ਹਰਾ ਹਰਾ ਟਾਂਡਾ
ਉੱਤੇ ਦੁੱਮ ਏ ਜੁਆਰ ਦਾ
ਸੱਚ ਸੱਚ ਦੱਸੀਂ ਨੀ
ਸੱਸੇ ਪੁੱਤ ਕਿਹੜੇ ਯਾਰ ਦਾ।
funny punjabi boliyan
ਸੱਸ ਮੇਰੀ ਨੇ ਗੰਢੇ ਤੜਕੇ
ਵੀਰ ਮੇਰੇ ਨੂੰ ਭੂਕਾਂ
ਪੇਕੇ ਸੁਣਦੀ ਸਾਂ
ਸੱਸ ਦੀਆਂ ਕਰਤੂਤਾਂ।
ਸੱਸ ਮੇਰੀ ਕਰਦੀ ਕਾਲੇ ਵਾਲ, ਹਈ ਸ਼ਾਵਾ ਬਈ ਹਈ ਸ਼ਾਵਾ
ਹੱਥ ਵਿੱਚ ਪਰਸ ਤੇ ਕੱਛ ਚ ਰੂਮਾਲ, ਹਈ ਸ਼ਾਵਾ ਬਈ ਹਈ ਸ਼ਾਵਾ
ਸੱਸ ਮੇਰੀ ਤੁਰਦੀ ਹਿਰਨ ਦੀ ਚਾਲ ਹਈ ਸ਼ਾਵਾ ਬਈ ਹਈ ਸ਼ਾਵਾਸੱਸ ਮੇਰੀ ਦੀਆਂ ਸਿਫ਼ਤਾਂ ਲੱਖਾਂ, ਇੱਕ ਗੱਲ ਕਿਵੇਂ ਲੁਕੋ ਕੇ ਰਖਾਂ
ਨੀ ਓਹ ਕੀ?ਮੇਰੀ ਸੱਸ ਦੇ ਨਕਲੀ ਦੰਦ ਕੁੜੇ ਨੀਂ ਮੇਰੀ ਸੱਸ ਦੇ
ਮੇਰੀ ਸੱਸ ਦੇ ਨਕਲੀ ਦੰਦ ਕੁੜੇ ਨੀਂ ਮੇਰੀ ਸੱਸ ਦੇ -੨
ਸੱਸ ਮੇਰੀ ਨੇ ਮੁੰਡੇ ਜੰਮੇ ਜੰਮ-ਜੰਮ ਲਾਇਆਂ ਢੇਰ,
ਸੱਸ ਮੇਰੀ ਨੇ ਮੁੰਡੇ ਜੰਮੇ ਜੰਮ-ਜੰਮ ਲਾਇਆਂ ਢੇਰ,
ਨੀ ਇਥੇ ਨਹੀਂ ਵਿਕਣੇ ਲੈਜਾ ਬੀਕਾਨੇਰ
ਨੀ ਇਥੇ ਨਹੀਂ ਵਿਕਣੇ ਲੈਜਾ ਬੀਕਾਨੇਰ
ਲੋਕੀ ਤਾਂ ਕਹਿੰਦੇ ਸੱਸਾਂ ਸੱਸਾਂ
ਸੱਸਾਂ ਹੁੰਦੀਆ ਧਰਮ ਦੀਆ ਮਾਵਾਂ
ਨਾਲੇ ਸੱਸਾਂ ਪੁੱਤ ਦਿੰਦਿਆਂ ਨਾਲੇ ਦਿੰਦਿਆਂ ਰਹਿਣ ਨੂ ਥਾਵਾਂ …2
ਸੱਸੇ ਨੀ ਸਮਝਾ ਲੈ ਪੁੱਤ ਨੂੰ..
ਘਰ ਨੀ ਬੇਗਾਨੇ ਜਾਂਦਾ.. ਘਰ ਦੀ ਸ਼ੱਕਰ ਬੂਰੇ ਬਰਗੀ.
ਗੁੜ ਚੋਰੀ ਦਾ ਖਾਂਦਾ…
ਚੰਦਰੇ ਨੂ ਇਸ਼ਕ ਬੁਰਾ ਬਿਨ ਪੌੜੀ ਚਡ ਜਾਂਦਾ…. ੨
ਸਾਰੇ ਤਾਂ ਗਹਿਣੇ ਮੇਰੇ ਮਾਪਿਆਂ ਨੇ ਪਾਏ,
ਇਕੋ ਤਬੀਤ ਊਦੇ ਘਰ ਦਾ ਨੀ,
ਜਦੋਂ ਲੜਦਾ ਤੇ ਲਾਦੇ- ਲਾਦੇ ਕਰਦਾ ਨੀ।
ਮਾਹੀ ਸਾਊ ਐ ਬੜਾ ਨੀ ਕਮਾਊ ਐ ਬੜਾ
ਬੋਲੇ ਮਿੱਠਾ ਮਿੱਠਾ ਜਦੋਂ ਨੀ ਓ ਗੱਲ ਕਰਦਾ
ਜੱਟ ਮੇਰੇ ਪਿੱਛੇ ਮੇਰੀ ਸੱਸ ਨਾਲ ਲੜਦਾ ਬੜਾ ..
ਜੱਟ ਮੇਰੇ ਪਿੱਛੇ ਮੇਰੀ ਸੱਸ ਨਾਲ ਲੜਦਾ ਬੜਾ..
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਰਾਈਆਂ।
ਸੱਸ ਮੇਰੀ ਗੁੱਤ ਪੱਟ ਗੀ,
ਸਾਰੇ ਪਿੰਡ ਨੇ ਲਾਹਣਤਾਂ ਪਾਈਆਂ।
ਚੋਵਾਂ ਨਾ ਦੁੱਧ ਰਿੜਕਾਂ,
ਭਾਵੇਂ ਖੁੱਲ੍ਹ ਜਾਣ ਮੱਝੀਆਂ ਗਾਈਆਂ।
ਮਹੀਨਾ ਲੰਘ ਗਿਆ ਵੇ……….,
ਜੋੜ ਮੰਜੀਆਂ ਨਾ ਡਾਹੀਆਂ।
ਜੇ ਛੜਿਓ ਥੋਡਾ ਵਿਆਹ ਨੀ ਹੁੰਦਾ
ਤੜਕੇ ਉੱਠ ਕੇ ਨਾਇਆ ਕਰੋ
ਰੰਨਾਂ ਵਾਲਿਆਂ ਦੇ
ਦਰਸ਼ਨ ਪਾਇਆ ਕਰੋ।
ਢਾਈਏ- ਢਾਈਏ ਜੇ ਸੱਸ ਮਾ ਬਣਜੇ ,
ਅਸੀ ਨੂੰਹਾਂ ਪੇਕੇ ਕਿਉ ਜਾਈਏ
ਮਾਂ ਮਰੀ ਤੇ ਮੁੰਡਾ ਰੋਣ ਨਾ ਜਾਣੇ
ਭੈਣ ਮਰੀ ਤੇ ਸਿੱਖਦਾ ਸੀ ,
ਰੰਨ ਮਰੀ ਤੇ ਦੜਾ ਦੜ ਪਿੱਟਦਾ ਸੀ।