹ ਭੁਗਤਾ ਦਿੱਤਾ। “ਤੁਸੀ ਤਾਂ ਲੁਧਿਆਣਾ ਨੀ ਟੱਪੇ ਹੋਣੇ !ਐਤਕੀ ਥੋਨੂੰ ਸ਼ਿਮਲੇ ਲੈ ਕੇ ਜਾਣਾ ਘੁਮਾਉਣ, ਯਾਰ ਬਾਪੂ!” ਮਜ਼ਾਕ ਕਰ ਲਈਦਾ ਸੀ ਉਹਨਾਂ ਨਾਲ। ਚੌੜ ਪਿਆਂ ਨੇ ਕਈ ਵਾਰ ‘ਤੂੰ-ਤਾਂ’ ਵੀ ਕਹਿ ਜਾਣਾ। ਜਦੋਂ ਪਾਪੇ ਨੇ ਕੋਈ ਚੀਜ਼ ਖਰੀਦਣੀ ਹੁੰਦੀ ਤਾਂ ਬੜੀ ਨਿਰਖ-ਪਰਖ ਕਰਨੀ। ਅਸੀਂ ਭੈਣਾਂ-ਭਰਾਵਾਂ ਨੇ ਕਹਿਣਾ” ਬਾਪੂ ਆਪਣਾ ਸੀ ਬੀ ਆਈ ‘ਚ ਹੋਣਾ ਚਾਹੀਦਾ ਸੀ।
ਕੰਮ ਤੋਂ ਘਰ ਅਤੇ ਘਰੇ ਕੰਮ ‘ਤੇ ਇਹੋ ਸੀ ਉਹਨਾਂ ਦਾ ਰੁਟੀਨ, ਸ਼ੁੱਧ ਸਾਕਾਹਾਰੀ, ਸ਼ਰਾਬ ਸਾਰੀ ਉਮਰ ਜੀਭ ‘ਤੇ ਨਹੀਂ ਧਰ ਕੇ ਦੇਖੀ ਹੋਣੀ।ਬੜੀ ਬਲੈਕ ਐਂਡ ਵਾਈਟ ਸੀ ਜ਼ਿੰਦਗੀ ਉਹਨਾਂ ਦੀ! ਛੋਟੀ ਉਮਰੇ ਕਬੀਲਦਾਰੀ ਮੋਢਿਆਂ ‘ਤੇ ਪੈ ਗਈ ਸੀ। ਤਿੰਨ ਭੈਣਾਂ ਦਾ ਵਿਆਹ ਕਰਕੇ ਫਿਰ ਆਪਣੇ ਬਾਰੇ ਸੋਚਿਆ ਸੀ। ਰਿਸ਼ਤੇਦਾਰੀਆਂ ‘ਚ ਕਿਵੇਂ ਨਿਭੀਦਾ ਕੋਈ ਉਹਨਾਂ ਤੋਂ ਸਿੱਖਦਾ।
ਕੁਝ ਹਵਾਵਾਂ ਵਗਦੀਆਂ ਨਹੀਂ ਪਰ ਹੁੰਝ ਕੇ ਸਭ ਕੁਝਲੈ ਜਾਂਦੀਆਂ ਨੇ।ਮੈਸਵ ਹਾਰਟ ਅਟੈਕ ਨੇ ਸਾਨੂੰ ਤਿੰਨ ਨਹੀਂ ਗਿਣਨ ਦਿੱਤੇ ਕਿ ਸਾਡੀ ਫੁੱਲਾਂ ਦੀ ਕਿਆਰੀ ‘ਤੇ ਹੋਣੀ ਨੇ ਤਵੀਆਂ ਫੇਰ ਦਿੱਤੀਆਂ। ਕਿਸੇ ਨੇ ਦੋ ਮਹੀਨਿਆਂਤੋ ਛੇੜਿਆ ਨਹੀਂ ਸੀ, ਕੱਲ ਨਿੱਕੀ ਵਿਹੜੇ ‘ਚ ਖੜ੍ਹਾ ਕੇ ਨਾਲੇ ਤਾਂਪਾਪੇ ਦਾ ਸੈਕਲ ਸਾਫ਼ ਕਰੀ ਜਾਵੇ ਤੇ ਨਾਲੇ ਰੋਈ ਜਾਵੇ।ਤੇ ਸ਼ਾਮੀ ਇੱਕ ਰਕਸ਼ੇ ਵਾਲਾ ਦੋ ਹਜ਼ਾਰ ਰੁਪਈਆ ਮੋੜਨ ਆਇਆ ਹੱਥ ਜੋੜ ਕੇ ਕਹਿੰਦਾ, ‘ਭਾਈ ਸਾਬ ਨੇ ਬੜੇ ਔਖੇ ਵੇਲੇ ਮਦਦ ਕੀਤੀ ਸੀ, ਮਸਾਂ-ਮਸਾਂ ਐਸੇ ਇਨਸਾਨ ਪੈਦਾ ਹੁੰਦੇ।
ਧਰਤੀ ਆਪਣੇ ਧੁਰੇ ਤੋਂ ਹਿੱਲ ਗਈ ਲੱਗਦੀ ਏ, ਡੇਢ ਸੌ ਦੀ ਸਪੀਡ ‘ਤੇ ਜਾਂਦੀ ਗੱਡੀ ਦਾ ਪਹੀਆ ਲਹਿ ਗਿਆ ਏ, ਪਤਾ ਈ ਨੀ ਲੱਗਦਾ ਪਿਆ ਬਾਪੁ ਬਿਨਾਂ ਹੁਣ ਚੱਲੂਗਾ ਕਿਵੇ ! ਨੌਜਵਾਨ ਪੀੜੀ ਨੂੰ ਇੱਕ ਬਿਮਾਰੀ ਏ, ਸਮਝ ਮੇਲਾ ਵਿੱਝੜਣ ਤੋਂ ਬਾਅਦ ਆਉਂਦੀ ਏ, ਉਦੋ ਨੂੰ ਮੌਕਾ ਹੱਥੋਂ ਖੁੰਝ ਚੁੱਕਿਆ ਹੁੰਦਾ ਏ।ਮਾਪੇ ਪੁਰਾਣੇ ਖਿਆਲਾਤ ਦੇ ਲੱਗਦੇ ਨੇ ਅਸਲ ਹਕੀਕਤ ਉਦੋ ਪਤਾ ਲੱਗਦੀ ਏ ਜਦੋਂ ਉਹਨਾਂ ਦੀ ਜੁੱਤੀ ‘ਚ ਪੈਰ ਪਾਉਣਾ ਪੈਂਦਾ ਏ।
ਸੌ ਹੱਥ ਰੱਸਾ ਤੇ ਸਿਰੇ ‘ਤੇ ਗੰਢ, ਬੱਸ, ਏਨਾ ਈ ਕਹਾਂਗਾ, ਜੀਹਦੇ ਹੈਗੇ ਆ ਕਦਰ ਕਰ ਲੋ। ਜਿਉਂਦਿਆਂ-ਜਾਗਦਿਆਂ ਦੀ, ਮਗਰੋ ਨਹੀਂ ਕੰਧਾਂ ‘ਚ ਟੱਕਰਾਂ ਮਾਰਨ ਦਾ ਕੋਈ ਫੈਦਾ ਨੀ!
