992
ਲੋਕ ਕਿਉਂ ਬਦਲ ਜਾਂਦੇ ਹਨ ?ਇਸ ਗੱਲ ਦਾ ਵਿਸ਼ਲੇਸ਼ਣ ਕਰਨਾ ਬੇਹੱਦ ਮੁਸ਼ਕਿਲ ਹੈ। ਹਰ ਸਥਿੱਤੀ ਤੇ ਹਰ ਮਨੁੱਖ ਬੇਹੱਦ ਗੁੰਝਲਦਾਰ ਹੈ, ਲੱਖਾਂ ਅਣਜਾਣੇ ਭਾਵਾਂ ਤੇ ਜਜ਼ਬਿਆਂ ਦੀਆਂ ਪਰਤਲਾਂ। ਇਹ ਸੰਸਕਾਰ ਪੀੜ੍ਹੀ ਦਰ ਪੀੜ੍ਹੀ ਤੁਰੇ ਆਉਂਦੇ ਨੇ ਤੇ ਮਨੁੱਖ ਉਹੀ ਰੂਪ ਧਾਰ ਲੈਂਦੇ ਹਨ…ਪੌਦਿਆਂ ਵਾਂਗ ਜੋ ਨਿਯਮਬੱਧ ਇੱਕ ਖ਼ਾਸ ਸਮੇਂ ਉੱਤੇ ਇੱਕਦਮ ਫ਼ੈਸਲਾ ਕਰਦੇ ਹਨ ਕਿ ਹੁਣ ਫੁੱਲ ਵਿੱਚ ਫੁੱਟ ਪਈਏ।ਜੱਦੀ ਜਜ਼ਬੇ ਤੇ ਮਾਨਸਿਕ ਉਲਾਰ ਏਸੇ ਤਰ੍ਹਾਂ ਅੰਦਰੇ ਅੰਦਰ ਗੁਪਤ ਫੈਸਲੇ ਕਰਕੇ ਇੱਕਦਮ ਮਨੁੱਖ ਵਿੱਚ ਪ੍ਰਗਟ ਹੋ ਜਾਂਦੇ ਹਨ।ਇਹ ਤਬਦੀਲੀ,ਇਹ ਕਾਇਆ ਕਲਪ , ਇਹ ਵਚਿੱਤਰ ਪ੍ਰਗਟਾਓ ਜੀਵਨ ਦਾ ਰਹੱਸ ਹੈ। ਇਸ ਤਬਦੀਲੀ ਨੂੰ ਕੋਈ ਨਹੀਂ ਰੋਕ ਸਕਦਾ ਇਹ ਹੋਣੀ ਹੈ। ਜੀਨੀ ਪਿਛਲੇ ਤਿੰਨ ਸਾਲਾਂ ਤੋਂ ਬਿਲਕੁੱਲ ਹੀ ਬਦਲ ਗਈ ਸੀ, ਤੇ ਮੈਂ ਵੀ ਬਦਲ ਗਿਆ ਸੀ।ਜੇ ਤਿੰਨ ਸਾਲ ਪਹਿਲਾਂ ਕੋਈ ਜੋਤਿਸ਼ੀ ਮੈਨੂੰ ਕਹਿੰਦਾ ਕਿ ਤੇਰਾ ਘਰ ਟੁੱਟ ਜਾਵੇਗਾ, ਤੇ ਤੁਸੀਂ ਦੋਵੇਂ ਬਦਲ ਜਾਉਗੇ ਤਾਂ ਮੈਂ ਉਸ ਨੂੰ ਪਾਗ਼ਲ ਕਹਿਣਾ ਸੀ।
ਬਲਵੰਤ ਗਾਰਗੀ ਨੰਗੀ ਧੁੱਪ ਕਿਤਾਬ ਚੋਂ
Balwant Gargi
