ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਮੀਨਾ।
ਜੇ ਮੁੰਡਿਓ ਤੁਸੀਂ ਕੰਮ ਨਾ ਕੀਤਾ,
ਔਖਾ ਹੋ ਜੂ ਜੀਣਾ।
ਹਲ ਤਵੀਆਂ ਦੇ ਬਾਝੋਂ ਮੁੰਡਿਓ,
ਲੰਘੀਆਂ ਵੱਤ ਜ਼ਮੀਨਾਂ।
ਮੁੰਡਿਆਂ ਦੀ ਬੈਠਕ ਨੇ…….,
ਪੱਟ ’ਤਾ ਕਬੂਤਰ ਚੀਨਾ।
Kudi vallo Punjabi boliyan
ਢੇਰਾ-ਢੇਰਾ-ਢੇਰਾ
ਪੱਟੀ ਤੇਰੀ ਮੋਟੀ ਅੱਖ ਨੇ
ਗੋਰਾ ਰੰਗ ਸੀ ਗੱਭਰੂਆ ਮੇਰਾ
ਕਿਹੜੀ ਗੱਲੋਂ ਗੁੱਸੇ ਹੋ ਗਿਆ
ਕੀ ਖਾ ਕੇ ਮੁੱਕਰ ਗਈ ਤੇਰਾ
ਜਿਗਰਾ ਰੱਖ ਮੁੰਡਿਆ
ਆਉਂਦਾ ਪਿਆਰ ਬਥੇਰਾ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਮੋਲੀ।
ਤੂੰ ਦਿਲ ਤੋਲੇ, ਝੁਕਦੇ ਪਲੜੇ,
ਮੈਂ ਝੁਕਦੇ ਨੀ ਤੋਲੀ।
ਤੂੰ ਨੀ ਮੇਰਾ ਹੋਇਆ ਬਾਲਮਾ,
ਮੈਂ ਤਾਂ ਤੇਰੀ ਹੋ ਲੀ।
ਮਿਲਿਆਂ ਸੱਜਣਾਂ ਦੀ……..,
ਸਦਾ ਸਦੀਵੀ ਹੋਲੀ।
ਨੀ ਜੱਟਾਂ ਦੇ ਪੁੱਤ ਸਾਧੂ ਹੋ ਗੇ
ਸਿਰ ਤੇ ਜਟਾਂ ਰਖਾਈਆਂ
ਬਗਲੀ ਪਾ ਕੇ ਮੰਗਣ ਤੁਰ ਪਏ
ਖੈਰ ਨਾ ਪਾਉਂਦੀਆਂ ਮਾਈਆਂ
ਖੂਹ ਤੇ ਬਹਿ ਕੇ ਬੀਨ ਵਜਾਈ
ਚੁਟਕੀ-ਚੁਟਕੀ ਲਿਆਈਆਂ
ਅੱਖੀਆਂ ਪ੍ਰੀਤ ਦੀਆਂ
ਬੇ-ਕਦਰਿਆਂ ਨਾਲ ਲਾਈਆਂ।
ਚੜ੍ਹ ਵੇ ਚੰਦਾ ਦੇ ਵੇ ਲਾਲੀ
ਕਿਉਂ ਕੀਤਾ ਹਨ੍ਹੇਰਾ
ਚਾਰ ਕੁ ਪੂਣੀਆਂ ਕੱਤਣੋਂ ਰਹਿ ਗਈਆਂ
ਯਾਰ ਮਾਰ ਗਿਆ ਗੇੜਾ
ਆ ਕੇ ਗੁਆਂਢਣ ਪੁੱਛਦੀ ਮੈਥੋਂ
ਇਹ ਕੀ ਲੱਗਦਾ ਤੇਰਾ
ਏਹ ਤਾਂ ਮੇਰਾ ਵਾਲ ਮੱਥੇ ਦਾ
‘ਤੂੰ ਵੇ’ ਦਿਲ ਦਾ ਘੇਰਾ