ਵੈਸੇ ਤਾਂ ਬਹੁਤ ਲੜੇ ਸੀ ਅਸੀ ਛੋਟੇ ਹੁੰਦੇ, ਪਰ ਅੱਜ ਪਤਾ ਨੀ ਕਿਓਂ ਆਪਣੀ ਛੋਟੀ ਭੈਣ ਉਪਰ ਬਹੁਤ ਲਾਡ ਆ ਰਿਹਾ ਸੀ। ਹਾਂ, ਸ਼ਾਇਦ ਓਹ ਵਿਆਹ ਕਰਕੇ ਘਰੋਂ ਵਿਦਾ ਹੋਣ ਲੱਗੀ ਸੀ ਨਾ! ਹੁਣ ਸ਼ਾਮ ਨੂੰ ਘਰ ਆਏ ਤੇ ਆਪਣੀਆਂ ਕਦੇ ਨਾ ਖਤਮ ਹੋਣ ਵਾਲੀਆਂ ਗੱਲਾਂ ਕੌਣ ਕਰਿਆ ਕਰੂ ਮੇਰੇ ਨਾਲ? ਵੀਰੇ ਮੈਂ ਆਹ ਲੈਣਾ! ਵੀਰੇ ਮੈਂ ਓਹ ਲੈਣਾ! ਵੀਰੇ ਅੱਜ ਭਾਬੀ ਨੇ ਮੈਨੂੰ ਘੂਰਿਆ ! ਕਿਓ ਵਈ ? ਕਿਓਂ ਘੂਰਿਆਤੂੰ ਮੇਰੀ ਧੀ ਨੂੰ ਤਾਂ ਰਾਣੋ ਦੀ ਭਰਜਾਈ ਨੇ ਹੱਸਦੀ ਨੇ ਕੰਨ ਫੜ ਲੈਣੇ। ਬਾਪੁ ਛੋਟੇ ਹੁੰਦੇ ਈ ਚੱਲ ਵਸਿਆ ਸੀ ਤੇ ਬੇਬੇ ਵੀ ਬਾਪੂ ਦੇ ਦੋ ਸਾਲਾਂ ਬਾਅਦ ਚੱਲ ਵਸੀ। ਰਾਣੋ ਤੇ ਮੈਂ ਇਕੱਲੇ ਰਹਿ ਗਏ।
ਰਾਣੋ ਮੈਥੋਂ ਪੰਜ ਸਾਲ ਛੋਟੀ ਸੀ। ਅਸੀਂ ਆਪਣੇ ਨਾਨਕੇ ਰਹੇ।ਮੈਂ ਪੜ ਤਾਂ ਜਿਆਦਾ ਨੀ ਸਕਿਆ ਪਰ ਇਲੈਕਟੀਸ਼ਨ ਦਾ ਕੰਮ ਸਿੱਖ ਲਿਆ। ਫੇਰ ਜਦੋ ਕਮਾਓਣ ਲੱਗਿਆ ਤਾਂ ਮਾਮੇ ਨੇ ਕਿਰਾਏ ਤੇ ਇਕ ਘਰ ਲੈ ਦਿੱਤਾ। ਮੌਕਾ ਦੇਖ ਰਿਸ਼ਤੇਦਾਰਾਂ ਨੇ ਵਿਆਹ ਕਰ ਦਿੱਤਾ। ਉਮਰ ਵੀਹ ਸਾਲਾਂ ਦੀ ਹੀ ਸੀ। ਪਰ ਇੱਕੀ ਲਿਖਵਾਈ।ਰੋਟੀ ਜੋ ਪੱਕਦੀ ਕਰਨੀ ਸੀ। ਮਨਰਾਜ ਨੂੰ ਮੈਂ ਕਿਹਾ ਸੀ ਕਿ ਰਾਣੋ ਦੇ ਮਾਂ-ਬਾਪ ਹੁੱਣ ਆਪਾਂ ਬਣਨਾ। ਓਨੂੰ ਕੋਈ ਕਮੀ ਨੀ ਆਓਣੀ ਚਾਹੀਦੀ ,ਓਹ ਵੀ ਰਾਣੋ ਦੀ ਭਰਜਾਈ ਘੱਟ ਤੇ ਮਾਂ ਵੱਧ ਬਣੀ।
ਅੱਜ ਰਾਣੋ ਦੇ ਵਿਆਹ ਵੇਲੇ ਸਾਰੇ ਮੈਨੂੰ ਵਧਾਈਆਂ ਦੇ ਰਹੇ ਸਨ। ਮੈਂ ਖੁਸ਼ ਵੀ ਸਾਂ। ਮੇਰੀ ਧੀ ਰਾਣੀ ਨਵੀਂ ਜਿੰਦਗੀ ਵਿੱਚ ਜੋ ਪੈਰ ਧਰਨ ਜਾ ਰਹੀ ਸੀ।ਪਿਛਲੀ ਰਾਤ ਰੋਣ ਲੱਗ ਪਈ। ਮਨਰਾਜ ਨੂੰ ਕਹਿੰਦੀ ਭਾਬੀ ਮੇਂ ਪਰਾਈ ਹੋਣ ਲੱਗੀ ਆ।ਮਨਰਾਜ ਨੇ ਸਮਝਾਇਆ ਕਮਲੀ ਨੂੰ ਇਹ ਤੇਰਾ ਘਰ ਹੈ ਰਾਣੋ ਤੇ ਓਹ ਵੀ ਤੇਰਾ ਘਰ ਹੈ ਜਿੱਥੇ ਤੂੰ ਚੱਲੀ ਆ। ਸੁੱਖ ਨਾਲ ਦੋ-ਦੋ ਘਰ ਨੇ ਤੇਰੇ।ਪਰਾਈ ਨਹੀ, ਦੋ ਘਰਾਂ ਦੀ ਆਪਣੀ ਹੋਣ ਲੱਗੀ ਆ ਤੂੰ। ਅਸੀ ਖੁਸ਼ਕਿਸਮਤ ਸਾਂ ਕਿ ਰਾਣੀ ਲਈ ਬਹੁਤ ਵਧੀਆ ਘਰ ਮਿਲਿਆ ਸੀ। ਦਾਜ-ਦਹੇਜ ਕੁੱਛ ਨਾ ਲਿਆ ਮੁੰਡਾ ਵਾਲਿਆਂ ਨੇ ਤੇ ਨਾ ਹੀ ਮੇਰੇ ਉਪਰ ਕੋਈ ਖਰਚੇ ਦਾ ਬੋਝ ਪਾਇਆ। ਬੱਸ ਇੱਕ ਖਾਹਿਸ਼ ਹੀ ਸੀ ਕਿ ਰਾਣੀ ਨੂੰ ਮੈਂ ਹੱਸਕੇ, ਖੁੱਸ਼ ਹੋ ਕੇ ਵਿਦਾ ਕਰਾਂ! ਕਹਿੰਦੀ ਹੁੰਦੀ ਸੀ ਦੇਖੀ ਵੀਰੇ! ਵਿਦਾਈ ਵੇਲੇ ਕਿੰਨਾ ਰੋਏਂਗਾ! ਤੇ ਮੈਂ ਕਹਿੰਦਾ ਸੀ ਦੇਖੀ ਤੇਨੂੰ ਖੁਸ਼ੀ-ਖੁਸ਼ੀ ਵਿਦਾ ਕਰੂ! ਪਰ ਵਿਦਾਈ ਹੋਣ ਸਮੇਂ ਜਦੋਂ ਗੱਡੀ ਚ ਬਹਿੰਦੀ ਹੋਈ ਰਾਣੋ ਇਕਦਮ ਮੁੜ ਕੇ ਵਾਪਸ ਮੇਰੇ ਵੱਲ ਆਈ ਨਾ! ਤਾਂ ਹੰਝੂ ਆਪ ਮੁਹਾਰੇ ਹੀ ਨਿੱਕਲ ਆਏ!
