ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਖਾਰੇ।
ਖਾਰੇ ਦੀ ਇੱਕ ਨਾਰ ਸੁਣੀਂਦੀ,
ਉਡਦੇ ਪੰਛੀ ਮਾਰੇ।
ਮੱਥਾ ਤਾਂ ਓਹਦਾ ਚੰਦ ਚੌਦ੍ਹਵੀਂ,
ਨੈਣੀ ਚਮਕਣ ਤਾਰੇ।
ਸੱਚੇ ਪ੍ਰੇਮੀ ਨੂੰ ……
ਨਾ ਝਿੜਕੀਂ ਮੁਟਿਆਰੇ।
Munde vallo Punjabi boliyan
ਢਾਈਆਂ-ਢਾਈਆਂ-ਢਾਈਆਂ
ਚੱਲਿਆ ਨਾ ਜ਼ੋਰ ਮਿੱਤਰਾ
ਨਾ ਚੱਲੀਆਂ ਚਤਰਾਈਆਂ
ਹੋ ਗਈ ਮਜਬੂਰ ਮਿੱਤਰਾ
ਵੇ ਨਾ ਲੱਗੀਆਂ ਤੋੜ ਨਿਭਾਈਆਂ
ਮਾਪਿਆਂ ਤੋਰ ਦਿੱਤੀ
ਕਰ ਕੇ ਬੇਪਰਵਾਹੀਆਂ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਤਲਵੰਡੀ।
ਬਈ ਉਥੋਂ ਦੀ ਇਕ ਨਾਰ ਸੁਣੀਂਦੀ,
ਪਿੰਡ ਵਿੱਚ ਜੀਹਦੀ ਝੰਡੀ
ਵਿਆਹੁਣ ਨਾ ਆਇਆ ਦਿਲ ਦਾ ਜਾਨੀ,
ਜਿਸਦੇ ਨਾਲ ਸੀ ਮੰਗੀ।
ਸੁੱਖਾਂ ਸੁੱਖਦੀ ਫਿਰੇ,
ਜਾਂਦੀ ਹੋ ਜਾਂ ਰੰਡੀ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਮਾੜੀ।
ਬਈ ਉਥੋਂ ਦੀ ਇਕ ਨਾਰ ਸੁਣੀਂਦੀ,
ਬੜੀ ਸ਼ੁਕੀਨਣ ਭਾਰੀ।
ਲੱਕੋਂ ਪਤਲੀ ਪੱਟੋਂ ਮੋਟੀ,
ਤੁਰਦੇ ਲੱਗੇ ਪਿਆਰੀ।
ਬਾਝੋਂ ਮਿੱਤਰਾਂ ਦੇ,
ਫਿਰਦੀ ਮਾਰੀ-ਮਾਰੀ।
ਢੇਰਾ-ਫੇਰਾ-ਫੇਰਾ
ਪੱਟਤਾ ਤੂੰ ਮੋਟੀ ਅੱਖ ਨੇ
ਗੋਰਾ ਰੰਗ ਸੀ ਗੱਭਰੂਆ ਤੇਰਾ
ਕਹਿ ਕੇ ਨਾ ਦੱਸ ਸਕਦੀ
ਤੇਰਾ ਆਉਂਦਾ ਪਿਆਰ ਬਥੇਰਾ
ਚੰਦ ਭਾਵੇਂ ਨਿੱਤ ਚੜ੍ਹਦਾ
ਸਾਨੂੰ ਸੱਜਣਾਂ ਬਾਝ ਹਨੇਰਾ।
ਪਿੰਡਾਂ ਵਿੱਚੋਂ ਪਿੰਡ ਸੁਣੀਂਦਾ
ਪਿੰਡ ਸੁਣੀਂਦਾ ਮਾੜੀ
ਬਈ ਉੱਥੇ ਦੀ ਇੱਕ ਨਾਰ ਸੁਣੀਂਦੀ
ਬੜੀ ਸ਼ੁਕੀਨਣ ਭਾਰੀ
ਲੱਕੋਂ ਪਤਲੀ ਪੱਟੋਂ ਮੋਟੀ
ਤੁਰਦੀ ਲੱਗੇ ਪਿਆਰੀ
ਬਾਥੋਂ ਮਿੱਤਰਾਂ ਦੇ
