punjabi boliyan collection

ਆਇਆ ਸਾਵਣ, ਦਿਲ ਪਰਚਾਵਣ,
ਬਹਾਰਾਂ ਨਾਲ ਲਿਆਵੇ।
ਚਿੜਿਆਂ ਦੀ ਜੰਨ ਚੜ੍ਹਦੀ,
ਬੋਤਾ ਬਾਘੀਆਂ ਪਾਵੇ।
ਡੱਡੂਆਂ ਨੇ ਪਾਇਆ ਭੰਗੜਾ,
ਕਿਰਲਾ ਬੋਲੀਆਂ ਪਾਵੇ।
ਮੇਲਣ ਸੱਪ ਵਰਗੀ………,
ਛੜਾ ਘੜੀਸੀਂ ਜਾਵੇ।

ਸਾਉਣ ਮਹੀਨੇ ਕਿਣ ਮਿਣ ਕਾਣੀ,
ਗੋਡੇ-ਗੋਡੇ ਗਾਰਾ।
ਤੀਆਂ ਨੂੰ ਵੀਰਾ ਲੈਣ ਆ ਗਿਆ,
ਚੱਲ ਕੇ ਵਾਟ ਵਿਚਾਰਾਂ।
ਪਰ ਸੱਸ ਕੁਪੱਤੀ ਨਾਂਹ ਕਰ ਦਿੰਦੀ,
ਕੋਈ ਨਾ ਚਲਦਾ ਚਾਰਾ।
ਸੱਸੇ ਬੇਕਦਰੇ ………
ਢੱਠ ਜਾਏ ਤੇਰਾ ਢਾਰਾ।

ਸਉਣ ਆਏ ਜੇ ਮੀਂਹ ਨਾ ਪੈਂਦਾ,
ਗਰਮੀ ਵਧ ਜਾਏ ਬਾਹਲ੍ਹੀ।
ਗਿੱਠ-ਗਿੱਠ ਜੀਭਾਂ ਕਢਦੇ ਬੌਲਦ,
ਛੱਡਣ ਹਲ ਪੰਜਾਲੀ।
ਭਾਦੋਂ ਨੂੰ ਜੱਟ ਸਾਧੂ ਹੋ ਜਾਂਦੇ,
ਟਿੱਚਰ ਕਰਦੇ ਪਾਲੀ।
ਵੱਟਾਂ ਬੰਨਿਆਂ ਤੇ……….,
ਜੱਟੀ ਤੁਰਦੀ ਮਜਾਜਾਂ ਵਾਲੀ।