ਮਨ ਕਹਿੰਦਾ ਸੀ ਥੋੜੇ ਦਿਨ ਹੋਰ ਰਹਿ ਲੈਂਦੀ ਤੂੰ ਧੀਏ, ਮੇਰੇ ਵਿਹੜੇ ਹੱਸ-ਖੇਡ ਲੈਂਦੀ! ਚਾਰ ਗੱਲਾਂ ਹੋਰ ਕਰ ਲੈਂਦੀ! ਹੁਣ ਤੂੰ ਆਪਣੀ ਜਿੰਦਗੀ ਚ ਰੁੱਝ ਜਾਣਾ! ਤੇ ਤੇਰੇ ਵੀਰ ਨੇ ਤੇਰੀਆਂ ਯਾਦਾਂ ਸੰਜੋਈ ਜਾਣੀਆਂ, ਮੈਂ ਤੇ ਰਾਣੋ ਗਲ ਲੱਗ ਬਹੁਤ ਰੋਏ ,ਗੱਡੀ ਦੀ ਬਾਰੀ ਵਿੱਚੋ ਓਹ ਮੁੜ-ਮੁੜ ਮੇਰੇ ਵੱਲ ਦੇਖਦੀ ਸੀ। ਕੀ ਕਰੀਏ, ਇਹੀ ਦੁਨੀਆਂ ਦੀ ਰੀਤ ਹੈ! ਕਿੰਨਾ ਹੀ ਪਿਆਰ ਕਿਓ ਨਾ ਕਰਦੇ ਹੋਵੋ ਤੁਸੀਂ ਆਪਣੀ ਬੇਟੀ ਨੂੰ, ਇਕ ਦਿਨ ਉਸਨੂੰ ਵਿਦਾ ਕਰਨਾ ਹੀ ਪੈਂਦਾ ਹੈ।
ਮੈਂ ਮਾਨਸਾ ਜਿਲ੍ਹੇ ਦੇ ਇੱਕ ਨਿੱਕੇ ਜਿਹੇ ਪਿੰਡ ਵਿੱਚ ਜਨਮੀ ਕੁੜੀ ਆ , ਮੇਰਾ 1988 ਦਾ ਜਨਮ ਆ , ਮੈਂ ਪਿੰਡ ਦੇ ਸਰਕਾਰੀ ਹਾਈ ਸਕੂਲ ਵਿੱਚ ਪੜੀ ਫੇਰ ਮਾਨਸਾ ਨਹਿਰੂ ਕਾਲਜ ਵਿੱਚ ਬੀ ਏ ਕੀਤੀ, ਜਦੇ ਦੂਜੇ ਸਾਲ ਵਿੱਚ ਸੀ , ਇੱਕ ਮੁੰਡੇ ਨੇ ਮੇਰਾ ਪਿੱਛਾ ਕਰਿਆ ਕਰਨਾ , ਮੈਂ ਕਾਫੀ ਅੱਕ ਗਈ ਸੀ ਉਸ ਤੋਂ । ਉਹਨੇ ਕਾਫੀ ਦੁਖੀ ਕਰਲੇਆ ਸੀ , ਮੈਂ ਆਪਣੀ ਸਹੇਲੀ ਨਾਲ ਗੱਲ ਕੀਤੀ ਤੇ ਉਹਨੇ ਮੁੰਡੇ ਨੂੰ ਸਿੱਧਾ ਜਾਕੇ ਆਖ ਦਿੱਤਾ ਕਿ ਇਸ ਕੁੜੀ ਨੂੰ ਤੰਗ ਨਾਂ ਕਰ ਬਹੁਤ ਸ਼ਰੀਫ ਕੁੜੀ ਆ , ਅੱਗੋਂ ਆਖਦਾ , 12 ਕਿੱਲੇ ਆਉਂਦੇ ਆ ਰੋਡ ਤੇ ਮੈਂ ਤੇ ਇਸੇ ਨਾਲ ਵਿਆਹ ਕਰਵਾਉਣਾ ਆ , ਅੱਗੋਂ ਮੇਰੀ ਸਹੇਲੀ ਕਹਿ ਆਈ , ਆਇਆ ਵੱਡਾ ਆਸ਼ਕ ਕੰਮ ਤੇਰੇ ਚਵਲਾ ਵਾਲੇ ਆ ਕਦੇ ਕਿੱਥੇ ਖੜ ਜਾਂਦਾ ਕਦੇ ਕਿੱਥੇ ।
ਪਰ ਉਹ ਫੇਰ ਨਾ ਹਟਿਆ ਮੇਰੀ ਸਹੇਲੀ ਨੇ ਮਹੀਨੇ ਕੁ ਬਾਹਦ ਜਾਕੇ ਫੇਰ ਕਲਾਸ ਲਾਤੀ ਅੱਗੋਂ ਫੇਰ ਆਖਦਾ 12 ਕਿੱਲੇ ਜਮੀਨ ਆ ਮੈਂ ਤੇ ਵਿਆਹ ਕਰਵਾਉਣਾ ਇਸ ਨਾਲ , ਮੇਰੀ ਸਹੇਲੀ ਆਖਦੀ, ਹੁਣ ਮਗਰ ਆਇਆ ਨਾਂ ਸਾਬ ਲਾਲੀ ਮੇਰੇ ਭਰਾ ਵੀ ਵੈਲੀ ਆ , ਉਹ ਸੱਚੀ ਮਗਰ ਆਉਣੋਂ ਹੱਟ ਗਿਆ ,ਪਰ ਜਦੇ ਉਹ ਕਾਲਜ ਆਉਂਦਾ ਅਸੀਂ ਉਹਦੇ ਵੱਲ ਵੇਖ ਕੇ ਹੱਸ ਪੈਂਦੀਆ ਆਗਿਆ 12 ਕਿਲਿਆ ਵਾਲਾ ।
ਵੱਕਤ ਬੀਤ ਗਿਆ , ਕਦੇ ਕਦੇ ਸਾਡੀ ਹੈਲੋ ਹਾਏ ਹੁੰਦੀ ਮੇਰੇ ਮਨ ਵਿੱਚ ਉਸਦੇ ਲਈ ਵਧੀਆ ਇੱਜਤ ਬਣ ਗਈ ਸੀ, ਉਸਨੇ ਕਦੇ ਤੰਗ ਨਹੀਂ ਕੀਤਾ ਸੀ ਪਹਲੇ ਦੋ ਮਹੀਨੇ ਛੱਡ ਕੇ , ਕਾਲਜ ਬਾਹਦ ਉਹ ਗਾਇਬ ਹੀ ਹੋ ਗਿਆ , ਸਾਡੇ ਘਰ ਇੱਕ ਦਿਨ ਰਿਸ਼ਤਾ ਆਇਆ , ਵਿਚੋਲਾ ਆਖਦਾ ਵਧੀਆ ਜਮੀਨ ਜਾਇਦਾਤ ਆ ਕੁੜੀ ਰਾਜ ਕਰੂੰਗੀ , ਮੁੰਡੇ ਨੂੰ 12 ਕਿੱਲੇ ਜਮੀਨ ਆਉਂਦੀ ਆ , ਜਦੋ ਮੁੰਡੇ ਦੀ ਫੋਟੋ ਵਿਖਾਈ ਮੇਰੀਆਂ ਲੱਤਾਂ ਕੰਬਨੇ ਨਾ ਹਟਣ , ਇਹ ਉਹੀ ਮੁੰਡਾ ਸੀ , ਜਦੋ ਇੰਗੇਜਮੇਂਟ ਹੋਈ ਮੈਂ ਸਹਿਮੀ ਜਿਹੀ ਉਸ ਕੋਲ ਜਾਕੇ ਬਹਿ ਗਈ । ਹੁਣ ਸਾਡੇ ਵਿਆਹ ਨੂੰ 10 ਸਾਲ ਹੋ ਚੱਲੇ , ਮੇਰੀ ਸਹੇਲੀ ਜਦੇ ਵੀ ਮੈਨੂੰ ਮਿਲਣ ਆਉਂਦੀ ਐ , ਮੇਰੇ ਪਤੀ ਉਸਨੂੰ ਛੇੜਦੇ ਆ , ਕਿਤੇ ਤੇਰੇ ਵੈਲੀ ਵੀਰ ਤੇ ਨਹੀਂ ਆਏ ਤੇਰੇ ਨਾਲ ਮੈਨੂੰ ਡਰ ਲੱਗਦਾ।
ਹੱਸਦੇ ਖੇਡ ਦੇ ਜਿੰਦਗੀ ਸੋਹਣੀ ਬੀਤ ਰਹੀ ਆ , ਮੈਨੂੰ ਕਦੇ-ਕਦੇ ਆਖਦੇ ਆ ਤੂੰ ਮੈਨੂੰ ਉਦੋਂ ਹਾਂ ਕਰ ਦਿੰਦੀ ਜਿੰਦਗੀ ਉਹ ਦਿਨ ਆਪਣੇ ਵਧੀਆ ਹੋਣੇ ਸੀ ਮੈਂ ਕਹਿ ਦਿੰਦੀ ਆ , ਕੀ ਪਤਾ ਜੇ ਉਦੋਂ ਗੱਲ ਕਰਦੇ ਅੱਜ ਗੱਲ ਕਰਨ ਜੋਗੇ ਨਾਂ ਰਹਿੰਦੇ।
