“ਉਮੀਦ ਉਹ ਵਿਸ਼ਵਾਸ ਹੈ ਜੋ ਕਾਮਯਾਬੀ ਵੱਲ ਲੈ ਜਾਂਦਾ ਹੈ,
ਉਮੀਦ ਅਤੇ ਵਿਸ਼ਵਾਸ ਤੋਂ ਬਿਨਾਂ ਕੁਝ ਵੀ ਸੰਭਵ , ਨਹੀਂ ਹੈ”
ਹਾਲਾਤ ਬੰਦੇ ਨੂੰ ਸਮੁੰਦਰਾਂ ਵਿੱਚ ਗੋਤੇ ਲਵਾਉਂਦੇ ਨੇ,
ਹੌਸਲੇ ਵਾਲੇ ਲਹਿਰਾਂ ਵਾਂਗੂੰ ਮੁੜ ਮੁੜ ਕਿਨਾਰੇ ਤੇ ਆਉਂਦੇ ਨੇ
ਜਿਸ ਵਿਅਕਤੀ ਦੀ ਸੰਗਤ ਨਾਲ ਤੁਹਾਡੇ ਵਿਚਾਰ
ਸ਼ੁੱਧ ਹੋਣ ਲੱਗਣ ਤਾਂ ਚੇਤੇ ਰੱਖੋ,
ਉਹ ਕੋਈ ਆਮ ਇਨਸਾਨ ਨਹੀਂ ਹੈ।
ਭੁਲਦੇ ਭੁਲਦੇ ਭੁਲ ਜਾਂਦੇ ਨੇ ਫ਼ਰਿਆਦਾਂ ਦੀ ਆਦਤ ਪੰਛੀ
ਸਹਿਜੇ ਸਹਿਜੇ ਓੜਕ ਲੋਕੀਂ ਹਰ ਸਖ਼ਤੀ ਨੂੰ ਸਹਿ ਜਾਂਦੇ ਨੇ
ਦਿਲ ਸ਼ੌਦਾਈ ਹਰ ਇਕ ਉਤੇ ਦਾਅਵਾ ਬੰਨ੍ਹ ਖਲੋਂਦੈ
ਰੁੱਖਾਂ ਨਾਲ ਹੈ ਪੱਕੀ ਪਾਈ ਕਿਸ ਪੰਛੀ ਨੇ ਯਾਰੀ ?
ਗਲਤੀ ਦੀ ਸਜ਼ਾ ਦੇਣ ਤੋਂ ਪਹਿਲਾਂ ਜੇ ਗਲਤੀ ਸੁਧਾਰਨ ਦੀ
ਸਹੂਲਤ ਦੇ ਦਿਤੀ ਜਾਵੇ ਤਾਂ ਦੋਹਾਂ ਧਿਰਾਂ ਨੂੰ ਲਾਭ ਹੁੰਦਾ ਹੈ।
ਅਸੀਂ ਇਹ ਨਹੀਂ ਕਹਿ ਸਕਦੇ ਕਿ ਅਸੀਂ ਧਰਤੀ ਨੂੰ ਪਿਆਰ ਕਰਦੇ ਹਾਂ ਅਤੇ ਫਿਰ ਆਉਣ ਵਾਲੀਆਂ
ਪੀੜੀਆਂ ਦੀ ਵਰਤੋਂ ਤੋਂ ਪਹਿਲਾਂ ਇਸ ਨੂੰ ਨਸ਼ਟ ਕਰਨ ਵਾਲੇ ਕਦਮ ਚੁੱਕੀਏ
ਜਿੱਤ ਦਾ ਅਰਥ ਹਮੇਸ਼ਾ ਪਹਿਲੇ ਆਉਣਾ ਨਹੀਂ ਹੁੰਦਾ। ਜਿੱਤ ਹੁੰਦੀ ਹੈ
ਕਿ ਤੁਸੀਂ ਜੋ ਪਹਿਲਾਂ ਕੀਤਾ ਸੀ ਉਸ ਨਾਲੋਂ ਬਿਹਤਰ ਕਰ ਰਹੇ ਹੋ।
ਉਸ ਨੂੰ ਖੂਨ ਉਧਾਰਾ ਲੈਣ ਦੀ ਲੋੜ ਨਹੀਂ
ਜਿਸ ਨੇ ਆਪਣੇ ਦਿਲ ਦਾ ਦੀਪ ਜਗਾਉਣਾ ਹੈ
ਜ਼ਿੰਦਗੀ ਵਿੱਚ ਇੱਕ ਬਹੁਤ ਵੱਡੀ ਗ਼ਲਤੀ ਤੇ
ਅਸੀਂ ਇਹ ਕਰਦੇ ਹਾਂ ਕਿ ਇਸ ਗੱਲ ਨੂੰ ਮੰਨ ਲੈਂਦੇ ਹਾਂ
ਕਿ ਦੂਜਾ ਬੰਦਾ ਵੀ ਉਸੇ ਤਰ੍ਹਾਂ ਸੋਚਦਾ ਹੈ ਜਿਵੇ ਅਸੀਂ ਸੋਚਦੇ ਹਾਂ
ਦੁੱਖ ਦੇ ਆਉਣ ਤੇ ਜੋ ਮੁਸਕਰਾ ਨਹੀਂ ਸਕਦਾ,
ਉਹ ਆਪਣੇ ਆਪ ਨੂੰ ਕਦੇ ਸੁਖੀ ਬਣਾ ਨਹੀਂ ਸਕਦਾ
ਹਰ ਮੋੜ ਤੇ ਦੁੱਖ ਖੜ੍ਹਾ ਹੁੰਦਾ ਹੈ, ਆਦਮੀ
ਨਹੀਂ ਆਦਮੀ ਦਾ ਵਕਤ ਬੁਰਾ ਹੁੰਦਾ ਹੈ
ਕੀ ਪਤਾ ਉਸ ਨੂੰ ਹਵਾ ਸੀ ਕੀ ਸਿਖਾ ਕੇ ਲੈ ਗਈ
ਦੂਰ ਤਕ ਪਤਝੜ ਦੇ ਪੱਤੇ ਨੂੰ ਉਡਾ ਕੇ ਲੈ ਗਈ