ਸੌਹਰੇ ਮੇਰੇ ਨੇ ਕਰੇਲੇ ਲਿਆਂਦੇ,
ਸੱਸ ਮੇਰੀ ਨੇ ਤੜਕੇ,
ਨੀ ਮੇਰੇ ਬਾਰੀ ਇਉ ਪਤੀਲਾ ਖੜਕੇ,
ਨੀ ਮੇਰੇ
ਗਰਮ ਲੈਚੀਆਂ ਗਰਮ ਮਸਾਲਾ
ਗਰਮ ਸੁਣੀਂਦੀ ਹਲਦੀ
ਪੰਜ ਦਿਨ ਤੇਰੇ ਵਿਆਹ ਵਿੱਚ ਰਹਿ ਗੇ
ਤੂੰ ਫਿਰਦੀ ਐਂ ਟਲਦੀ
ਬਹਿ ਕੇ ਬਨੇਰੇ ਤੇ
ਸਿਫਤਾਂ ਯਾਰ ਦੀਆਂ ਕਰਦੀ।
ਪਿੰਡਾਂ ਵਿਚੋਂ ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਚਾਵਾ।
ਚਾਵੇ ਦਾ ਇਕ ਅਮਲੀ ਸੁਣੀਂਦਾ,
ਛਕੇ ਫੀਮ ਦਾ ਮਾਵਾ।
ਛੋਗੇ ਉਹਨੂੰ ਜਿਹੜੀ ਵਿਆਹੀ,
ਉਹਨੂੰ ਉਮਰਾਂ ਦਾ ਪਛਤਾਵਾ।
ਮਰ ਜੇ ਅਮਲੀ ਜੇ
ਰੱਬ ਦਾ ਸ਼ੁਕਰ ਮਨਾਵਾਂ।
ਅੱਡੀ ਵੱਜਦੀ ਜੈਕੁਰੇ ਤੇਰੀ,
ਲੋਕਾਂ ਦੇ ਚੁਬਾਰੇ ਹਿੱਲਦੇ,
ਅੱਡੀ …………….
ਤੇਰਾ ਮਾਰਿਆ ਮੈਂ ਖੜ੍ਹਿਆ ਮੋੜ ਤੇ
ਲੱਤ ਸਾਇਕਲ ਤੋਂ ਲਾਹ ਕੇ
ਨੀ ਪਾਸਾ ਮਾਰ ਕੇ ਲੰਘਦੀ ਕੋਲ ਦੀ
ਝਾਂਜਰ ਨੂੰ ਛਣਕਾ ਕੇ
ਨੀ ਮਨ ਪ੍ਰਦੇਸੀ ਦਾ
ਲੈ ਗਈ ਅੱਖਾਂ ਵਿੱਚ ਪਾ ਕੇ।
ਛੰਦ ਪਰਾਗੇ ਆਈਏ ਜਾਈਏ
ਛੰਦੇ ਆਗੇ ਤਾਲੇ।
ਸਾਲੀਆਂ ਮੈਨੂੰ ਭੋਲੀਆਂ ਜਾਪਣ
ਚੁਸਤ ਬੜੇ ਨੇ ਸਾਲੇ।
ਲਾੜਾ ਝੂਰੇ ਨੀ ਝੂਰੇ ਕਿਹੜੀ ਗੱਲੋਂ
ਉਹਨੂੰ ਮਾਂ ਦੇ ਪਛੋਕੇ ਦਾ ਹੁੰਦੇਸਾ
ਲਾੜਾ ਝੂਰੇ ਨੀ ਝੂਰੇ ਕਿਹੜੀ ਗੱਲੋਂ
ਉਹਦੇ ਘਰੋਂ ਤਾਂ ਆਇਆ ਸੰਦੇਸਾ
ਲਾੜਾ ਝੂਰੇ ਨੀ ਝੂਰੇ ਕਿਹੜੀ ਗੱਲੋਂ
ਬੋਬੋ ਨੇ ਪੁੱਤ ਜੰਮਿਆ ਪਲੇਠਾ
ਪਿੰਡਾਂ ਵਿਚੋਂ ਪਿੰਡ ਸੁਣੀਂਦਾ,
ਪਿੰਡ ਸੁਣੀਦਾ ਲੱਲੀਆ।
ਲੱਲੀਆਂ ਦੇ ਦੋ ਬਲਦ ਸੁਣੀਂਦੇ,
ਗਲ ਜਿੰਨ੍ਹਾਂ ਦੇ ਟੱਲੀਆਂ।
ਭੱਜ-ਭੱਜ ਉਹ ਲਾਉਂਦੇ ਗੇੜੇ,
ਹੱਥ ਹੱਥ ਲਗਦੀਆਂ ਛੱਲੀਆਂ।
ਮੇਲੇ ਮੁਖਸਰ ਦੇ,
ਸਕੀਆਂ ਨਨਾਣਾ ਚੱਲੀਆਂ।
ਸੱਸ ਮੇਰੀ ਨੇ ਮੁੰਡੇ ਜੰਮੇ,
ਜੰਮੇ ਪੂਰੇ ਬਾਈ,
ਕਿਹੜਾ ਉਹਨਾਂ ਨੂੰ ਚੁੱਪ ਕਰਾਵੇ,
ਕਿਹੜਾ ਦੇਵੇ ਦਵਾਈ,
ਸੌਂ ਜੋ ਚੁੱਪ ਕਰ ਕੇ,
ਮਾਣੋ ਬਿੱਲੀ ਆਈ,
ਸੌ ਜੋ
ਕਾਲਜ ਦੇ ਵਿੱਚ ਪੜ੍ਹਦਾ ਮੁੰਡਿਆ
ਖਾਨੈਂ ਸ਼ਹਿਰ ਦੇ ਮੇਵੇ
ਆਉਂਦੀ ਜਾਂਦੀ ਨੂੰ ਨਿੱਤ ਵੇ ਛੇੜਦਾ
ਮਨ ਵਿੱਚ ਬਹਿ ਗਿਆ ਮੇਰੇ
ਖੜ੍ਹ ਕੇ ਗੱਲ ਸੁਣ , ਨਾਲ ਚੱਲੂੰਗੀ ਤੇਰੇ ।
ਪਿੰਡਾਂ ਵਿਚੋਂ ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ ਦੀਨਾ।
ਦੀਨੇ ਦੇ ਵਿੱਚ ਡਾਂਗ ਖੜਕਦੀ,
ਵਿਕਦੀਆਂ ਜਾਣ ਜ਼ਮੀਨਾਂ।
ਮੁੰਡੇ ