Dadka mail

ਬੋਲੋ ਦਾਦਕਿਓ ਕੀ
ਥੋਨੂੰ ਲੈ ਗਏ ਚੋਰ
ਬੋਲੋ ਦਾਦਕਿਓ ਕੀ
ਥੋਨੂੰ ਲੈ ਗਏ ਚੋਰ

ਬਾਰੀ ਬਰਸੀ ਖੱਟਣ ਗਿਆ ਸੀ
ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਂਦੇ ਪੋਣੇ
ਬਈ ਦਾਦਕਿਆਂ ਦੀਆ ਰੋਣ ਕੁੜੀਆਂ
ਮੁੰਡੇ ਨਾਨਕੇ ਮੇਲ ਦੇ
ਬਈ ਦਾਦਕਿਆਂ ਦੀਆ ਰੋਣ ਕੁੜੀਆਂ
ਮੁੰਡੇ ਨਾਨਕੇ ਮੇਲ ਦੇ

ਦਾਦਕੇ ਖੁੱਡ ਵੜਗੇ
ਕੱਢਲੋ ਬੀਨ ਵਜਾ ਕੇ
ਦਾਦਕੇ ਖੁੱਡ ਵੜਗੇ
ਕੱਢਲੋ ਬੀਨ ਵਜਾ ਕੇ

ਕਾਲੀ ਮਿਟੀ ਦਾ ਫੇਰ ਦਿਓ ਪੋਚਾ
ਦਾਦਕਿਆਂ ਦਾ ਕੁੱਪ ਬੰਨ ਦਿਓ
ਕਾਲੀ ਮਿਟੀ ਦਾ ਫੇਰ ਦਿਓ ਪੋਚਾ
ਦਾਦਕਿਆਂ ਦਾ ਕੁੱਪ ਬੰਨ ਦਿਓ

ਫੁੱਫੜਾਂ ਖੋਲ ਲੈ ਮੱਥੇ ਦੀ ਤਿਓੜੀ
ਵੇ ਅਸੀਂ ਕਿਹੜਾ ਨਿੱਤ ਆਵਣਾ ,
ਨੀ ਭੂਆ ਖੋਲ ਲੈ ਮੱਥੇ ਦੀ ਤਿਓੜੀ
ਨੀ ਅਸੀਂ ਕਿਹੜਾ ਨਿੱਤ ਆਵਣਾ ॥

ਕੱਚ ਦੇ ਗਲਾਸ ਵਿੱਚ ਤੋਤਾ ਬੋਲਦਾ
ਮੈਂ ਨੀ ਭੂਆ ਕੋਲ ਜਾਣਾ
ਫੁੱਫੜ ਬਾਹਲਾ ਬੋਲਦਾ………..

ਸੂਆ ਸੂਆ ਸੂਆ,
ਸਾਕ ਭਤੀਜੀ ਦਾ,
ਲੈਕੇ ਆਈ ਭੂਆ,
ਸਾਕ ਭਤੀਜੀ …..

ਸੁਣ ਨੀ ਕੁੜੀਏ,ਮਛਲੀ ਵਾਲੀਏ,
ਮਛਲੀ ਨਾ ਚਮਕਾਈਏ,
ਨੀ ਖੂਹ ਟੋਭੇ ਤੇ ਚਰਚਾ ਹੁੰਦੀ,
ਚਰਚਾ ਨਾ ਕਰਵਾਈਏ,
ਧਰਮੀ ਬਾਬਲ ਦੀ,
ਪੱਗ ਨੂੰ ਦਾਗ ਨਾ ਲਾਈਏ,
ਧਰਮੀ ਬਾਬਲ …….,