ਮੈਂ ਬਚਪਨ ਤੋਂ ਹੀ ਆਪਣੇ ਡੈਡੀ ਨਾਲ ਰਹੀ , ਜਦੋ ਮੈਂ 6-7 ਸਾਲਾਂ ਦੀ ਸੀ, ਉਹਨਾਂ ਹੀ ਮੈਨੂੰ ਸਕੂਲ ਪੜਨ ਲਾਇਆ ਸਹਿਰ ਵਿੱਚ ਉਹ ਸਰਕਾਰੀ ਜੇਬ ਕਰਦੇ ਸੀ , ਮੇਰੇ ਤੋਂ ਛੋਟੇ ਭਰਾ ਦੋਨੇ ਮੰਮੀ ਕੋਲ ਰਹਿਕੇ ਪਿੰਡ ਪੜਦੇ ਸੀ, ਮੈਂ ਜਦੋਂ 10 ਕੁ ਸਾਲ ਦੀ ਸੀ ਉਦੋਂ ਤੋਂ ਹੀ ਡੇਡੀ ਨਾਲ ਖਾਣਾ ਬਣਾਉਣਾ । ਹੋਲੀ-ਹੋਲੀ 14 ਵੇ ਸਾਲ ਵਿੱਚ ਆਕੇ ਪੂਰਾ ਖਾਣਾ ਆਪ ਬਣਾਉਣ ਲੱਗੀ , ਰਸੋਈ ਦਾ ਕੰਮ ਮੈਂ ਕਰਦੀ , ਹਮੇਸ਼ਾ ਡੈਡੀ ਬੜੇ ਪਿਆਰ ਨਾਲ ਮੇਰਾ ਸਿਰ ਪਲੋਸਦੇ , ਅਸੀਂ ਸਰਕਾਰੀ ਕਵਾਟਰ ਵਿੱਚ ਰਹਿੰਦੇ ਸੀ, ਮੈਂ ਕਦੇ ਪਿੰਡ ਆਉਂਦੀ , ਮੇਰਾ ਘੱਟ ਹੀ ਦਿਲ ਲਗਦਾ ਮੰਮੀ ਨਾਲ ਘੱਟ ਹੀ ਮੋਹ ਸੀ ਮੇਰਾ , ਸੋ ਮੈਂ 12 ਜਮਾਤਾਂ ਸਹਿਰ ਰਹਿਕੇ ਕਰੀਆ ਫੇਰ ਅੱਗੇ ਦੀ ਪੜਾਈ ਵੀ ਉੱਥੇ ਹੀ ,
ਸਹਿਰ ਵਿੱਚ ਰਹਿਕੇ ਅਸੀਂ ਜਾਤ-ਪਾਤ ਤੋਂ ਉਪਰ ਉੱਠ ਗਏ ਸੀ , ਮਤਲਬ ਸਾਰੇ ਨੌਕਰੀ ਵਾਲੇ ਇਨਸਾਨਾਂ ਨੂੰ ਉਹਨਾਂ ਦੀ ਨੌਕਰੀ ਦੇ ਹਿਸਾਬ ਨਾਲ ਜਾਣਿਆ ਜਾਂਦਾ ਸੀ ਨਾਕੇ ਕਿਸੇ ਜਾਤ ਦੇ ਹਿਸਾਬ ਨਾਲ , ਮੈਂ ਜਿਸ ਮੁੰਡੇ ਨੂੰ ਪਸੰਦ ਕਰਦੀ ਸੀ, ਕਦੇ ਉਸਨੂੰ ਬੁਲਾ ਕੇ ਵੀ ਨਹੀਂ ਵੇਖਿਆ ਸੀ , ਮੈਂ ਆਪਣੇ ਮਾਪਿਆਂ ਦੀ ਇੱਜਤ ਦਾ ਹਮੇਸ਼ਾ ਖਿਆਲ ਰੱਖਿਆ , ਆਪਣੇ ਆਪ ਨੂੰ ਸਟੈਂਡ ਕਰਨ ਦੀ ਸੋਚੀ
ਬੱਸ ਉਹ ਵਧੀਆ ਲੱਗਦਾ ਸੀ , ਸਾਡੀ ਹੀ ਸੋਸਾਇਟੀ ਵਿੱਚ ਰਹਿੰਦਾ ਸੀ ਉਹ, ਮੈਂ ਕਦੇ-ਕਦੇ ਜਦੋ ਸ਼ਾਮ ਨੂੰ ਸੈਰ ਕਰਨ ਜਾਂਦੀ ਉਹ ਮਿਲਦਾ ਪਰ ਸਾਡੀ ਕਦੇ ਗੱਲ ਨਹੀਂ ਹੋਈ, ਮਿਲਣ ਦਾ ਮਤਲਬ ਇੰਨਾ ਹੀ ਸੀ ਕਿ ਇੱਕ ਦੂਜੇ ਨੂੰ ਵੇਖ ਲੈਣਾ
ਜਦੇ ਡੈਡੀ ਜੀ ਦੀ ਸਰਵਿਸ ਖਤਮ ਹੋਈ , ਅਸੀਂ ਪਿੰਡ ਵਾਲੇ ਘਰ ਰਹਿਣ ਲਗੇ , ਤੇ ਉਸ ਮੁੰਡੇ ਨੇ ਮੈਨੂੰ facebook ਤੇ add ਕਰਿਆ ਅਸੀ hello hi ਕਰਨ ਲਗੇ , ਗੱਲ ਹੋਣ ਲਗੀ ਵਧੀਆ ਤਰੀਕੇ ਨਾਲ , ਚਲੋ ਅਸੀਂ ਇੱਕ ਦੂਜੇ ਦੇ ਨੇੜੇ ਆ ਗਏ , ਉਸਦੇ ਡੈਡੀ ਮੇਰੇ ਡੈਡੀ ਦੇ ਸੀਨੀਅਰ ਆਫ਼ਿਸਰ ਸੀ , ਅਸੀ ਦੋ ਸਾਲ ਵਧੀਆ ਗੱਲ ਕੀਤੀ , ਫੇਰ ਮੇਰੇ ਲਈ ਰਿਸ਼ਤੇ ਆਉਣ ਲਗੇ । ਮੁੰਡੇ ਨੇ ਆਪਣੇ ਘਰ ਗੱਲ ਕਰ ਲਈ ਤੇ ਉਹਨਾਂ ਦੇ ਡੈਡੀ ਨੇ ਮੇਰੇ ਡੈਡੀ ਕੋਲ ਰਿਸ਼ਤਾ ਮੰਗ ਲਿਆ , ਮੇਰੇ ਡੈਡੀ ਨੇ ਕਿਹਾ ਮੈਂ ਘਰ ਸਲਾਹ ਕਰਕੇ ਦੱਸ ਦਿੰਦਾ , ਮੰਮੀ ਨੇ ਕਹਤਾ ਜਿਵੇਂ ਚੰਗਾ ਲਗੇ ਕਰੋ , ਪਰ ਮੇਰੇ ਚਾਰੇ ਨੇ ਕਿਹਾ ਅਸੀ ਕੁੜੀ ਦਾ out off cast ਕਰਨਾ ਹੀ ਨਹੀਂ , ਚਾਚੇ ਨੇ ਦੋ ਚਾਰ ਹੋਰ ਰਿਸ਼ਤੇਦਾਰਾ ਨੂੰ ਕਰਤਾ ਕੇ ਇਹਨਾ ਨਾਲ ਮਿਲਣਾ ਵਰਤਣਾ ਬੰਦ ਕਰੋ ।
ਸਾਡੇ ਘਰ ਕਿੰਨੇ ਦਿਨ ਬਹਿਸ ਬਾਜੀ ਚੱਲਦੀ ਰਹੀ, ਚਾਚੇ ਹੁਣੀ ਕਹਿਣ ਇਹੋ ਜਿਹੇ ਕੰਜਰਾਂ ਦੇ ਕਰਨ ਦੇ ਨਾਲੋਂ ਤੁਸੀਂ ਕੁੜੀ ਨੇ ਮਾਰ ਦਵੇ ਗੱਲ ਖਤਮ , ਉਹ ਗੱਲ ਗੱਲ ਤੇ ਮੈਨੂੰ ਅਹਿਸਾਸ ਕਰਵਾਉਂਦੇ ਕੇ ਜਿਸ ਮੁੰਡੇ ਨਾਲ ਮੇਰਾ ਵਿਆਹ ਹੋਣਾ ਉਹ ਮੁੰਡਾ ਨੀਵੀਂ ਜਾਤ ਦਾ ਆ , ਮੇਰੇ ਡੈਡੀ ਕਹਿਣ ਸਾਰੀ ਉਮਰ ਕੁੜੀ ਨੂੰ ਮੈਂ ਮੁੰਡਿਆਂ ਵਾਂਗ ਪਾਲਿਆ ਇਹਨੇ 15 ਸਾਲ ਮੈਨੂੰ ਖਾਣਾ ਬਣਾਕੇ ਖਿਲਾਇਆ ਮੈਂ ਕਿਵੇਂ ਆਪਣੀ ਧੀ ਦਾ ਮਾੜਾ ਸੋਚ ਲਵਾਂ । ਜੇ ਤੁਸੀਂ ਉਥੇ ਕਰਨਾ ਅਸੀਂ ਨਹੀਂ ਆਉਣਾ , ਚਲੋ ਡੈਡੀ ਨੇ ਰਿਸ਼ਤੇ ਲਈ ਹਾਮੀ ਭਰ ਦਿੱਤੀ , ਸਾਡਾ ਵਿਆਹ ਹੋ ਗਿਆ ਕੋਈ ਆਇਆ ਨਹੀਂ ਆਇਆ ਇਸ ਨਾਲ ਸਾਨੂੰ ਕੋਈ ਫਰਕ ਨਹੀਂ ਪੈਂਦਾ ਡੈਡੀ ਜੀ ਨੇ ਕਿਹਾ
