ਦਿਓਰ ਮੇਰੇ ਨੇ ਇਕ ਦਿਨ ਲੜਕੇ,
ਖੂਹ ਤੇ ਪਾ ਲਿਆ ਚੁਬਾਰਾ,
ਤਿੰਨ ਭਾਂਤ ਦੀ ਇੱਟ ਲਵਾਈ,
ਚਾਰ ਭਾਂਤ ਦਾ ਗਾਰਾ,
ਆਕੜ ਕਾਹਦੀ ਵੇ,
ਜੱਗ ਤੇ ਫਿਰੇਂ ਕੁਆਰਾ…
ਘੋੜਾ ਆਰ ਨੀ ਧੀਏ,
ਘੋੜਾ ਪਰ ਨੀ ਧੀਏ,
ਮੱਥੇ ਮਾਰ ਮਸਰਾਂ ਦੀ ਦੁਲ ਨੀ ਧੀਏ,
ਮੱਥੇ …….
ਜੀਵਨ ਦੀਆਂ ਦੋ ਸਥਿਤੀਆਂ ਦੁਖਦਾਈ ਹੁੰਦੀਆਂ ਹਨ ਇਕ ਆਸ਼ਾ ਦਾ ਪੂਰਾ ਹੋ ਜਾਣਾ, ਤੇ ਦੂਜਾ ਇਨ੍ਹਾਂ ਦਾ ਪੂਰਾ ਨਾ ਹੋਣਾ।
ਪੱਤੇ ਡਿੱਗਦੇ ਨੇ ਸਿਰਫ ਪੱਤਝੜ ਵਿੱਚ ਹੀ
ਪਰ ਨਜ਼ਰਾਂ ‘ਚੋਂ ਡਿੱਗਣ ਦਾ ਕੋਈ ਮੌਸਮ ਨਹੀਂ ਹੁੰਦਾ
ਆਮਾ ਆਮਾ ਆਮਾ,
ਨੀ ਮੈ ਨੱਚਦੀ ਡੂੰਮਦੀ ਆਮਾ,
ਗਿੱਧਾ ਪਾਉ ਕੁੜੀਉ,
ਨੀ ਮੈ ਨੱਚ ਕੇ ਦਿਖਾਮਾ,
ਗਿੱਧਾ ਪਾਉ ……..,
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਦਾ, ਟਹਿਣਾ।
ਸਾਰਾ ਦਿਨ ਅੱਜ ਪਉਗਾ ਗਿੱਧਾ,
ਹਾਲ ਦਿਲਾਂ ਦਾ ਕਹਿਣਾ।
ਕੱਲ੍ਹ ਤੂੰ ਕਿਧਰੇ, ਮੈਂ ਕਿਧਰੇ ਤੁਰ ਜੂ,
ਫੇਰ ਨੀ ਰਲਕੇ ਬਹਿਣਾ।
ਸਭਨਾ ’ਚ ਰਹੇ ਖੇਡਦਾ…….
ਛੋਟਾ ਦਿਓਰ ਭਾਬੀਆਂ ਦਾ ਗਹਿਣਾ।
ਬੁੱਧੀਮਾਨ ਉਹ ਨਹੀਂ ਹੁੰਦੇ, ਜੋ ਸਕੂਲ ‘ਚ ਹੀ TOP ਕਰਦੇ ਹਨ,
ਬੁੱਧੀਮਾਨ ਉਹ ਹੁੰਦੇ ਹਨ, ਜੋ ਜ਼ਿੰਦਗੀ ‘ਚ TOP ਕਰਦੇ ਹਨ।
ਊਰੀ ਊਰੀ ਊਰੀ,
ਨੀ ਅੱਜ ਦਿਨ ਸ਼ਗਨਾ ਦਾ,
ਨੱਚ ਨੱਚ ਹੋਜਾ ਦੂਹਰੀ,
ਨੀ ਅੱਜ ………,
ਫੁੱਲ ਕਿੰਨਾਂ ਵੀ ਸੁੰਦਰ ਹੋਵੇ ,ਪਰ ਕਦਰ ਮਹਿਕ ਕਰਕੇ ਹੁੰਦੀ ਹੈ।
ਇਨਸਾਨ ਕਿੰਨਾਂ ਵੀ ਵੱਡਾ ਹੋਵੇ ਪਰ ਕਦਰ ਚੰਗੇ ਗੁਣਾਂ ਕਾਰਨ ਹੁੰਦੀ ਹੈ ਜੀ।
ਸੋ ਚੰਗੇ ਗੁਣ ਗ੍ਰਹਿਣ ਕਰੋ ਜੀ।
ਰਾਏ, ਰਾਏ, ਰਾਏ ….
ਰੱਬਾ ਮੈਨੂੰ ਸੱਚ ਦੱਸ ਦੇ,
ਕਿਹੜੀ ਗੱਲ ਤੋਂ ਉਜਾੜੇ ਪਾਏ……
ਦੱਸ ਐਸਾ ਕੀ ਚੱਕਰ ਚੱਲਿਆ,
ਕਿਉ ਹਰ ਮੁੰਡਾ ਕੁੜੀ ਭੱਜਿਆ ਵਲੈਤ ਵੱਲ ਜਾਏ…..
ਰੋਕ ਲੈ ਉਜਾੜੇ ਨੂੰ,
ਕਿਤੇ ਸਮ੍ਹਾ ਨਾ ਹੱਥੋਂ ਲੰਗ ਜਾਏ ………
ਰੋਕ ਲੈ ਉਜਾੜੇ ਨੂੰ,
ਕਿਤੇ ਸਮ੍ਹਾ ਨਾ ਹੱਥੋਂ ਲੰਗ ਜਾਏ ………
ਹੋਰਾਂ ਨੇ ਪੀਤੀ ਕੌਲੀਆਂ ਗਲਾਸਾਂ ਨਾਲ,
ਜੀਜੇ ਨੇ ਪੀਤੀ ਪੀਪੇ ਨਾਲ,
ਪੀ ਸਾਲਿਆ ਤਰੀਕੇ ਨਾਲ,
ਪੀ ਸਾਲਿਆ ……..,
ਬਾਪੂ ਚਾਚਾ ਗੱਲਾਂ ਕਰਦੇ
ਫੁੱਫੜ ਬਣੇ ਵਿਚੋਲਾ
ਸੱਠ ਸਾਲ ਦਾ ਬੁੜਾ ਸਹੇੜਿਆ
ਮੈਂ ਸੀ ਪੱਟ ਪਟੋਲਾ
ਮਾਰੀ ਪਾਪਾਂ ਦੀ ,
ਧਰਤੀ ਖਾ ਗਈ ਝੋਲਾ।