punjabi sithniyan collection

ਮਾਮੀ ਤਾਂ ਲੈਂਦੀ ਮਾਮੇ ਤੇ ਕਚੀਚੀਆਂ
ਮਾਮੇ ਨੇ ਫੜ ‘ਲੀਆਂ ਉਹਦੀਆਂ ਮਝੀਟੀਆਂ
ਮਾਮੀ ਨੇ ਗੋਦੀ ਚੁੱਕ ਲਿਆ ਮੁੰਡਾ
ਮਾਮੇ ਨੇ ਫੜ ਲਿਆ ਉਹਦਾ ਚੁੰਡਾ

ਨੀ ਨਿੱਕੀ ਜਹੀ ਕੋਠੜੀਏ
ਤੇਰੇ ਵਿਚ ਮੇਰੇ ਦਾਣੇ
ਮਾਮੀ ਕੰਜਰੀ ਉਧਲ ਚੱਲੀ
ਲੈ ਕੇ ਨਿੱਕੇ ਨਿਆਣੇ
ਨੀ ਨਿੱਕੀ ਜਹੀ ਕੋਠੜੀਏ
ਤੈਂ ਵਿਚ ਮੇਰੀ ਚੰਗੇਰ
ਮਾਮੀ ਕੰਜਰੀ ਜੰਮਦੀ ਨਾ ਥੱਕਦੀ
ਜੰਮ ਜੰਮ ਲਾਇਆ ਢੇਰ

ਛੱਜ ਪਿੱਛੇ ਛਾਲਣੀ ਪਰਾਤ ਪਿੱਛੇ ਗਲਾਸ ਵੇ
ਮਾਮੀਆਂ ਬਾਰਾਂ ਤਾਲੀਆਂ
ਮਾਮੇ ਦਸ ਨੰਬਰੀ ਬਦਮਾਸ਼ ਵੇ

ਨੰਦ ਕੁਰ ਬੀਬੀ ਬੰਨ੍ਹੇ ਨੇ ਸ਼ਰਬਤੀ ਚੀਰੇ,
ਨੀ ਆ ਜਾ ਧੀਏ ਸਰਦਲ ਤੇ
ਤੇਲ ਚੋਅ ਨੀ ਆਏ ਨੇ ਤੇਰੇ ਵੀਰੇ

ਬਚੋਲਾ ਤਾਂ ਕਹਿੰਦਾ ਸੀ ਮੁੰਡਾ ਦਸ ਪੜ੍ਹਿਆ
ਨੀ ਉਹ ਤਾਂ ਝਾਕਦੈ ਨਿਰਾ ਬਗਲੋਲ ਖੜ੍ਹਿਆ
ਬਚੋਲਾ ਤਾਂ ਕਹਿੰਦਾ ਸੀ ਮੁੰਡਾ ਸਰੂ ਜਿਹਾ
ਆਹ ਕੀ ਬਿਆਹੁਣ ਆ ਗਿਆ ਮਰੂ ਜਿਹਾ
ਬਚੋਲਾ ਤਾਂ ਕਹਿੰਦਾ ਸੀ ਮੁੰਡਾ ਆਪਣੇ ਈ ਬਾਪ ਦਾ
ਸਕਲੋਂ ਤਾਂ ਕਿਸੇ ਬਾਜੀਗਰ ਦਾ ਜਾਪਦਾ
ਬਚੋਲਾ ਤਾਂ ਕਹਿੰਦਾ ਸੀ ਮੁੰਡਾ ਖੰਡ ਦਾ ਖੇਡਣਾ
ਇਹ ਤਾਂ ਭੈਣੋਂ ਝੁੱਡੂ ਨਿਰਾ ਬੋਤੀ ਦਾ ਲੇਡਣਾ

