ਚਰਖੇ ਨੂੰ ਚੱਕ ਲਾ ਤ੍ਰਿੰਝਣਾਂ ਚੋਂ ਛੇਤੀ ਛੇਤੀ
ਭੱਜ ਲੈ ਜੇ ਭੱਜਿਆ ਜਾਵੇ
ਨੀ ਰੇਸ਼ਮੀ ਗਰਾਰੇ ਵਾਲੀਏ
ਜੱਟ ਬੱਕਰਾ ਬੁਲਾਉਦਾ ਆਵੇ
ਨੀ ਰੇਸ਼ਮੀ ਗਰਾਰੇ ਵਾਲੀਏ
ਜੱਟ ਬੱਕਰੇ ਬੁਲਾਉਂਦਾ ਆਵੇ
teej Dian boliyan
ਥੜ੍ਹਿਆਂ ਬਾਝ ਨਾ ਪਿੱਪਲ ਸੋਂਹਦੇ
ਵੰਗਾਂ ਬਾਝ ਨਾ ਕਲਾਈਆਂ
ਸੱਗੀ ਫੁੱਲ ਸਿਰਾਂ ਤੇ ਸੋਂਹਦੇ
ਪੈਰੀਂ ਝਾਂਜਰਾਂ ਪਾਈਆਂ
ਸੂਬੇਦਾਰਨੀਆਂ ਬਣ ਠਣਕੇ ਧੀਆਂ ਵਿੱਚ ਆਈਆਂ
ਸੂਬੇਦਾਰਨੀਆਂ ਬਣ ਠਣਕੇ ਧੀਆਂ ਵਿੱਚ ਆਈਆਂ
ਨੀ ਉਹ ਕੌਣ ਖੜ੍ਹਾ ਹੈ ਮਜਾਜ਼ ਬੜਾ
ਨੀ ਉਹ ਕੌਣ ਖੜ੍ਹਾ ਹੈ ਮਜਾਜ਼ ਬੜਾ
ਕਹਿੰਦਾ ਸਾਉਣ ਦੇ ਛਰਾਟੇ ਵਾਂਗੂੰ
ਚੱਕ ਲੈ ਘੜਾ
ਸਾਉਣ ਮਹੀਨਾ ਮੀਂਹ ਪਿਆ ਪੈਂਦਾ
ਸਾਉਣ ਮਹੀਨਾ ਮੀਂਹ ਪਿਆ ਪੈਂਦਾ
ਗੋਡੇ ਗੋਡੇ ਘਾਹ
ਵੇ ਰਲ ਗੱਲਾਂ ਕਰਾਂਗੇ
ਦੋਵੇਂ ਭੈਣ ਭਰਾ
ਵੇ ਰਲ ਗੱਲਾਂ ਕਰਾਂਗੇ
ਸਾਉਣ ਮਹੀਨਾ ਮੀਂਹ ਪਿਆ ਪੈਂਦਾ
ਸਾਉਣ ਮਹੀਨਾ ਮੀਂਹ ਪਿਆ ਪੈਂਦਾ
ਗੋਡੇ ਗੋਡੇ ਘਾਹ
ਨੀਂ ਮੈਂ ਰਿੱਧੀਆਂ ਸੇਵੀਆਂ
ਕਮਲੇ ਨੂੰ ਚੜ੍ਹ ਗਿਆ ਚਾਅ
ਨੀ ਮੈਂ ਰਿੱਧੀਆਂ ਸੇਵੀਆਂ
ਸਾਉਣ ਮਹੀਨਾ ਦਿਨ ਤੀਆਂ ਦੇ
ਸਾਉਣ ਮਹੀਨਾ ਦਿਨ ਤੀਆਂ ਦੇ
ਗੋਡੇ ਗੋਡੇ ਚਾਅ
ਵੇ ਕੀ ਰਾਹ ਨੀ ਜਾਣਦਾ
ਤੀਆਂ ਵੇਖਣ ਆ
ਵੇ ਕੀ ਰਾਹ ਨੀ ਜਾਣਦਾ
ਜੱਟੀਆਂ ਨੇ ਲਾਈਆਂ ਤੀਆਂ ਲਾਈਆਂ ਥੱਲੇ ਬੋਹੜ ਦੇ
