ਕੱਲ੍ਹ ਇੱਕ ਸਾਇੰਸ ਨਾਲ ਸਬੰਧਿਤ ਨਵੀਂ ਗੱਲ ਪਤਾ ਲੱਗੀ ਤੇ ਅੱਜ ਪੜ੍ਹਿਆ ਓਹਦੇ ਬਾਰੇ — ਕੇ ਨਵਜੰਮੇ ਬੱਚੇ ਦਾ ਨਾੜੂਆ ਬੇਹੱਦ ਮਹੱਤਵਪੂਰਨ ਹੁੰਦਾ ਹੈ ਅਤੇ ਮਾਂ ਬਾਪ ਦੁਨੀਆ ਦੇ ਜਿਹੜੇ ਵੀ ਕੋਨੇ ਵਿੱਚ ਹੋਣ ਉਹਨਾਂ ਨੂੰ ਬੱਚੇ ਦੇ ਜਨਮ ਤੋਂ ਪਹਿਲਾਂ ਨਾੜੂਆ ਬੈਂਕ ਵਿੱਚ ਰਜਿਸਟਰ ਕਰਵਾ ਲੈਣਾ ਚਾਹੀਦਾ, ਖਰਚਾ ਜਰੂਰ ਹੈਗਾ ਪਰ ਆਵਦੀ ਅਤੇ ਬੱਚੇ ਅਤੇ ਓਹਦੇ ਭੈਣ ਭਰਾਵਾਂ ਦੀ ਜਿੰਦਗੀ ਤੋਂ ਕੁੱਝ ਵੀ ਕੀਮਤੀ ਨਹੀਂ ਹੁੰਦਾ
ਅਸਲ ਵਿੱਚ ਨਾੜੂਆ ਸਟੈੱਮ ਸੈੱਲ ਨਾਲ ਭਰਪੂਰ ਹੁੰਦਾ ਅਤੇ ਸਟੈੱਮ ਸੈੱਲ ਹੀ ਕਿਸੇ ਵੀ ਥਣਧਾਰੀ ਜੀਵ ਸਣੇ ਮਨੁੱਖ ਦੇ ਸਾਰੇ ਅੰਗਾਂ ਦੀ ਮੁਢਲੀ ਜੜ੍ਹ ਹੁੰਦੇ ਨੇਂ, ਸੋ ਤੁਹਾਡੇ ਬੱਚੇ ਦਾ ਸਾਂਭਿਆ ਹੋਇਆ ਨਾੜੂਆ ਬੱਚੇ ਨੂੰ ਖੁਦ ਉਸਦੇ ਮਾਂ ਬਾਪ ਅਤੇ ਸਕੇ ਭੈਣ ਭਰਾ ਨੂੰ ਭਵਿੱਖ ਵਿੱਚ ਹੋਣ ਵਾਲੀ ਕਿਸੇ ਵੀ ਗੰਭੀਰ ਬਿਮਾਰੀ ਮਸਲਨ ਬਲ੍ਹੱਡ ਕੈਂਸਰ ਜਾਂ ਹੋਰ ਕਈ ਜਾਨਲੇਵਾ ਬਿਮਾਰੀਆਂ ਦਾ ਇਲਾਜ ਕਰਨ ਵਾਸਤੇ ਬਹੁਤ ਕਾਰਗਰ ਤਰੀਕੇ ਨਾਲ ਕੰਮ ਆ ਸਕਦੇ ਨੇਂ ਅਤੇ ਆਉਂਦੇ ਨੇਂ!
ਸਾਡੇ ਅਲਬਰਟਾ ਵਿੱਚ ਮੈਂ ਅੱਜ ਚੈੱਕ ਕੀਤਾ ਕੇ ਨਾੜੂਆ ਜਮਾਂ ਕਰਾਉਣ ਦਾ ਖਰਚਾ ਸਿਰਫ ਤਕਰੀਬਨ ਪੌਣੇ ਕੁ ਅਠਾਰਾਂ ਸੌ ਡਾਲਰ ਹੈ ਅਤੇ ਬਾਅਦ ਵਿੱਚ ਸਵਾ ਕੁ ਦੋ ਸੌ ਸਾਲ ਦਾ ਹੈ, ਆਪਾਂ ਅਕਸਰ ਦੇਖਦੇ ਹਾਂ ਕੇ ਅਪੀਲ ਹੁੰਦੀ ਹੈ ਕੇ ” ਜੀ ਐਸ ਇਨਸਾਨ ਨੂੰ ਬਲ੍ਹੱਡ ਕੈਂਸਰ ਹੋ ਗਿਆ ਅਤੇ ਬੋਨਮੇਰੋ ਦੀ ਲੋੜ ਹੈ ਫਲਾਣੇ ਥਾਂ ਤੇ ਆ ਕੇ ਆਪਣਾ ਟੈਸਟ ਕਰਵਾਓ, ਅਤੇ ਬੋਨਮੈਰੋ ਦਾਨ ਕਰੋ ਅਤੇ ਇੱਕ ਜਾਨ ਬਚਾਓ”
ਪਰ ਜੇ ਤੁਸੀਂ ਆਪਣੇ ਬੱਚੇ ਦਾ ਨਾੜੂਆ ਸਾਂਭਿਆ ਤਾਂ ਜੇ ਪਰਿਵਾਰ ਵਿੱਚ ਕਿਸੇ ਨੂੰ ਵੀ ਬਲ੍ਹੱਡ ਕੈਂਸਰ ਹੋ ਗਿਆ ਤਾਂ ਉਹ ਸਾਰਾ ਇਲਾਜ ਪੂਰੀ ਕਾਮਯਾਬੀ ਨਾਲ ਨਾੜੂਏ ਵਿਚੋਂ ਹੋ ਸਕਦਾ, ਇਸ ਵਿਸ਼ੇ ਉੱਪਰ ਬਹੁਤ ਵੱਡੀਆਂ ਅਤੇ ਨਵੀਆਂ ਖੋਜਾਂ ਹੋ ਰਹੀਆਂ ਨੇਂ ਅਤੇ ਉਮੀਦ ਹੈ ਕੇ ਛੇਤੀ ਬਹੁਤ ਕੁੱਝ ਨਵਾਂ ਸਾਹਮਣੇ ਆਵੇਗਾ
ਸੋ ਭਾਈ ਸਾਡੇ ਜੁਆਕਾਂ ਵੇਲੇ ਸਾਨੂੰ ਤਾਂ ਪਤਾ ਨਹੀਂ ਸੀ ਪਰ ਹੁਣ ਇਹ ਗੱਲ ਹਰਿੱਕ ਨੂੰ ਦੱਸੋ ਅਤੇ ਬੱਚਿਆਂ ਦਾ ਨਾੜੂਆ ਸਾਂਭੋ, ਤੁਹਾਡੀਆਂ ਭਵਿੱਖੀ ਬਿਮਾਰੀਆਂ ਦਾ ਬਚਾ ਇਸੇ ਵਿੱਚ ਹੈ।
ਦੀਪ ਗਿੱਲ
Deep Gill
