ਬੰਸੋ ਪਹਿਰ ਦੀ ਕਹਿੰਦੀ ‘ਤੀ
ਮੇਰਾ ਆਉਗਾ ਨਾਨਕਾ ਮੇਲ
ਲੈ ਆ ਗਏ ਬੌਰੀਏ ਨੀ
ਚੋਅ ਲੈ ਆਣ ਕੇ ਤੇਲ
ਦਾਦਕੀਆਂ ਦੀ ਟੌਅਰ ਦੇਖ ਲੈ
ਮਹਿਕਦੇ ਨੇ ਅਤਰ ਫਲੇਲ
punjabi boliyan written
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਤਲਵੰਡੀ।
ਬਈ ਉਥੋਂ ਦੀ ਇਕ ਨਾਰ ਸੁਣੀਂਦੀ,
ਪਿੰਡ ਵਿੱਚ ਜੀਹਦੀ ਝੰਡੀ
ਵਿਆਹੁਣ ਨਾ ਆਇਆ ਦਿਲ ਦਾ ਜਾਨੀ,
ਜਿਸਦੇ ਨਾਲ ਸੀ ਮੰਗੀ।
ਸੁੱਖਾਂ ਸੁੱਖਦੀ ਫਿਰੇ,
ਜਾਂਦੀ ਹੋ ਜਾਂ ਰੰਡੀ।
ਤੈ ਘਰ ਜੰਮਿਆ ਪੁੱਤ ਵੇ ਨਰਿੰਜਣਾ,
ਦੱਬੀਆਂ ਬੋਤਲਾਂ ਪੁੱਟ ਵੇ ਨਰਿੰਜਣਾ,
ਦੱਬੀਆਂ ……,
ਨੱਕ ਵਿੱਚ ਤੇਰੇ ਲੌਂਗ ਤੇ ਮੱਛਲੀ, ਮੱਥੇ ਚਮਕੇ ਟਿੱਕਾ,
ਨੀ ਤੇਰੇ ਮੁਹਰੇ ਚੰਨ ਅੰਬਰਾਂ ਦਾ, ਲੱਗਦਾ ਫਿੱਕਾ ਫਿੱਕਾ,
ਨੀ ਹੱਥੀਂ ਤੇਰੇ ਛਾਪਾ ਛੱਲੇ, ਬਾਂਹੀ ਚੂੜਾ ਛਣਕੇ,
ਨੀ ਫਿਰ ਕਦੋ ਨੱਚੇਗੀ, ਨੱਚ ਲੈ ਪਟੋਲਾ ਬਣਕੇ,
ਨੀ ਫਿਰ…….,
ਪਿੰਡਾਂ ਵਿੱਚੋਂ ਪਿੰਡ ਸੁਣੀਂਦਾ
ਪਿੰਡ ਸੁਣੀਦਾ ਤਲਵੰਡੀ
ਬਈ ਉਥੋਂ ਦੀ ਇੱਕ ਨਾਰ ਸੁਣੀਂਦੀ
ਪਿੰਡ ਵਿੱਚ ਜੀਹਦੀ ਝੰਡੀ
ਵਿਆਉਣ ਨਾ ਆਇਆ ਦਿਲ ਦਾ ਜਾਨੀ
ਜਿਸਦੇ ਨਾਲ ਸੀ ਮੰਗੀ
ਸੁੱਖਾਂ ਸੁੱਖਦੀ ਫਿਰੇ
ਜਾਂਦੀ ਹੈ ਜਾਂ ਰੰਡੀ।
ਮਾਮੀ ਐਸੀ ਘੱਗਰੀ ਸਮਾ ਡਾਰੀਏ
ਬਿੱਚੇ ਯਾਰ ਛੁਪਾ ਡਾਰੀਏ
ਨਾਲੇ ਦਾ ਜੱਭ ਬਢਾ ਡਾਰੀਏ
ਘੱਗਰੀ ਨੂੰ ਪੇਚ ਲੁਆ ਡਾਰੀਏ
ਫੇਰਮੀ ਘੱਗਰੀ ਸਮਾ ਡਾਰੀਏ