ਜੇ ਜੀਜਾ ਤੈਂ ਕੁੜਤਾ ਸਮਾਉਣਾ
ਬਟਣ ਲਵਾਈਂ ਚਾਂਦੀ ਦੇ
ਭੈਣ ਤਾਂ ਲਾੜਿਆ ਉਧਲ ਚੱਲੀ
ਹੱਥ ਫੜ ਲੈ ਬਸਰਮਾ ਜਾਂਦੀ ਦੇ

“ਜੀਜਾ ਘਰੇ ਬਾਪੂ ਦੀ ਬੋਲੀ ਲੱਗੀ
ਬਾਪੂ ਬਿਕਿਆ ਇਕ ਦਮੜੇ ਦਾ”

ਜੇ ਜੀਜਾ ਤੈਂ ਘੜੀ ਲਿਆਉਣੀ
ਫੀਤਾ ਪੁਆਈ ਚਮੜੇ ਦਾ

ਲਾੜੇ ਭੈਣਾਂ ਜਾਰਨੀ ਸੰਧੂਰੀ ਕਾਕਾ ਜਾਇਆ
ਕੀਹਦੇ ਵਰਗੀਆਂ ਅੱਖੀਆਂ, ਕੀਹਦੇ ਵਰਗੀਆਂ ਨਿੱਕੀਆਂ
ਤੇ ਕਿਹੜਾ ਸਾਂਵਲ ਤੱਕਿਆ
ਲਾੜੇ ਭੈਣਾਂ ਜਾਰਨੀ ਸੰਧੂਰੀ ਕਾਕਾ ਜਾਇਆ
ਮਿੰਦਰ ਵਰਗੀਆਂ ਅੱਖੀਆਂ
ਸਿੰਦਰ ਵਰਗੀਆਂ ਨਿੱਕੀਆਂ
ਸਰਬਣ ਸਾਂਵਲ ਤੱਕਿਆ
ਲਾੜੇ ਭੈਣਾਂ ਜਾਰਨੀ ਸੰਧੂਰੀ ਕਾਕਾ ਜਾਇਆ

ਮੈਨੂੰ ਲਾੜੇ ਦੇ ਕੁੜਤੇ ਦਾ ਝੋਰਾ
ਕੀਹਨੇ ਕੁੜਤਾ ਸਿਉਂਤਾ ਸੀ
ਉਹਦੀ ਮਾਂ ਦਾ ਯਾਰ ਦਰਜੀ
ਉਹਨੇ ਕਰੀ ਮਨ ਮਰਜੀ
ਉਹਨੇ ਕੁੜਤਾ ਸਿਉਂਤਾ ਸੀ
ਮੈਨੂੰ ਲਾੜੇ ਦੀ ਜੁੱਤੀ ਦਾ ਝੋਰਾ
ਕੀਹਨੇ ਜੁੱਤੀ ਸਿਉਂਤੀ ਸੀ
ਉਹਦੀ ਅੰਮਾ ਦਾ ਯਾਰ ਮੋਚੀ
ਉਹਨੇ ਦੂਰ ਦੀ ਸੋਚੀ
ਉਹਨੇ ਜੁੱਤੀ ਸਿਉਂਤੀ ਸੀ

ਕੁੜਮਾ ਤੇਰਾ ਢਿੱਡ ਬੜਾ ਚਟਕੂਣਾ
ਤੂੰ ਤਾਂ ਖਾਂਦਾ ਗਧੇ ਤੋਂ ਬੀ ਦੂਣਾ

ਅੰਬਰ ਦੇ ਤਾਰੇ ਗਿਣ ਦਈਂ
ਬੇ ਨਾਲੇ ਗਿਣਦੀਂ ਭੇਡ ਦੇ ਬਾਲ
ਪੰਜ ਦਿਨ ਬਰਸਿਆ ਮੇਘਲਾ
ਬੇ ਤੂੰ ਕਣੀਆਂ ਗਿਣ ਦੀਂ
ਬੇ ਮਾਂ ਦਿਆਂ ਢੱਕਣਾ ਬੇ-ਨਾਲ