Giddha Boliyan

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਛੀਨਾ।
ਤੁੜੀ ਖਾਂਦੇ, ਬਲਦ ਹਾਰਗੇ,
ਵਾਹੁਣੋਂ ਰਹੇ ਜ਼ਮੀਨਾਂ।
ਮੁੰਡੇ ਖੁੰਡੇ ਫੈਸ਼ਨ ਕਰਦੇ,
ਬੁਢੜੇ ਖਾਂਦੇ ਫੀਮਾ।
ਛਤਰੀ ਤਾਣ ਕੁੜੀਏ …….
ਆਉਂਦੈ ਕਬੂਤਰ ਚੀਨਾ।

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਧਾਨੀ।
ਧਾਨੀ ਦਾ ਇੱਕ ਜੱਟ ਸੁਣੀਂਦਾ,
ਗਲ ਵਿੱਚ ਕਾਲੀ ਗਾਨੀ।
ਆਉਂਦੀ ਜਾਂਦੀ ਨੂੰ ਕਰਦਾ ਮਸ਼ਕਰੀ,
ਜੋ ਤੋਰ ਤੁਰੇ ਮਸਤਾਨੀ।
ਲੱਕ ਦੀ ਪਤਨੀ ਨੂੰ ….
ਦੇ ਗਿਆ ਤਵੀਤ ਨਿਸ਼ਨੀ।

ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਰੋੜੀ।
ਰੋੜੀ ਦੇ ਵਿੱਚ ਲਗਦਾ ਮੇਲਾ,
ਨਾਲੇ ਲਗਦੀ ਲੋਹੜੀ।
ਸਾਧੂ ਬਣਿਆ, ਵਿਆਹ ਨਾ ਕਰਾਇਆ,
ਸਾਰੇ ਜੱਗ ਦਾ ਕੋਹੜੀ,
ਸੱਪਾਂ ਸੀਹਾਂ ਦੀ,
ਹਰ ਥਾਂ ਜੋੜੀ ਜੋੜੀ।

ਪਿੰਡ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਦਾ ਖੇੜੀ।
ਰਾਜਪੁਰੇ-ਪਟਿਆਲੇ ਗੱਭੇ,
ਵਸਦਾ ਪਿੰਡ ਧਰੇੜੀ।
ਕੁੜੀਆਂ ਦੇ ਵਿੱਚ ਹੌਲਦਾਰਨੀ,
ਫੈਸ਼ਨ ਕਰਦੀ ਜੇਹੜੀ।
ਤੇਰੀ ਕੀ ਲਗਦੀ…
ਸਜ ਸਜ ਰਹਿੰਦੀ ਜਿਹੜੀ ?