ਪਾਲੀ ਪੀਂਘ ਝੂਟਦੀ ਤੇ
ਲਾਲੀ ਪੀਂਘ ਝੂਟਦੀ
ਆ ਜਾ ਛਿੰਦੋ ਚੱਲ ਕੇ ਦਿਖਾ ਦੇ ਜ਼ੋਰ ਤੇ
ਜੱਟੀਆਂ ਨੇ ਲਾਈਆਂ ਤੀਆਂ ਲਾਈਆਂ ਥੱਲੇ ਬੋਹੜ ਦੇ
ਬਾਰੀ ਬਾਰੀ ਬਰਸੀ ਖੱਟਣ ਨੂੰ ਘੱਲਿਆ
ਉਹ ਕੁਝ ਨਾ ਖੱਟ ਕੇ ਲਿਆਇਆ
ਤੇ ਖਾਲੀ ਆਉਂਦਾ
ਨੀਂ ਜੁੱਗ ਜੁੱਗ ਜੀਵੇ ਸਖੀਓ ਜਿਹੜਾ
ਸਾਉਣ ਵੀਰ ਆਪਾਂ ਨੂੰ ਮਿਲਾਉਂਦਾ ਨੀ
ਆਹ ਪਾਈਏ ਪੀਂਘ ਬਰੋਟੇ ਵਿੱਚ ਨੀ
ਹੀਂਗ ਚੜ੍ਹਾਈਏ ਚੱਲ ਖਿੱਚ ਖਿੱਚ ਨੀ
ਮਾਂ ਦੇ ਹੱਥ ਦੀ ਮੱਖਣੀ ਖਾਧੀ
ਕਰ ਦੇਈਏ ਅੱਜ ਦੂਣੀ
ਨੀਂ ਲੰਮੀਆਂ ਹੀਂਗਾਂ ਨਾਲ ਅੱਜ ਅੰਬਰਾਂ ਦੀ ਹਿੱਕ ਛੂਹਣੀ
ਨੀਂ ਲੰਮੀਆਂ ਹੀਂਗਾਂ ਨਾਲ ਅੱਜ ਅੰਬਰਾਂ ਦੀ ਹਿੱਕ ਛੂਹਣੀ
ਸਾਉਣ ਦਾ ਮਹੀਨਾ ਪੇਕੇ ਆਈਆਂ ਜੱਟੀਆਂ
ਨਖ਼ਰੇ ਵੀ ਅੱਤ ਨੇ ਦੁਹਾਈਆਂ ਜੱਟੀਆਂ
ਲਿਆਈ ਗਿੱਧੇ ਵਿੱਚ ਜਾਂਦੀਆਂ ਤੂਫ਼ਾਨ ਜੱਟੀਆਂ
ਮਾਪੇ ਪੇਕਿਆਂ ਦੇ ਪਿੰਡ ਦੀ ਨੇ ਸ਼ਾਨ ਜੱਟੀਆਂ
ਬੋਲ ਦੀਆਂ ਕੋਲਾ ਕਿਤੇ ਬੋਲਦੇ ਨੇ ਮੋਰ ਨੀ
ਬੋਲ ਦੀਆਂ ਕੋਲਾ ਕਿਤੇ ਬੋਲਦੇ ਨੇ ਮੋਰ ਨੀ
ਨੱਚ ਲਾਉ ਨੀ ਸਈਓ ਕੱਲ੍ਹ ਹੋਣਾ ਕਿਤੇ ਹੋਰ ਨੀ
ਨੱਚ ਲਾਉ ਨੀ ਸਈਓ ਕੱਲ੍ਹ ਹੋਣਾ ਕਿਤੇ ਹੋਰ ਨੀ
ਡੱਬੀਆਂ ਡੱਬੀਆਂ ਡੱਬੀਆਂ ਵੇ
ਪੀਂਘਾਂ ਝੂਟਦੀ ਨੂੰ ਨਜ਼ਰਾਂ ਲੱਗੀਆਂ ਵੇ
ਪੀਂਘਾਂ ਝੂਟਦੀ ਨੂੰ ਨਜ਼ਰਾਂ ਲੱਗੀਆਂ ਵੇ