ਅਸੀ 6 ਸਾਲ ਤੋਂ ਇੱਕ ਵਧੀਆ ਜ਼ਿੰਦਗੀ ਜੀਅ ਰਹੇ ਆ , ਹੁਣ ਵੀ ਅਸੀਂ ਇੱਕ ਦੂਜੇ ਨੇ ਇੱਕ ਦੂਜੇ ਦੀ ਸ਼ਖ਼ਸੀਅਤ ਨਾਲ ਜਾਣਦੇ ਆ , ਸਾਡਾ ਪਿਆਰ ਉਮਰਾਂ ਨਾਲ ਹੋਰ ਵੀ ਗੂੜਾ ਹੋ ਰਿਹਾ ਆ ।
ਦੇਸ਼ ਪੰਜਾਬ ਦੇ ਮਾਲਵਾ ਖੇਤਰ ਦਾ ਇੱਕ ਨਿੱਕਾ ਜਿਹਾ ਪਿੰਡ , ਪਿੰਡ ਦੀ ਅੱਧੀ ਨਾਲੋਂ ਜਿਆਦਾ ਆਬਾਦੀ ਖੇਤੀ ਕਰਦੀ ਤੇ ਨਾਲ ਦੇ ਸ਼ਹਿਰ ਜਾਕੇ ਮਜਦੂਰੀ ਕਰਦੀ , ਮੈਂ 10 ਜਮਾਤਾਂ ਪਿੰਡ ਦੇ ਸਰਕਾਰੀ ਸਕੂਲ ਕਰੀਆ , ਉਦੋਂ ਸਾਡੇ ਪਿੰਡ 10 ਵੀ ਤੱਕ ਹੀ ਸਕੂਲ ਸੀ , ਮੈਂ ਸ਼ਾਮੀ ਆਪਣੇ ਵੀਰੇ ਨਾਲ ਜਿੱਦ ਕਰਕੇ ਮੱਝਾਂ ਚਰਾਉਣ ਚਲੀ ਜਾਂਦੀ । ਟਿੱਬੇਆ ਵਿੱਚ ਵਸਿਆ ਸਾਡਾ ਪਿੰਡ , ਉਥੇ ਨਰਮੇ ਕਪਾਹ ਦੀ ਰੁੱਤੇ ਆਮ ਬੰਨਿਆ ਤੇ ਖਾਨ ਨੂੰ ਚਿੱਬੜ ਮਿਲ ਜਾਂਦੇ, 12 ਜਮਾਤਾਂ ਸਹਿਰ ਪਾਸ ਕੀਤੀਆ , ਮੇਰੇ ਡੈਡੀ ਰਾਜਗਿਰੀ ਦਾ ਕੰਮ ਕਰਦੇ , ਸਾਡੇ ਕੋਲ ਆਪਣੀ ਜਮੀਨ ਸਿਰਫ ਅੱਧਾ ਕੂ ਕਿੱਲਾ ਹੀ ਸੀ, ਘਰ ਦਾ ਖਰਚ ਦੁੱਧ ਪਾਕੇ ਜਾਂ ਡੈਡੀ ਦੀ ਮਜਦੂਰੀ ਨਾਲ ਚੱਲਦਾ। ਮੈਂ ਆਪਣੇ ਡੈਡੀ ਵੱਲ ਵੇਖ ਕੇ ਲਾਚਾਰ ਹੋ ਜਾਂਦੀ ਇਹੀ ਲਚਾਰੀ ਮੈਂ ਆਪਣੇ ਵੀਰੇ ਦੀਆਂ ਅੱਖਾਂ ਵਿੱਚ ਵੇਖਦੀ।
ਜਦੇ ਕਦੇ ਬਹੁਤਾ ਮੀਂਹ ਪੈਂਦਾ ਪਿੰਡ ਦੀਆਂ ਗਲੀਆਂ ਦਾ ਪਾਣੀ ਸਾਡੇ ਅੰਦਰ ਤੱਕ ਆ ਜਾਂਦਾ , ਤੇ ਅਸੀਂ ਮਾਵਾਂ-ਧੀਆਂ ਬਾਟੇ ਲੇ ਬਾਹਰ ਨੂੰ ਪਾਣੀ ਕੱਢ ਦੀਆਂ , ਮੇਰਾ ਵੀਰਾ ਅਕਸਰ ਡੇਡੀ ਨਾਲ ਲੜਾਈ ਕਰਦਾ ਕੇ ਸਾਰੀ ਉਮਰ ਲੰਘ ਗਈ ਤੇਰੀ ਲੋਕਾਂ ਦੇ ਘਰ ਬਣਾਉਂਦੇ ਆਪਣਾ ਘਰ ਕਦ ਬਣਾਉਣਾ । ਮੇਰਾ ਵੀਰਾ ਗਰੀਬੀ ਤੋਂ ਤੰਗ ਆਕੇ ਮਰ ਗਿਆ , ਉਹਨੇ ਸਾਈਕਲ ਦੀ ਜਿੱਦ ਕੀਤੀ ਸੀ , ਪਰ ਡੈਡੀ ਨੇ ਮਨਾ ਕਰ ਦਿੱਤਾ , ਉਸਦੇ ਨਾਲ ਦੇ ਸਾਰੇ ਮੁੰਡੇ ਸਾਈਕਲ ਤੇ ਸਕੂਲ ਜਾਂਦੇ ਸੀ, ਉਸਨੂੰ ਤੁਰ ਕੇ ਜਾਣਾ ਪੈਂਦਾ ਸੀ , ਕਦੇ ਕਿਸੇ ਨੂੰ ਤਰਸ ਆਉਂਦਾ
ਚੜਾ ਲੈਂਦਾ ਤੇ ਕਦੇ ਕਿਸੇ ਨੂੰ ਗੁੱਸਾ ਆਉਂਦਾ ਰਾਹ ਚ ਉਤਾਰ ਦਿੰਦਾ , ਮੇਰੇ ਡੈਡੀ ਦਾ ਲੱਕ ਟੁੱਟ ਗਿਆ ਸੀ , ਉਹ ਘਰ ਬਹਿ ਗਏ ਜਵਾਨ ਪੁੱਤ ਦੀ ਮੌਤ ਉਹਨਾਂ ਤੋਂ ਜਰੀ ਨਹੀਂ ਗਈ।
ਅਖੀਰ ਮੇਰੀ ਮਾਸੀ ਮੈਨੂੰ ਆਪਣੇ ਨਾਲ ਲੈ ਗਈ , ਮੇਰੀਆ ਡਾਂਸ ਦੀਆਂ ਕਲਾਸਾਂ ਲਗਵਾਈਆ , ਅਖੀਰ ਮੈਨੂੰ ਇੱਕ DJ ਗਰੁੱਪ ਵਾਲਿਆ ਨੇ ਰੱਖ ਲਿਆ , 500 ਰੁਪਏ ਦਿਹਾੜੀ ਤੋਂ ਮੈਂ ਇੱਕ ਸਾਲ ਬਾਹਦ 2000 ਤੇ ਪਹੁੰਚ ਗਈ ਸੀ , ਮਹੀਨੇ ਦੇ 10-12 ਪ੍ਰੋਗਰਾਮ ਲਗ ਜਾਂਦੇ ਸੀ। ਜਮੀਨ ਵੇਚ ਕੁੱਝ ਪੈਸੇ ਜੋੜ ਮੇਰੀ ਮਾਂ ਨੇ ਘਰ ਬਣਾ ਲਿਆ ਸੀ , ਇੱਕ ਦਿਨ ਪ੍ਰੋਗਰਾਮ ਤੇ ਸਾਡੇ ਗਰੁੱਪ ਦੇ ਮੁੰਡੇ ਨੇ ਕੋਲਡ ਡਰਿੰਕ ਸ਼ਰਾਬ ਮਿਲਾ ਕੇ ਮੈਨੂੰ ਦੇ ਦਿੱਤੀ , ਸ਼ਾਇਦ ਕੋਈ ਨਸ਼ੇ ਵਾਲੀ ਗੋਲੀ ਵੀ ਸੀ ਇਸ ਵਿੱਚ , ਉਸ ਮੁੰਡੇ ਨੇ 5000 ਲੇਕੇ ਕਿਸੇ ਬਰਾਤੀ ਕੋਲ ਮੈਨੂੰ ਰੂਮ ਵਿੱਚ ਛੱਡ ਦਿੱਤਾ , ਗਲਾਸ ਵਿੱਚ ਮੈਂ ਦੇ ਕੂ ਘੁੱਟ ਹੀ ਭਰੇ ਸੀ , ਮੈਨੂੰ ਥੋੜੀ ਹੋਸ਼ ਸੀ , ਜਦੋਂ ਉਹ ਮੁੰਡਾ ਮੇਰੇ ਕੋਲ ਆਇਆ ਮੈਂ ਉਸ ਮੁੰਡੇ ਦੇ ਚਪੇੜ ਮਾਰੀ ।
