ਬਾਰੀ ਬਾਰੀ ਬਰਸੀ ਖੱਟਣ ਨੂੰ ਘੱਲਿਆ
ਉਹ ਕੁਝ ਨਾ ਖੱਟ ਕੇ ਲਿਆਇਆ
ਤੇ ਖਾਲੀ ਆਉਂਦਾ
ਨੀਂ ਜੁੱਗ ਜੁੱਗ ਜੀਵੇ ਸਖੀਓ ਜਿਹੜਾ
ਸਾਉਣ ਵੀਰ ਆਪਾਂ ਨੂੰ ਮਿਲਾਉਂਦਾ ਨੀ
Maa Dhee Punjabi boliyan
ਨੀਵੀਂ ਢਾਲ ਚੁਬਾਰਾ ਪਾਇਆ
ਕਿਸੇ ਵੈਲੀ ਨੇ ਰੋੜ ਚਲਾਇਆ
ਪਿੰਡ ਵਿੱਚ ਇੱਕ ਵੈਲੀ
ਫੇਰ ਪਿੰਡ ਬਦਮਾਸ਼ ਲਿਖਾਇਆ
ਧੰਨੀਏ ਬਦਾਮ ਰੰਗੀਏ
ਮੇਰੀ ਪੱਗ ਨੂੰ ਦਾਗ ਕਿਉਂ ਲਾਇਆ
ਚੁਗਦੇ ਹੰਸਾਂ ਦਾ
ਰੱਬ ਨੇ ਵਿਛੋੜਾ ਪਾਇਆ।
ਆਹ ਪਾਈਏ ਪੀਂਘ ਬਰੋਟੇ ਵਿੱਚ ਨੀ
ਹੀਂਗ ਚੜ੍ਹਾਈਏ ਚੱਲ ਖਿੱਚ ਖਿੱਚ ਨੀ
ਮਾਂ ਦੇ ਹੱਥ ਦੀ ਮੱਖਣੀ ਖਾਧੀ
ਕਰ ਦੇਈਏ ਅੱਜ ਦੂਣੀ
ਨੀਂ ਲੰਮੀਆਂ ਹੀਂਗਾਂ ਨਾਲ ਅੱਜ ਅੰਬਰਾਂ ਦੀ ਹਿੱਕ ਛੂਹਣੀ
ਨੀਂ ਲੰਮੀਆਂ ਹੀਂਗਾਂ ਨਾਲ ਅੱਜ ਅੰਬਰਾਂ ਦੀ ਹਿੱਕ ਛੂਹਣੀ
ਸਾਉਣ ਦਾ ਮਹੀਨਾ ਪੇਕੇ ਆਈਆਂ ਜੱਟੀਆਂ
ਨਖ਼ਰੇ ਵੀ ਅੱਤ ਨੇ ਦੁਹਾਈਆਂ ਜੱਟੀਆਂ
ਲਿਆਈ ਗਿੱਧੇ ਵਿੱਚ ਜਾਂਦੀਆਂ ਤੂਫ਼ਾਨ ਜੱਟੀਆਂ
ਮਾਪੇ ਪੇਕਿਆਂ ਦੇ ਪਿੰਡ ਦੀ ਨੇ ਸ਼ਾਨ ਜੱਟੀਆਂ
ਬੋਲ ਦੀਆਂ ਕੋਲਾ ਕਿਤੇ ਬੋਲਦੇ ਨੇ ਮੋਰ ਨੀ
ਬੋਲ ਦੀਆਂ ਕੋਲਾ ਕਿਤੇ ਬੋਲਦੇ ਨੇ ਮੋਰ ਨੀ
ਨੱਚ ਲਾਉ ਨੀ ਸਈਓ ਕੱਲ੍ਹ ਹੋਣਾ ਕਿਤੇ ਹੋਰ ਨੀ
ਨੱਚ ਲਾਉ ਨੀ ਸਈਓ ਕੱਲ੍ਹ ਹੋਣਾ ਕਿਤੇ ਹੋਰ ਨੀ
ਡੱਬੀਆਂ ਡੱਬੀਆਂ ਡੱਬੀਆਂ ਵੇ
ਪੀਂਘਾਂ ਝੂਟਦੀ ਨੂੰ ਨਜ਼ਰਾਂ ਲੱਗੀਆਂ ਵੇ