ਫਿਰਦੀ ਮਾਰੀ-ਮਾਰੀ।
ਤੂੰ ਤਾਂ ਕੁੜੀਏ ਬਾਹਲੀ ਸੋਹਣੀ,
ਘਰ ਵਾਲਾ ਤੇਰਾ ਕਾਲਾ।
ਉਹ ਨਾ ਕਰਦਾ ਕੰਮ ਦਾ ਡੱਕਾ,
ਤੂੰ ਕਰਦੀ ਐਂ ਬਾਹਲਾ।
ਮੈਂ ਤਾਂ ਤੈਨੂੰ ਕਹਿਨਾਂ ਕੁੜੀਏ,
ਤੂੰ ਵੱਟ ਲੈ ਹੁਣ ਟਾਲਾ।
ਤੂੰ ਪਈ ਫੁੱਟ ਵਰਗੀ,
ਭੂੰਡ ਤੇਰੇ ਘਰ ਵਾਲਾ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਖਾਰੇ।
ਖਾਰੇ ਦੀ ਇੱਕ ਨਾਰ ਸੁਣੀਦੀ,
ਉਲਟੇ ਜਿਸਦੇ ਕਾਰੇ।
ਬਾਹਾਂ ਓਹਦੀਆਂ ਨਿਰੇ ਬੇਲਣੇ,
ਉਂਗਲੀਆਂ ਪਰ ਚਾਰੇ।
ਜਿੰਦੜੀ ਵਾਰ ਦਿਆਂ……..,
ਜੇ ਨਾ ਲਾਵੇਂ ਲਾਰੇ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਖਾਰੇ।
ਖਾਰੇ ਦੀ ਇੱਕ ਨਾਰ ਸੁਣੀਂਦੀ,
ਅੰਬਰੋਂ ਤੋੜਦੀ ਤਾਰੇ।
ਚਿੱਟੇ ਦੰਦ ਮੋਤੀਆਂ ਵਰਗੇ,
ਗੱਲ੍ਹਾਂ ਸ਼ੱਕਰ ਪਾਰੇ।
ਤੇਰੀ ਸੂਰਤ ਨੇ ………,
ਪੰਛੀ ਲਾਹ ਲਾਹ ਮਾਰੇ।
ਹਰੀਆਂ ਮਿਰਚਾਂ ਗੁੱਛਾ ਸੁਨਹਿਰੀ
ਡੁੰਗ ਲੰਮੀਏ ਮੁਟਿਆਰੇ
ਕਿਹੜੀ ਗੱਲੋਂ ਖਾ ਗਈ ਗੁੱਸਾ
ਕੀ ਦਿਨ ਆ ਗਏ ਮਾੜੇ
ਦੁਖੀਏ ਆਸ਼ਕ ਨੂੰ
ਨਾ ਝਿੜਕੀਂ ਮੁਟਿਆਰੇ।
ਚਾਰ ਯਾਰ ਤਾਂ ਤੇਰੇ ਰਕਾਨੇ
ਚਾਰੇ ਸ਼ੱਕਰਪਾਰੇ
ਪਹਿਲੇ ਯਾਰ ਦਾ ਰੰਗ ਬਦਾਮੀ
ਦੂਜਾ ਛੱਡੇ ਚੰਗਿਆੜੇ
ਤੀਜੇ ਯਾਰ ਦਾ ਖਾਕੀ ਚਾਦਰਾ
ਰਲ ਗਿਆ ਪੱਟਾਂ ਦੇ ਨਾਲੇ
ਚੌਥੇ ਯਾਰ ਦੀ ਕੱਟਵੀਂ ਸੇਲ੍ਹੀ
ਦਿਨੇ ਦਿਖਾਉਂਦਾ ਤਾਰੇ
ਲੁੱਟ ਕੇ ਮਿੱਤਰਾਂ ਨੂੰ
ਠੱਗ ਦੱਸਦੀ ਮੁਟਿਆਰੇ।
ਰਾਹ ਤੇ ਤੇਰੀ ਬੈਠਕ ਕੁੜੀਏ
ਵਿੱਚ ਬਿਜਲੀ ਦਾ ਆਂਡਾ
ਆਂਢੀ-ਗੁਆਂਢੀ ਸਾਰੇ ਤਪਗੇ
ਬਹਿ ਗਏ ਤਿਆਗ ਕੇ ਭਾਂਡਾ
ਤੇਰੀ ਬੈਠਕ ‘ਚੋਂ
ਨਿੱਤ ਨੀ ਸ਼ਰਾਬੀ ਜਾਂਦਾ।