ਉਸਦੇ ਪਿਉ ਨੇ ਮੇਰੇ ਕੋਲੋ ਹੱਥ ਜੋੜ ਮੁਆਫੀ ਮੰਗੀ , ਧੀਏ ਰੰਗ ਚ ਪੰਗ ਪੈ ਜਾਉ ਚੁੱਪ ਕਰਜਾ , ਮੈਂ ਇੱਕ ਪਾਸੇ ਖੜੀ ਰੋ ਰਹੀ ਸੀ । ਤੂੰ ਮੇਰੀਆ ਧੀਆਂ ਵਰਗੀ ਏ ਅੱਜ ਮੇਰੀ ਲਾਜ ਰੱਖਲਾ , ਉਹਨਾਂ ਨੇ ਮੈਨੂੰ ਆਪਣਾ ਨੰਬਰ ਦਿੱਤਾ , ਵਿਆਹ ਤੋਂ ਬਾਹਦ ਦੋ ਕੂ ਦਿਨਾਂ ਬਾਹਦ ਮੈਨੂੰ ਜਰੂਰ ਮਿਲੀ ਪੁੱਤ , ਮੈਨੂੰ ਉਸ ਬਜੁਰਗ ਦੀਆਂ ਗੱਲਾਂ ਚ ਤਰਸ ਪਿਆਰ ਨਜ਼ਰ ਆ ਗਿਆ ਸੀ , ਥੋੜੇ ਦਿਨਾਂ ਬਾਹਦ ਮੇਂ ਫੋਨ ਮਿਲਾਇਆ । ਉਹਨਾਂ ਮੈਨੂੰ ਘਰ ਮਿਲਣ ਬੁਲਾਇਆ , ਮੈਂ ਗਈ , ਬਹੁਤ ਪਿਆਰ ਸਤਿਕਾਰ ਮਿਲਿਆ , ਉਹਨਾਂ ਮੈਨੂੰ ਮਹੀਨੇ ਦੀ ਕਮਾਈ ਬਾਰੇ ਪੁੱਛਿਆ ਮੈਂ ਕਿਹਾ ਆਹੀ 15-20 ਹਜਾਰ , ਕਿੰਨੀਆਂ ਪੜੀ ਏ ਪੁੱਤ ? ਬਾਰਾਂ” ਮੈਂ ਜਵਾਬ ਦਿੱਤਾ । ਹਿਸਾਬ-ਕਿਤਾਬ ਕਰ ਲਵੇਗੀ..? ਹਾਂਜੀ ਕਰ ਲਵਾਂਗੀ । ਉਹਨਾਂ ਮੈਨੂੰ ਆਪਣੇ ਕੱਪੜੇ ਵਾਲੀ ਦੁਕਾਨ ਤੇ ਨੌਕਰੀ ਦੇ ਦਿਤੀ | ਸਵੇਰੇ 9 ਵਜੇ ਤੋਂ ਸ਼ਾਮੀ 6 ਵੱਜੇ ਤੱਕ ਕੰਮ ਪਰ ਇੱਜਤ ਵਾਲਾ ਕੰਮ ਸੀ ਮੈਂ ਮੰਜੂਰ ਕਰ ਲਿਆ , ਕਪੜੇ ਦਾ ਵੱਡਾ ਸ਼ੋਅਰੂਮ ਸੀ , ਅੱਜ 10 ਸਾਲ ਵਾਂਗ ਹੋ ਗਏ ਮੇਂ ਉੱਥੇ ਕੰਮ ਕਰਦੀ ਆ , ਮੇਰਾ ਵਿਆਹ ਵੀ ਹੋ ਗਿਆ , ਮੇਰੇ ਵਿਆਹ ਤੇ ਜਿੰਨੀਆਂ ਲੋੜੀਂਦੀਆ ਚੀਜਾਂ ਸੀ ਉਹਨਾਂ ਆਪ ਲੈਕੇ ਦਿੱਤੀਆਂ , ਅੱਜ ਮੈਂ ਚੰਗੀ ਜਿੰਦਗੀ ਜੀਅ ਰਹੀ ਆ , ਜਦੋਂ ਮੈਂ ਆਪਣੇ ਪਿਛਲੀ ਜ਼ਿੰਦਗੀ ਵਿੱਚ ਨਿਗਾਹ ਮਾਰਦੀ ਆ ਸੋਚਦੀ ਆ ਕੇ ਜੇ ਸਰਦਾਰ ਜੀ ਮੇਰੇ ਜ਼ਿੰਦਗੀ ਵਿੱਚ ਰੱਬ ਬਣਕੇ ਨਾਂ ਆਉਂਦੇ ਪਤਾ ਨਹੀਂ ਅੱਜ ਮੈਂ ਕਿੱਥੇ ਰੁਲ ਰਹੀ ਹੋਣਾ ਸੀ ।
ਮੈਂ ਜਦੋਂ 12 ਜਮਾਤਾਂ ਕਰਕੇ ਕਾਲਜ ਗਈ ਸੀ ,ਮੈਂ ਇਹੋ ਜਿਹੇ ਸੁਬਾਹ ਦੀ ਕੁੜੀ ਸੀ ਕਿ ਕੋਈ ਮੁੰਡਾ ਕਿਸੇ ਮੇਰੇ ਨਾਲ ਦੀ ਕੁੜੀ ਨੂੰ ਤੰਗ ਕਰਦਾ, ਮੈਂ ਸਿੱਧਾ ਲੋਕਾਂ ਸਾਹਮਣੇ ਉਸਦੀ ਬੇ-ਅੱਜਤੀ ਕਰ ਦਿੰਦੀ ਸੀ , ਹੋਇਆ ਇਸ ਤਰਾਂ ਕੇ ਇੱਕ ਮੁੰਡਾ ਜੋ ਮੇਰੀ ਹੀ ਸਹੇਲੀ ਦਾ ਭਰਾ ਸੀ ਉਸਨੇ ਮੈਨੂੰ ਕਾਲਜ ਜਾਂਦੀ ਨੂੰ ਛੇੜ ਦਿੱਤਾ , ਮੈਂ ਬੱਸ ਅੱਡੇ ਤੇ ਖੜੀ ਨੇ ਕਾਫੀ ਲੋਕਾਂ ਸਾਹਮਣੇ ਉਸਦੀ ਬੇਅੱਜਤੀ ਕਰ ਦਿੱਤੀ , ਕੇ ਜੇ ਕੋਈ ਤੇਰੀ ਭੈਣ ਨੂੰ ਕਹੇ ਫੇਰ ? ਉਹ ਉਥੋਂ ਚਲਾ ਗਿਆ ,ਮੈਂ ਸੋਚਿਆ ਕਿ ਜੇ ਬੰਦੇ ਦਾ ਪੁੱਤ ਹੋਇਆ ਕਦੇ ਮੇਰੇ ਅੱਗੇ ਨਹੀਂ ਆਉਗਾ
ਪਰ ਉਸਨੇ ਫੇਰ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ ਤੇ ਇੱਕੋ ਰੱਟ ਲਗਾ ਲਈ ਮੈਂ ਤੇਰੇ ਨਾਲ ਵਿਆਹ ਕਰਵਾਉਣਾ ਆ ਜੇ ਵੇ , ਬੱਸ ਜਦੇ ਮਿਲੇ ਇੱਕੋ ਗੱਲ , ਉਸਦੀ ਭੈਣ ਵੀ ਮੈਨੂੰ ਕਹਿਣ ਲੱਗੀ ਇਹ ਘਰ ਰੋਂਦਾ ਰਹਿੰਦਾ ਆ, 3 ਮਹੀਨੇ ਬਾਹਦ ਮੈਂ ਉਸ ਨਾਲ ਗੱਲ ਕਰਨ ਲੱਗੀ ਜਦੋਂ ਮੈਨੂੰ ਲੱਗਾ ਮੁੰਡਾ ਸੱਚੀ ਚੰਗਾ ਆ , ਤੇ ਉਸਦੀ ਜੁਬਾਨ ਤੇ ਇੱਕੋ ਗੱਲ ਹੁੰਦੀ ਜਦੋਂ ਵੀ ਉਹ ਗੱਲ ਕਰਦਾ ਤੂੰ ਘਰ ਗੱਲ ਕਰ ਮੈਂ ਵਿਆਹ ਕਰਵਾਉਣਾ , ਮੈਂ ਉਦੋਂ ਬੀ ਏ ਦੂਜੇ ਸਾਲ ਵਿੱਚ ਸੀ , ਉਹਨੇ ਮੈਨੂੰ ਮਜਬੂਰ ਕਰ ਦਿੱਤਾ
