ਲੱਗ ਗਿਆ ਤਾਰਾ

ਪਹਿਲੀ ਵਾਰ ਮੈਂ ਸਹੁਰੇ ਗਈ ਸਾਂ
ਮੱਥੇ ਲੱਗ ਗਿਆ ਤਾਰਾ
ਸਹੁਰਾ ਪਿੰਡ ਤਾਂ ਐਂ ਲੱਗਦਾ ਨੀ
ਜਿਵੇਂ ਦੋ ਪਿੰਡਾਂ ਦਾ ਵਾੜਾ
ਨੀ ਸਹੁਰੇ ਮੇਰੇ ਦੀ ਗੱਲ ਕੀ ਦੱਸਾਂ
ਨੀ ਉਹ ਐਡਾ ਲੰਮਾ, ਐਡਾ ਲੰਮਾ
ਜਿਉਂ ਬਿਜਲੀ ਦਾ ਖੰਭਾ ,
ਨੀ ਅੱਸੀ ਮੀਟਰ ਦੀ ਪੈਂਟ ਸਵਾਉਂਦਾ
ਹਾਲੇ ਵੀ ਗਿੱਟਿਉਂ ਨੰਗਾ
ਨੀ ਜੇਠ ਮੇਰੇ ਦੀ ਗੱਲ ਕੀ ਦੱਸਾਂ
ਉਹਦੀਆਂ ਐਡੀਆਂ ਮੁੱਛਾਂ
ਉਹ ਕਰਦਾ ਦੋ-ਦੋ ਗੁੱਤਾਂ
ਨੀ ਦਿਉਰ ਮੇਰੇ ਦੀ ਗੱਲ ਕੀ ਦੱਸਾਂ
ਉਹ ਕਾਕੇ ਦਾ ਵੀ ਕਾਕਾ
ਨਣਦ ਮੇਰੀ ਨੇ ਚਰਖਾ ਡਾਹਿਆ
ਮੈਂ ਵੱਟੇ ਸੀ ਧਾਗੇ
ਜੀਹਦੇ ਨਾਲ ਮੈਂ ਵਿਆਹੀ
ਸੁੱਤਾ ਪਿਆ ਨਾ ਜਾਗੇ ।