ਚਿੱਟੀ ਕਣਕ ਦੇ ਮੰਡੇ ਪਕਾਵਾਂ,
ਨਾਲੇ ਤੜਕਾਂ ਵੜੀਆਂ।
ਗਿੱਧਾ ਸੌਣ ਦਾ ਮਾਰੇ ਹਾਕਾਂ,
ਮੈਂ ਕੰਮਾਂ ਵਿਚ ਵੜੀ ਆਂ।
ਪੱਟੀ ਆਂ ਕਬੀਲਦਾਰੀ ਨੇ,
ਤਾਅਨੇ ਦਿੰਦੀਆਂ ਖੜ੍ਹੀਆਂ।
ਮੇਰੇ ਹਾਣ ਦੀਆਂ…….
ਪਾ ਗਿੱਧਾ ਘਰ ਮੁੜੀਆਂ।
punjabi boliyan written
ਆਟਾ ਲੱਗਿਆ ਕੌਲੀ ਨੂੰ,
ਰੱਬ ਚੁੱਕ ਲੈ ਜੇਠ ਮਖੌਲੀ ਨੂੰ,
ਰੱਬ ਚੁੱਕ ਲੈ
ਵੇ ਪੀ ਕੇ ਪਊਆ ਆ ਗਿਆ ਗਿੱਧੇ ਵਿੱਚ
ਦਿੰਦਾ ਫਿਰਦੈਂ ਗੇੜੇ
ਪਾਸੇ ਹੋ ਕੇ ਸੁਣ ਲੈ ਬੋਲੀਆਂ
ਹੁਣ ਨਾ ਹੋਈਂ ਨੇੜੇ
ਵਿੱਚ ਗਿੱਧੇ ਦੇ ਹੱਥ ਜੇ ਲੱਗ ਗਿਆ
ਵੀਰ ਦੇਖਦੇ ਮੇਰੇ
ਚੱਕ ਕੇ, ਸੋਟੀਆਂ ਫੜ ਕੇ ਬਾਹਾਂ
ਟੁਕੜੇ ਕਰਨਗੇ ਤੇਰੇ ਤੇ
ਮੈਂ ਤਾਂ ਮੁੰਡਿਓ ਸੁਣ ਕੇ ਸੱਚੀਆਂ
ਜਾ ਬੈਠਾ ਸੀ ਡੇਰੇ ,
ਘਰ ਦੀ ਨਾਰ ਬਿਨਾਂ
ਕੋਈ ਨਾ ਲਾਉਂਦੇ ਨੇੜੇ।
ਛੰਦ ਪਰਾਗੇ ਆਈਏ ਜਾਈਏ,
ਛੰਦ ਪਰਾਗੇ ਕੇਸਰ।
ਮਾਂ ਤਾਂ ਮੇਰੀ ਪਾਰਬਤੀ,
ਬਾਪ ਮੇਰਾ ਪਰਮੇਸਰ।
ਮਾਮੀ ਬੂਰ ਦੇ ਲੱਡੂ ਖੱਟਦੀ ਐ
ਬੱਟ ਬੱਟ ਆਲੇ ਰੱਖਦੀ ਐ
ਮਾਮਾ ਖਾਣ ਨੂੰ ਮੰਗਦਾ ਸੀ
ਮਾਰ ਮਾਰ ਤਾਲੇ ਰੱਖਦੀ ਐ
ਕਿਸ਼ਨ ਕੌਰ ਨੇ ਕੀਤੀ ਤਿਆਰੀ,
ਹਾਰ ਸ਼ਿੰਗਾਰ ਲਗਾਇਆ।
ਮੋਮ ਢਾਲ ਕੇ ਗੁੰਦੀਆਂ ਮੀਢੀਆਂ,
ਅੱਖੀਂ ਕੱਜਲਾ ਪਾਇਆ।
ਚੱਬ ਦੰਦਾਸਾ ਵੇਖਿਆ ਸ਼ੀਸ਼ਾ,
ਚੜ੍ਹਿਆ ਰੂਪ ਸਵਾਇਆ।
ਹਾਣੀਆਂ ਲੈ ਜਾ ਵੇ…..
ਜੋਬਨ ਦਾ ਹੜ੍ਹ ਆਇਆ।
ਅੰਗ ਅੰਗ ਚ ਜੋਬਨ ਡੁੱਲਦਾ,
ਕਿਹੜਾ ਦਰਜੀ ਨਾਪੂ,
ਮੈ ਕੁੜਤੀ ਲੈਣੀ ਆਉਣ ਜਾਣ ਨੂੰ,
ਭਾਵੇਂ ਵਿਕ ਜੇ ਮੁੰਡੇ ਦਾ ਬਾਪੂ,
ਮੈ ਕੁੜਤੀ
ਆਇਆ ਸਾਉਣ ਮਹੀਨਾ ਪਿਆਰਾ
ਘਟਾ ਕਾਲੀਆਂ ਛਾਈਆਂ
ਰਲ ਮਿਲ ਸਈਆਂ ਪਾਵਣ ਗਿੱਧੇ
ਪੀਂਘਾਂ ਪਿੱਪਲੀਂ ਪਾਈਆਂ
ਮੋਰ ਪਪੀਹੇ ਕੋਇਲਾਂ ਕੂਕਣ
ਯਾਦਾਂ ਤੇਰੀਆਂ ਆਈਆਂ ।
ਤੂੰ ਟਕਿਆਂ ਦਾ ਲੋਭੀ ਹੋ ਗਿਆ
ਕਦਰਾਂ ਸਭ ਭੁਲਾਈਆਂ
ਦਿਲ ਮੇਰੇ ਨੂੰ ਡੋਬ ਨੇ ਪੈਂਦੇ
ਵੱਢ-ਵੱਢ ਖਾਣ ਜੁਦਾਈਆਂ
ਮਾਹੀ ਨਾ ਆਇਆ
ਲਿਖ-ਲਿਖ ਚਿੱਠੀਆਂ ਪਾਈਆਂ।
ਚੰਦਰੀ ਜਾਤ ਦੀ ਤਰਖਾਣੀ,
ਚੂੜਾ ਪਾ ਕੇ ਸੱਕ ਹੂੰਝਦੀ।
ਨੂੰਹਾਂ ਗੋਰੀਆਂ ਪੁੱਤਾਂ ਦੇ ਰੰਗ ਕਾਲੇ,
ਸਹੁਰਿਆ ਬਦਾਮ ਰੰਗਿਆ।
ਕੱਠੀਆਂ ਹੋ ਕੇ ਆਈਆਂ ਗਿੱਧੇ ਵਿੱਚ,
ਇੱਕੋ ਜਿਹੀਆਂ ਮੁਟਿਆਰਾਂ।
ਚੰਨ ਦੇ ਚਾਨਣ ਵਿੱਚ ਇਉਂ ਚਮਕਣ,
ਜਿਉਂ ਸੋਨੇ ਦੀਆਂ ਤਾਰਾਂ।
ਗਲ ਓਹਨਾਂ ਦੇ ਕੁੜਤੇ ਰੇਸ਼ਮੀ,
ਤੇੜ ਨਵੀਆਂ ਸਲਵਾਰਾਂ।
ਕੁੜੀਆਂ ਇਓਂ ਨੱਚਣ …..
ਜਿਓਂ ਹਰਨਾਂ ਦੀਆਂ ਡਾਰਾਂ।
ਅੰਮਾਂ ਨੀ ਅੰਮਾਂ,
ਐ ਕਿ ਕੀਤਾ ਨੀ ਅੰਮਾਂ,
ਧੀ ਮਧਰੀ ਜਵਾਈ ਤੇਰਾ ਲੰਮਾਂ ਨੀ ਅੰਮਾਂ,
ਧੀ ਮਧਰੀ