Maa Dhee Punjabi boliyan

ਮਾਂ ਮੇਰੀ ਨੇ ਬੋੲ੍ਹੀਆ ਭੇਜਿਆ
ਵਿੱਚ ਭੇਜੀ ਕਸਤੂਰੀ
ਘਟਗੀ ਤਿੰਨ ਰੱਤੀਆਂ
ਕਦੋਂ ਕਰੇਗਾ ਪੂਰੀ।

ਊਠਾਂ ਵਾਲਿਆਂ ਨੂੰ ਨਾ ਵਿਆਹੀ ਮੇਰੀ ਮਾਏ
ਅੱਧੀ ਰਾਤੀਂ ਲੱਦ ਜਾਣਗੇ।
ਸਿੰਘ ਧਰੇ ਮੁਕਲਾਵੇ ਛੱਡ ਜਾਣਗੇ ।

ਪਾੜ੍ਹੇ ਨੂੰ ਧੀ ਦੇਈਂ ਨਾ ਬਾਬਲਾ
ਹਾਲੀ ਜੱਟ ਬਥੇਰੇ
ਆਪ ਤਾਂ ਖਾਂਦੇ ਪੋਲੇ ਬਿਸਕੁਟ
ਸਾਨੂੰ ਦਿੰਦੇ ਰਾਈ
ਵੇ ਘਰ ਪਾੜੇ ਦੇ
ਕੈਦ ਭੋਗਣੀ ਆਈ।

ਕਾਨਾ-ਕਾਨਾ-ਕਾਨਾ
ਪਤਲੇ ਜਵਾਈ ਵਾਲੀਏ
ਤੇਰਾ ਗੱਡ ਦਿਆਂ ਖੇਤ ਵਿੱਚ ਡਰਨਾ
ਘਰ ਦੀ ਕਣਕ ਬਚੂ
ਨਾਲ ਡਰਦਾ ਮਿਰਗ ਨਾ ਵੜਨਾ
ਟੇਸ਼ਨ ਜੈਤੋ ਦਾ
ਜਿੱਥੇ ਡਾਕ ਗੱਡੀ ਨੇ ਖੜ੍ਹਨਾ
ਪਰ੍ਹੇ ਹੋ ਜਾ ਵੇ ਬਾਬੂ
ਅਸੀਂ ਯਾਰ ਗੁੱਸੇ ਨਹੀਂ ਕਰਨਾ
ਰੰਗ ਦੇ ਕਾਲੇ ਦੇ
ਨਾਲ ਕਦੇ ਨੀ ਚਨਾ।

ਮਾਏ ਨੀ ਤੈਂ ਵਰ ਕੀ ਸਹੇੜਿਆ
ਪੁੱਠੇ ਤਵੇ ਤੋਂ ਕਾਲਾ
ਆਉਣ ਜੁ ਸਈਆਂ ਮਾਰਨ ਮਿਹਣੇ
ਔਹ ਤੇਰੇ ਘਰ ਵਾਲਾ
ਮਿਹਣੇ ਸੁਣ ਕੇ ਇਉਂ ਹੋ ਜਾਂਦੀ
ਜਿਉਂ ਆਹਰਨ ਵਿੱਚ ਫਾਲਾ
ਸਿਖਰੋਂ ਟੁੱਟ ਗਈ ਵੇ
ਖਾ ਕੇ ਪੀਘ ਹੁਲਾਰਾ।