ਪੀਂਘਾਂ ਝੂਟਦੀ ਨੂੰ ਨਜ਼ਰਾਂ ਲੱਗੀਆਂ ਵੇ
ਭੋਰਾ ਚੱਜ ਨਾ ਗੱਭਰੂਆ ਤੈਨੂੰ ਵੇ
ਤੀਆਂ ਵਿੱਚ ਲੈਣ ਆ ਗਿਆ
ਭੋਰਾ ਚੱਜ ਨਾ ਗੱਭਰੂਆ ਤੈਨੂੰ
ਵੇ ਤੀਆਂ ਵਿੱਚ ਲੈਣ ਆ ਗਿਆ
ਸਾਉਣ ਮਹੀਨਾ ਦਿਨ ਤੀਆਂ ਦੇ
ਸਾਉਣ ਮਹੀਨਾ ਦਿਨ ਤੀਆਂ ਦੇ
ਉੱਤੋਂ ਬੱਦਲ ਛਾਏ
ਦੂਹਰੀਆਂ ਹੋ ਹੋ ਕੁੜੀਆਂ ਨੱਚਣ
ਦੂਹਰੀਆਂ ਹੋ ਹੋ ਕੁੜੀਆਂ ਨੱਚਣ
ਦੇਖ ਕਟਾ ਛਾ ਜਾਏ
ਹੂਟਾ ਦੇ ਦਿਓ ਨੀਂ ਮੇਰਾ ਲੱਕ ਹੁਲਾਰੇ ਖਾਏ
ਹੂਟਾ ਦੇ ਦਿਓ ਨੀਂ ਮੇਰਾ ਲੱਕ ਹੁਲਾਰੇ ਖਾਏ
ਬਣ ਠਣ ਕੇ ਅੱਜ ਕੁੜੀਆਂ ਆਈਆਂ
ਬਣ ਠਣ ਕੇ ਅੱਜ ਕੁੜੀਆਂ ਆਈਆਂ
ਨੱਚ ਨੱਚ ਕਰਨ ਕਮਾਲ
ਹੇਠ ਬਰੋਟੇ ਦੇ ਪੈਂਦੀ ਦੇਖ ਧਮਾਲ
ਹੇਠ ਬਰੋਟੇ ਦੇ ਪੈਂਦੀ ਦੇਖ ਧਮਾਲ
ਸੁਖ ਵਸੇ ਵੇ ਪਟਵਾਰੀਆ ਤੇਰੀ ਨਗਰੀ
ਤੀਆਂ ਦਾ ਮੁਰੱਬਾ ਕੱਟਿਆਂ
ਸੁਖ ਵਸੇ ਵੇਰ ਪਟਵਾਰੀਆ ਤੇਰੀ ਨਗਰੀ
ਤੀਆਂ ਦਾ ਮੁਰੱਬਾ ਕੱਟਿਆਂ
ਆਉਂਦੀ ਕੁੜੀਏ ਜਾਂਦੀ ਕੁੜੀਏ
ਆਉਂਦੀ ਕੁੜੀਏ ਜਾਂਦੀ ਕੁੜੀਏ
ਚੱਕ ਲਿਆ ਬਾਜ਼ਾਰ ਵਿੱਚੋਂ ਭੇਲੀ
ਨੀਂ ਵੀਰਾ ਮਾਪੇ ਨਿੱਤ ਮਿਲ ਦੇ
ਕੋਈ ਮੇਲਾ ਦੀ ਨਾ ਵਿੱਛੜੀ ਸਹੇਲੀ
ਨੀ ਵੀਰਾ ਮਾਪੇ ਨਿੱਤ ਮਿਲ ਦੇ
ਜੀਤੋ ਕੁੜੀਏ ਛੱਡਦੇ ਚਰਖਾ ਲੈ ਫੁਲਕਾਰੀ
ਕਰ ਲੈ ਸਾਰੀ ਤਿਆਰੀ
ਨੀ ਤੀਆਂ ਵਿੱਚ ਪੈਣ ਲੁੱਡੀਆਂ
ਤੈਨੂੰ ਹਾਕ ਗਿੱਧੇ ਨੇ ਮਾਰੀ
ਨੀ ਤੀਆਂ ਵਿੱਚ ਪੈਣ ਲੁੱਡੀਆਂ