ਮਿੰਟੂ ਗੁਰੂਸਰੀਆ ( Mintu Gurusaria ) ਜੀ ਦਾ ਪੂਰਾ ਨਾਮ ਬਲਜਿੰਦਰ ਸਿੰਘ ਹੈ। ਆਪਦੇ ਪਿਤਾ ਜੀ ਦਾ ਨਾਮ ਬਲਦੇਵ ਸਿੰਘ ਤੇ ਮਾਤਾ ਦਾ ਨਾਮ ਜਸਵੀਰ ਕੌਰ ਹੈ ਹੈ ਤੇ ਉਹ ਪੰਜਾਬੀ ਦੇ ਮਸ਼ਹੂਰ ਜਰਨਲਿਸਟ ਹਨ । ਉਹਨਾਂ ਦਾ ਜਨਮ 23 ਜੁਲਾਈ 1979 ਪੰਜਾਬ ਦੇ ਫਾਜਿਲਕਾ ਦੇ ਇਕ ਪਿੰਡ ਗੁਰੂਸਰ ਵਿਚ ਹੋਇਆ ਜੋ ਕਿ ਰਾਜਸਥਾਨ ਦੇ ਬਾਰਡਰ ਦੇ ਨੇੜੇ ਹੈ ।
ਸਕੂਲ ਦੀ ਪੜ੍ਹਾਈ ਪਿੰਡ ਤੋਂ ਪੂਰੀ ਕਰਕੇ ਅਗਲੀ ਪੜ੍ਹਾਈ ਲਈ ਅਬੋਹਰ ਦਾਖਲਾ ਲਿਆ ਅਤੇ ਫੇਰ ਗ੍ਰੇਜੂਏਸ਼ਨ ਲਈ ਮਲੋਟ ਦਾਖਲਾ ਲੈ ਲਿਆ । ਇਥੇ ਉਹ ਬੁਰੀ ਸੰਗਤ ਕਾਰਨ ਨਸ਼ੇ ਕਰਨ ਲੱਗੇ।
ਬਾਦ ਵਿਚ ਓਹਨਾ ਨੇ ਆਪਣੀ ਸਵੈ ਜੀਵਨੀ ਡਾਕੂਆਂ ਦਾ ਮੁੰਡਾ ( Dakuan da Munda ) ਨਾਮ ਦੀ ਕਿਤਾਬ ਵਿਚ ਲਿਖੀ ਜਿਸਤੇ ਬਾਅਦ ਵਿਚ ਇਕ ਪੰਜਾਬੀ ਫਿਲਮ ਵੀ ਬਣੀ ਜਿਸ ਵਿਚ ਦੇਵ ਖਰੌੜ ( Dev Kharaud ) ਨੇ ਮੁਖ ਅਦਾਕਾਰ ਦੀ ਭੂਮਿਕਾ ਨਿਭਾਈ।
ਮਿੰਟੂ ਗੁਰੂਸਰੀਆ ਨੇ ਇਕ ਹੋਰ ਕਿਤਾਬ ਜਿੰਦਗੀ ਦੇ ਆਸ਼ਿਕ ( Zindagi De Aashiq) ਵੀ ਲਿਖੀ।
ਛਾਪਿਆਂਵਾਲੀ ਕਾਲਜ ਸਮੇਂ ਦੇ ਬੇਲੀਆਂ ਦੀ ਜੁੰਡਲੀ ਦਾ ਅਭੁੱਲ ਆੜੀ ਭਰਪੂਰ ਕਈ ਸਾਲਾਂ ਬਾਅਦ ਮੈਨੂੰ ਕੋਰੋਨਾ ਦੇ ਲੌਕਡਾਊਨ ਦਰਮਿਆਨ ਰਾਸ਼ਨ ਵੰਡਣ ਸਮੇਂ ਮਿਲਿਆ। ਕਿੰਨਾ ਬਦਲ ਚੁੱਕਾ ਸੀ ਉਹ; ਛਾਪਿਆਂਵਾਲੀ ਕਾਲਜ ਦੇ ਸਮੇਂ ਹੋਸਟਲ ਆਲ਼ਾ ਜਗਾੜੀ ਭਰਪੂਰ ਹੁਣ ਇਕ ਵਾਤਵਰਨ ਪ੍ਰੇਮੀ ਤੇ ਸਮਾਜਿਕ ਕਾਰਕੁੰਨ ਸੀ। ਅੰਨ੍ਹੇਵਾਹ ਭਟਕਣ ਵਾਲ਼ਾ ਭਰਪੂਰ ਹੁਣ ਟਾਈਮ ਦਾ ਏਨਾ ਪਾਬੰਦ ਕਿ ਪਟਿਆਲੇ ਤੋਂ ਚੱਲ ਕੇ ਸਾਡੇ ਕੋਲ ਰੋਟੀ ਵੇਲੇ ਈ ਆ ਵੱਜਦਾ। ਮੈਂ ਇੱਛਾ ਜ਼ਾਹਰ ਕੀਤੀ ਕਿ ਭਰਪੂਰ ਸਾਡੇ ਪਿੰਡ ਵੀ ਥੋੜ੍ਹੀ ‘ਭੂਰ’ ਪਾ ਦੇ ਯਾਰ; ਅੱਗਿਓਂ ਝੱਟ ਕਹਿੰਦਾ – ”ਬਾਈ ! ਆਪਾਂ ਥੋਡੇ ਪਿੰਡ ਬੂਟੇ ਲੌਨੇ ਆਂ ਯਾਰ।” ਬੱਸ ਦੋ ਕੂ ਹਫਤਿਆਂ ‘ਚ ਸਾਰਾ ਪ੍ਰੋਜੈਕਟ ਡੰਨ ਕਰਕੇ ਭਰਪੂਰ ਆਹਲਾ ਦਰਜੇ ਦੇ 1000 ਕੂ ਬੂਟੇ ਲੈ ਕੇ ਪਿੰਡ ਆ ਵੱਜਾ। ਭਰਪੂਰ ਦੇ ਸਾਥ ਸਦਕਾ ਸਾਡੇ ਮੁੰਡਿਆਂ ਨੇ ਸਟੇਡੀਅਮ ‘ਚ ‘ਭਰਪੂਰ’ ਹਰਿਆਲੀ ਦਾ ਮੁੱਢ ਬੰਨ੍ਹ ਦਿੱਤਾ। ਰਾਊਂਡਗਲਾਸ ਫਾਊਂਡੇਸ਼ਨ ਭਰਪੂਰ ਦੀ ਜਿੰਦ-ਜਾਨ ਹੈ, ਏਨਾ ਵੱਡਾ ਨਸ਼ੇੜੀ ਏਨਾ ਵੱਡਾ ਜਨੂੰਨੀ ਬਣ ਗਿਆ ਕਿ ਰੋਟੀ ਖਾਂਦਿਆਂ ਵੀ ਆਪਣੇ ਕਾਰਜ ਦੀਆਂ ਗੱਲਾਂ। ਅੱਜ ਯੂ-ਟਿਊਬ ‘ਤੇ ਉਹਦੀ ਫਾਊਂਡੇਸ਼ਨ ਵੱਲੋਂ ਬਣਾਈ ਉਹਦੀ ਜ਼ਿੰਦਗੀ ਦੀ ਗਾਥਾ ‘ਤੇ ਅਧਾਰਤ ਇਹ ਦਸਤਾਵੇਜ਼ੀ ਵੀਡੀਓ ਵੇਖੀ ਤਾਂ ਮੱਲੋ-ਮੱਲੀ ਮੂੰਹੋਂ ਨਿਕਲਿਆ -ਭਰਪੂਰ ! ਤੇਰਾ ਸਫ਼ਰ ਵੀ ਭਰਪੂਰ- ‘ਸੁੰਨੇ ਖੂਹ’ ਤੋਂ ‘ਸੰਦਲੀ ਜੂਹ’ ਤੱਕ !!!!!