ਟੋਹ ਲੈ ਤੂੰ ਮੁੰਡਿਆ
ਨਰਮ ਕਾਲਜਾ ਮੇਰਾ।
ਕੋਰੀ ਕੋਰੀ ਕੂੰਡੀ ਵਿੱਚ
ਮਿਰਚਾਂ ਮੈਂ ਰਗੜਾਂ
ਛੜੇ ਦੀਆਂ ਅੱਖਾਂ ਵਿੱਚ
ਪਾ ਦਿੰਨੀ ਆਂ
ਨਿੱਤ ਤੱਕਣੇ ਦੀ
ਰੜਕ ਮੁਕਾ ਦਿੰਨੀ ਆਂ।
ਆਰੀ-ਆਰੀ-ਆਰੀ
ਭੁੱਲ ਕੇ ਲਾ ਬੈਠੀ
ਨੀ ਮੈਂ ਨਾਲ ਛੜੇ ਦੇ ਯਾਰੀ
ਛੜਿਆਂ ਦੇ ਗਈ ਅੱਗ ਨੂੰ
ਉਨ੍ਹਾਂ ਚੱਪਣੀ ਵਗਾਹ ਕੇ ਮਾਰੀ
ਛੜੇ ਦਾ ਗਵਾਂਢ ਬੁਰਾ
ਨੀ ਮੈਂ ਰੋ-ਰੋ ਰਾਤ ਗੁਜ਼ਾਰੀ
ਛੜਿਓ ਮਰਜੋ ਵੇ
ਵੈਣ ਪਾਵੇ ਕਰਤਾਰੀ।
ਕੱਟਵੀਂ ਸੁੱਥਣ ਸਾਨੂੰ ਲੱਗਦੀ ਸੋਹਣੀ
ਨਾਲ ਸੋਂਹਦਾ ਪਿਆਜੀ ਬਾਣਾ
ਚੰਦ ਡੰਡੀਆਂ ਨੇ ਛਹਿਬਰ ਲਾਈ
ਹੋ ਗਿਆ ਲੌਂਗ ਪੁਰਾਣਾ
ਫੌਜੀ ਦੀ ਛੁੱਟੀ ਮੁੱਕਗੀ
ਉਹਨੇ ਰਾਤੀਂ ਗੱਡੀ ਚੜ੍ਹ ਜਾਣਾ
ਜਾਂਦੇ ਮਾਹੀਏ ਨੂੰ
ਘੁੰਡ ਚੱਕ ਕੇ ਸਲੂਟ ਬੁਲਾਣਾ!
ਤੇਰਾ ਸਰੂ ਜਿਹਾ ਕੱਦ
ਤੇਰੀ ਕੋਕਾ ਕੋਲਾ ਪੱਗ
ਤੀਜੀ ਜੁੱਤੀ ਲਿਸ਼ਕਾਰੇ
ਮਾਰ-ਮਾਰ ਪੱਟਦੀ
ਵੇ ਤੈਂ ਜਿਊਣ ਜੋਗੀ
ਛੱਡੀ ਨਾ ਕੁੜੀ ਜੱਟ ਦੀ।
ਮੱਝ ਵੇਚਤੀ ਗਾਂ ਵੇਚਤੀ
ਨਾਲੇ ਵੇਚਤੀ ਕੁੱਟੀ
ਪੱਟੀ ਵੇ ਦਾਰੂ ਪੀਣਿਆਂ
ਤੇਰੀ ਬੋਤਲ ਨੇ ਮੈਂ ਪੱਟੀ
ਰਾਇਆ-ਰਾਇਆ-ਰਾਇਆ
ਏਸ ਵੱਟ ਮੈਂ ਲੰਘ ਗਈ
ਦੂਜੀ ਲੰਘ ਗਿਆ ਭਾਗ ਦਾ ਤਾਇਆ
ਸੰਤੋ ਦੀ ਬੈਠਕ ਤੇ
ਦਰਜੀ ਲੈਣ ਕੀ ਆਇਆ।
ਸੋਨੇ ਦੀ ਲਾਈ ਕਾੜ੍ਹਨੀ
ਦੁੱਧ ਰਿੜਕਣੇ ਵਿੱਚ ਪਾਇਆ
ਜਦੋਂ ਯਾਰ ਨੇ ਦਿੱਤਾ ਗੇੜਾ
ਰੁੱਗ ਮੱਖਣੀ ਦਾ ਆਇਆ
ਉੱਠ ਖੜ੍ਹ ਵੇ ਮਿੱਤਰਾ
ਸਿਖਰ ਦੁਪਹਿਰਾ ਆਇਆ।