ਚੋਰ ਜੇਬ ਲੁਆ ਡਾਰੀਏ
ਚੋਰ ਜੇਬ ਦੇ ਵਿਚ ਡਾਰੀਏ
ਯਾਰਾਂ ਨੇ ਜਾਣਾ ਛਿਪ ਡਾਰੀਏ
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਮਾੜੀ।
ਬਈ ਉਥੋਂ ਦੀ ਇਕ ਨਾਰ ਸੁਣੀਂਦੀ,
ਬੜੀ ਸ਼ੁਕੀਨਣ ਭਾਰੀ।
ਲੱਕੋਂ ਪਤਲੀ ਪੱਟੋਂ ਮੋਟੀ,
ਤੁਰਦੇ ਲੱਗੇ ਪਿਆਰੀ।
ਬਾਝੋਂ ਮਿੱਤਰਾਂ ਦੇ,
ਫਿਰਦੀ ਮਾਰੀ-ਮਾਰੀ।
ਤੈ ਘਰ ਜੰਮਿਆ ਪੁੱਤ ਵੇ ਨਰਿੰਜਣਾ,
ਹੁਣ ਦਾਰੂ ਦੀ ਰੁੱਤ ਵੇ ਨਰਿੰਜਣਾ,
ਹੁਣ ……….,
ਢੋਈਆਂ-ਢੋਈਆਂ-ਢੋਈਆਂ
ਤੇਰੇ ਨਾਲ ਲੱਗੀਆਂ ਤੋਂ
ਸਾਰਾ ਪਿੰਡ ਕਰੇ ਬਦਖੋਈਆਂ
ਭਾਣਾ ਬੀਤ ਗਿਆ
ਗੱਲਾਂ ਜੱਗ ਤੋਂ ਤੇਰਵੀਆਂ ਹੋਈਆਂ
ਧਰ’ਤਾ ਵਿਆਹ· ਮਿੱਤਰਾ
ਕੋਈ ਨਾ ਸੁਣੇ ਅਰਜੋਈਆਂ।
(ਮਾਮਾ ਤਾਂ ਆਗਿਆ ਛੱਕ ਭਰਨ ਨੂੰ)
ਮਾਮਾ ਤਾਂ ਚੜ੍ਹ ਗਿਆ ਭਾਣਜੇ ਦੀ ਜੰਨ
ਪਿੱਛੋਂ ਮਾਮੀ ਨੇ ਕਰਿਆ ਘਾਲਾ ਮਾਲਾ
ਨੀ ਮਾਮੀ ਜਾਰਨੀਏ
ਤੇਰਾ ਟੁੱਟਿਆ ਸੁੱਥਣ ਦਾ ਨਾਲਾ
ਨੀ ਮਾਮੀ ਜਾਰਨੀਏ
ਤੇਰਾ ਢਿੱਲਾ ਸੁਥਣੀ ਦਾ ਨਾਲਾ
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਥਾਲੀ।
ਪਾਲੀ ਛੱਡ ਦਿੰਦੇ,
ਪਰ ਕੀ ਛੱਡਦਾ ਹਾਲੀ।
ਮੋਦਨ ਕਉਂਕਿਆਂ ਦਾ,
ਡਾਂਗ ਰੱਖਦਾ ਕੋਕਿਆਂ ਵਾਲੀ।
ਮੇਲਾ ਲੁੱਟ ਲੈਂਦੀ.
ਨੱਚਦੀ ਘੁੰਗਰੀਆਂ ਵਾਲੀ।
ਤੈ ਘਰ ਜੰਮਿਆ ਪੁੱਤ ਵੇ ਨਰਿੰਜਣਾ,
ਹੁਣ ਖੁਸ਼ੀਆਂ ਦੀ ਰੁੱਤ ਵੇ ਨਰਿੰਜਣਾ,
ਹੁਣ …..,