ਮੈਂ ਆਪਣੀ ਭੂਆ ਜੀ ਨਾਲ ਗੱਲ ਕੀਤੀ ਉਹਨਾਂ ਆਪਣੇ ਵੱਲੋਂ ਰਿਸ਼ਤਾ ਮੰਮੀ ਨੂੰ ਦਸਿਆ ਘਰਦਿਆਂ ਨੇ ਕਿਹਾ ਕਿ ਨਹੀਂ ਕਰਨਾ ਕੁੜੀ ਛੋਟੀ ਆ ਪਰ ਭੂਆ ਆਖਦੀ ਚੰਗਾ ਰਿਸ਼ਤਾ ਕਰਦੇ , ਸੇ ਘਰਦੇ ਮੰਨ ਗਏ , ਉਧਰ ਮੁੰਡੇ ਨੇ ਮੈਨੂੰ ਕਿਹਾ ਕਿ ਆਪਣਾ ਰਿਸ਼ਤਾ ਹੋ ਹੀ ਗਿਆ ਸਮਝੇ ਚਲੇ ਮਿਲਦੇ ਆ , ਤੇ ਉਹਨੇ ਮੇਰੇ ਨਾਲ ਜੋਰ ਪਾਕੇ ਸਰੀਰਕ ਸਭੰਧ ਬਣਾ ਲਏ ਉਸਨੇ ਮਜਬੂਰ ਕੀਤਾ ਪਰ ਮੇਰੀ ਸਹਿਮਤੀ ਇਸ ਕਰਕੇ ਸੀ ਕਿਉਂਕਿ ਦੋ ਦਿਨਾ ਬਾਹਦ ਅਸੀਂ ਉਹਨਾਂ ਘਰ ਰਿਸ਼ਤਾ ਲੇਕੇ ਜਾਣਾ ਸੀ।
ਚੰਗਾ ਘਰ ਬਾਹਰ ਸੀ ਸੋ ਇਸ ਕਰਕੇ ਵੀ ਸਾਰੇ ਮੰਨ ਗਏ , ਜਦੋ ਭੂਆ ਜੀ ਮੇਰੇ ਦੱਸੇ ਅਨੁਸਾਰ ਮੇਰੇ ਮੰਮੀ ਡੈਡੀ ਨੂੰ ਲੈਕੇ ਉਹ ਨਾ ਘਰ ਗਈ , ਉਹਨਾਂ ਸਾਫ ਜਵਾਬ ਦਿਤਾ ਅਸੀਂ ਨਹੀਂ ਕਰਨਾ , ਜਦੋ ਭੂਆ ਜੀ ਨੇ ਮੁੰਡੇ ਨੂੰ ਪੁੱਛਿਆ ਤੇ ਉਹ ਆਖਦਾ ਮੈਂ ਨਹੀਂ ਕਰਨਾ ਮੈਂ ਤੇ ਚੰਗੀ ਤਰਾਂ ਜਾਣਦਾ ਵੀ ਨਹੀਂ ਕੁੜੀ ਨੂੰ ਉਹ ਹੀ ਮੇਰੇ ਮਗਰ ਪਈ ਆ , ਜਦੋ ਮੇਰੇ ਘਰਦਿਆਂ ਘਰ ਆਕੇ ਇਹ ਗੱਲ ਦੱਸੀ ਤੇ ਭੂਆ ਨਾਲ ਡੈਡੀ ਲੜੇ ਕੇ ਤੂੰ ਵੀ ਇਸ ਬੇਵਕੂਫ ਦੀਆ ਗੱਲਾਂ ਚ ਆ ਗਈ , ਮੇਰੇ ਫੁਫੜ ਜੀ ਨੇ ਭੂਆ ਦੇ ਚਪੇੜ ਮਾਰੀ।
ਗੱਲ ਵੱਧ ਗਈ , ਮੈਂ ਡੰਗਰਾਂ ਵਾਲੇ ਵਾੜੇ ਵਿੱਚ ਜਾਕੇ ਸਪਰੇਹ ਪੀ ਲਈ ਪਰ ਡਾਕਟਰ ਨੇ ਮੇਰੀ ਜਾਨ ਬਚਾ ਲਈ , 10 ਦਿਨਾਂ ਬਾਹਦ ਮੇਂ ਘਰ ਆਈ , ਮੇਰਾ ਅੰਦਰ ਜਮਾ ਖਤਮ ਸੀ, ਥੋੜੇ ਦਿਨਾਂ ਬਾਹਦ ਗੁੱਸੇ ਵਿੱਚ ਆਕੇ ਮੇਰੇ ਭਰਾ ਨੇ ਉਸ ਮੁੰਡੇ ਦੀ ਲਤ ਤੋੜ ਦਿੱਤੀ , ਮੇਰੀ ਗਲਤੀ ਕਰਕੇ ਮੇਰਾ ਭਰਾ ਜੇਲ ਗਿਆ ,ਪਰ ਹੋਲੀ ਹੋਲੀ ਜਿੰਦਗੀ ਲਹਿ ਤੇ ਆਉਣ ਲੱਗੀ , ਸੱਟ ਬਹੁਤ ਗਹਿਰੀ ਲਗੀ ਸੀ , ਮੁੰਡਾ ਇਸ ਕਰਕੇ ਮੁੱਕਰ ਗਿਆ ਕਿਉਂਕਿ ਉਸਨੇ ਇੱਕ ਸਾਲ ਪਹਿਲਾਂ ਕੀਤੀ ਬੇਇਜਤੀ ਦਾ ਬਦਲਾ ਇੰਨਾ ਚਿਰ ਪਿਆਰ ਦਾ ਵਿਖਾਵਾ ਕਰਕੇ ਲਿਆ , ਉਸਦੀ ਭੈਣ ਨੇ ਉਸਦਾ ਸਾਥ ਦਿੱਤਾ ,
ਮੈਂਨੂੰ ਉਸ ਨਾਲ ਨਫਰਤ ਹੋ ਗਈ ਸੋ ਇਹ ਗੱਲ ਮੇਰੇ ਲਈ ਫਾਇਦੇਮੰਦ ਸਾਬਤ ਹੋਈ । ਮੈਂ ਆਪਣੇ ਆਪ ਨੂੰ ਸੰਭਾਲਣਾ ਸ਼ੁਰੂ ਕੀਤਾ , ਤੇ ਅੱਜ ਬਿਲਕੁਲ ਠੀਕ ਆ , ਚੰਗੀ ਆ ਆਪਣੇ ਘਰ , ਪ੍ਰਾਈਵੇਟ ਨੌਕਰੀ ਕਰਦੀ ਆ , ਜੇ ਕੋਈ ਮੁੰਡਾ ਰਾਹ ਗਈ ਛੇੜ ਦਾ ਆ ਜਾ ਕੋਈ ਸੋਸ਼ਲ ਮੀਡੀਆ ਤੇ ਆਖਦਾ ਆ ਮੈਂ ਤੈਨੂੰ ਪਿਆਰ ਕਰਦਾ , ਹੱਸ ਪੈਂਦੀਆਂ , ਕਿਉਂਕਿ ਮੈਂ ਸਿਖਰ ਨੂੰ ਹੱਥ ਲਾਕੇ ਮੁੜੀ ਆ , ਕਈ ਵਾਰ ਆਪਣੇ ਆਪ ਤੇ ਹੈਰਾਨੀ ਹੁੰਦੀ ਐ ਕੇ ਮੈਂ move on ਕਿਵੇ ਕਰ ਲਿਆ। ਪਰ ਮੇਰੀ ਕਹਾਣੀ ਦਾ end ਇਹੋ ਆ ਕੇ ਮੈਂ ਆਪਣੀ ਜ਼ਿੰਦਗੀ ਵਿੱਚ ਖੁਸ ਆ ,
ਮੈਂ ਮੋਗਾ ਪੰਜਾਬ ਦੀ ਰਹਿਣ ਵਾਲੀ ਆ , ਮੇਰਾ ਵਿਆਹ ਨਕੋਦਰ ਵੱਲ ਇੱਕ NRI ਫੈਮਿਲੀ ਵਿੱਚ ਹੋਇਆ ਸੀ , ਉਹਨਾਂ ਮੈਨੂੰ ਇੱਕ ਵਿਆਹ ਵਿਚ ਪਸੰਦ ਕੀਤਾ ਸੀ, ਜਲਦੀ ਜਲਦੀ ਵਿੱਚ ਉਹ ਆਮ ਜਿਹਾ ਵਿਆਹ ਕਰਕੇ ਹੀ ਮੈਨੂੰ ਇੱਥੇ ਛੱਡ ਗਏ ਫੇਰ ਮੈਨੂੰ ਆਪਣੇ ਕੋਲ ਬੁਲਾ ਲਿਆ ,ਇੱਕ ਸਾਲ ਅਸੀਂ ਵਧੀਆ ਰਹੇ ਫੇਰ ਮੈਂ pregnant ਹੋ ਗੀ , ਉਹ ਬਹਾਨਾ ਲਾਕੇ ਮੈਨੂੰ ਇੰਡੀਆ ਲੇ ਆਏ , ਆਖਦੇ ਚਲੋ ਉੱਥੇ ਚੈਕਅਪ ਸਸਤਾ ਹੋ ਜਾਉ , ਤੇ ਕਿਸੇ ਤਰਾਂ ਉਹਨਾਂ ਡਾਕਟਰ ਨੂੰ ਪੈਸੇ ਦੇਕੇ ਪਤਾ ਕਰਵਾ ਲਿਆ ਕੇ ਬੇਟੀ ਹੈ , ਉਦੋਂ ਤੋਂ ਮੈਨੂੰ ਉਹ ਕਹਿਣ ਲੱਗੇ ਅਸੀਂ ਇਹ ਬੱਚਾ ਨਹੀਂ ਰੱਖਣਾ ।
