Jago Boliyan

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਰਾਈਂ।
ਜੇ ਤੈਂ ਮੇਲੇ ਜਾਣੈਂ ਮੁੰਡਿਆ,
ਸਹੁਰਿਆਂ ਵਿੱਚ ਦੀ ਜਾਈਂ।
ਪਰਿਆਂ ਵਿੱਚ ਤੇਰਾ ਸਹੁਰਾ ਹੋਉ,
ਗੱਜ ਕੇ ਫਤਹਿ ਗਜਾਈਂ।
ਭੁੱਲ ਕੇ ਲੋਭਾਂ ਨੂੰ ……….,
ਸ਼ੋਭਾ ਖੱਟ ਕੇ ਆਈਂ।

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਕਟਾਣੀ।
ਭੈਣੀ ਸਾਹਿਬ ਦੇ ਚਿੱਟੇ ਬਾਟੇ,
ਘੁੱਟਵੀਂ ਪਜਾਮੀ ਜਾਣੀ।
ਇੱਕ ਰੁਪੈ ਨਾਲ ਵਿਆਹ ਕਰ ਦਿੰਦੇ,
ਕਿੰਨੀ ਰੀਤ ਸਿਆਣੀ।
ਬਾਝੋਂ ਅਕਲਾਂ ਦੇ ………,
ਖੂਹ ਵੀ ਖਾਲੀ ਜਾਣੀ।

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦੈ,
ਪਿੰਡ ਸੁਣੀਂਦੈ, ਰਾਣੋ।
ਘਰ ਦੀ ਬਿੱਲੀ, ਘਰ ਨੂੰ ਮਿਆਓਂ,
ਕਰਦੀ ਬਿੱਲੀ ਮਾਣੋ।
ਵੀਰ ਵਰਗਾ ਮਿੱਤਰ ਨਾ ਕੋਈ,
ਜਾਣੋ ਯਾ ਨਾ ਜਾਣੋ।
ਜ਼ਿੰਦਗੀ ਕੈ ਦਿਨ ਦੀ…..
ਪ੍ਰੇਮ ਪਿਆਰ ਹੀ ਮਾਣੋ।