ਮੈਨੂੰ ਉਦੋਂ ਤੋਂ ਹੀ ਉਹਨਾਂ ਨਾਲ ਨਫਰਤ ਹੋਣ ਲੱਗੀ , ਜਦੋਂ ਮੈਂ ਵਾਪਿਸ ਗਈ ਉਹ ਵਾਰ ਵਾਰ ਇੱਕੋ ਗੱਲ ਕਰਨ ਕੇ ਚੈਕਅਪ ਕਰਵਾਉਣ ਚੱਲੀਏ , ਮੈਨੂੰ ਪਤਾ ਸੀ ਇਹਨਾਂ ਕੀ ਕਰਵਾਉਣਾ ਆ , ਮੈਂ ਬਹਾਨਾ ਲਾਕੇ ਆਪਣੀ ਫਰੈਂਡ ਕੋਲ ਚਲੀ ਗਈ , ਉਸਨੂੰ ਸਾਰੀ ਗੱਲ ਦੱਸ ਦਿੱਤੀ , ਉਹਨੇ ਮੁੜਕੇ ਮੈਨੂੰ ਉਹਨਾਂ ਕੋਲ ਜਾਣ ਹੀ ਨਹੀਂ ਦਿੱਤਾ ,ਕਹਿੰਦੀ ਗੰਦੀ ਸੋਚ ਦੇ ਲੋਕ ਆ ਹੋ ਸਕਦਾ ਤੈਨੂੰ ਧੱਕਾ ਮਾਰਕੇ ਆਪ ਹੀ ਗਿਰਾ ਦੈਨ , ਮੁੜਕੇ ਬੱਚਾ ਖਤਮ ਕਰਵਾ ਐੱਨ , ਮੈਨੂੰ ਫੇਨ ਆਉਂਦੇ ਸੀ ਮੈਂ ਬੰਦ ਕਰਤੇ , ਜਦੇ ਉਹ ਧਮਕੀਆਂ ਦੇਨ ਲੱਗੇ , ਤੇ ਮੇਰੀ ਸਹੇਲੀ ਸਿੱਧੀ ਹੋ ਗਈ ਉਹਨਾਂ ਨਾਲ ਕੇ ਮੈਂ ਪੁਲਿਸ ਕੰਪਲੇਨ ਕਰਨ ਲੱਗੀ ।
ਅਖੀਰ ਮੈਂ ਉਸਨੂੰ ਤਲਾਕ ਦੇ ਦਿੱਤਾ , ਮੇਰੇ ਘਰ ਵੀ ਰੌਲਾ ਪਿਆ ਲੰਡਰ ਹੋ ਗਈ ਕੁੜੀ ਯੇ ਵੋ , ਜਿਵੇਂ ਸੌਹਰੇ ਆਖਦੇ ਇਸਨੂੰ ਉਵੇਂ ਹੀ ਕਰਨਾ ਚਾਹੀਦਾ ? ਮੈਂ ਕਿਹਾ ਕਿਉਂ ਕਰਨਾ ਚਾਹੀਦਾ .? ਮੈਂ ਕਿਉ ਜੀਅ ਹਤਿਆ ਕਰਾਂ? ਜੇ ਤੁਸੀਂ ਇਹ ਗੱਲ ਮੰਨਦੇ ਮੈਨੂੰ ਉਹਨਾਂ ਅਨੁਸਾਰ ਕਰਨਾ ਚਾਹੀਦਾ ਫੇਰ ਤੁਸੀਂ ਕਿਉਂ ਨਹੀਂ ਮੇਨੂੰ ਮਾਰਿਆ ਮੈਂ ਵੀ ਕੁੜੀ ਸੀ ? ਇਸਦਾ ਕਿਸੇ ਕੋਲ ਜਵਾਬ ਨਹੀਂ ਸੀ ? ਮੇਰੀ ਜੋ friend ਸੀ ਉਸਨੇ ਸਕੀਆਂ ਭੈਣਾਂ ਵਾਂਗ ਮੇਰੀ ਮੱਦਦ ਕੀਤੀ ! ਮੈਂ ਬੱਚੇ ਨੂੰ ਜਨਮ ਦਿੱਤਾ , ਹੈਰਾਨੀ ਹੋਈ ਕੇ ਇਹ ਇੱਕ ਮੁੰਡਾ ਸੀ, ਪਰ ਜਦੋਂ ਅਸੀਂ ਇੰਡੀਆ ਚੈਕਅਪ ਕਰਵਾਇਆ ਸੀ ਡਾਕਟਰ ਨੇ ਬੇਟੀ ਕਿਹਾ ਸੀ। ਕੋਈ ਵੀ ਸੀ ਹੈ ਤੇ ਰੱਬ ਦਾ ਜੀਅ | ਮੈਂ ਤੇ ਪਾਪ ਤੋਂ ਬੱਚ ਗਈ ,
ਇਹ ਬੱਚਾ ਕਰਮਾ ਵਾਲਾ ਸੀ , ਇਸ ਦੇ ਦੁਨੀਆ ਵਿੱਚ ਆਉਣ ਨਾਲ ਮੇਰੀ ਜ਼ਿੰਦਗੀ ਵਿੱਚ ਖੁਸੀਆ ਹੀ ਖੁਸੀਆ ਆ ਗਈਆ , ਇਸ ਬਹਾਨੇ ਮੇਰੇ ਮੰਮੀ ਨੂੰ visa ਮਿਲਿਆ ਕੇ ਉਹਨੇ ਬੱਚੇ ਨੂੰ ਸੰਭਾਲਣ ਲਈ ਆਉਣਾ , ਸੋ ਦੋ ਮਹੀਨੇ ਬਾਹਦ ਮੈਨੂੰ ਵਧੀਆ ਕੰਮ ਮਿਲ ਗਿਆ , ਕੰਮ ਤੇ ਲਗੀ ਦੀ ਮੁਲਾਕਾਤ ਇੱਕ ਪਾਕਿਸਤਾਨੀ ਸਿੱਖ ਮੁੰਡੇ ਨਾਲ ਹੋਈ , ਅਸੀਂ ਦੋਨੇ ਇੱਕ ਦੂਜੇ ਨੂੰ ਪਸੰਦ ਕਰਨ ਲੱਗੇ ਮੈਂ ਉਸਨੂੰ ਇੱਕ ਵੀ ਗੱਲ ਝੂਠ ਨਹੀਂ ਬੋਲੀ , ਉਸਨੇ ਵੀ ਆਪਣੇ ਬਾਰੇ ਦਸਿਆ ਕਿ ਉਹ ਮੁਸਲਿਮ ਕੁੜੀ ਨੂੰ ਪਿਆਰ ਕਰਦਾ ਸੀ, ਧਰਮ ਇੱਕ ਨਾਂ ਹੋਣ ਕਰਕੇ ਵਿਆਹ ਨਹੀਂ ਹੋ ਸਕਿਆ ਉਹਨੇ ਅਖੀਰ ਉਹ ਦੇਸ਼ ਹੀ ਛੱਡ ਦਿੱਤਾ ।
ਅਸੀਂ ਵਿਆਹ ਕਰ ਲਿਆ , ਮੇਰੇ ਬੱਚੇ ਨੂੰ ਉਸਨੇ ਅਪਣਾ ਲਿਆ , ਅੱਜ ਵੀ ਮੈਂ ਗੱਲਾਂ ਗੱਲਾਂ ਵਿੱਚ ਆਪਣੇ ਸਰਦਾਰ ਜੀ ਨੂੰ ਛੇੜ ਦੀ ਹੁੰਦੀ ਕੀ ਸਹੇਲੀ ਦੀ ਯਾਦ ਆਉਂਦੀ ਕੇ ਨਾਂ? ਬਹੁਤ ਵਧੀਆ ਸਫ਼ਰ ਬੀਤ ਰਿਹਾ ਜਿੰਦਗੀ ਦਾ , ਅਸੀਂ ਦੋਨੇ ਇੱਥੇ ਖੁਸ ਆ , ਮੇਰਾ ਬੇਟਾ ਹੁਣ 4 ਸਾਲ ਦਾ ਹੋ ਗਿਆ , ਪਿਛਲੇ ਦੋ ਸਾਲ ਤੋਂ ਮੈਂ ਆਪਣੇ ਸਰਦਾਰ ਜੀ ਨਾਲ ਰਹਿ ਰਹੀ ਆ ਖੁਸ ਆ ।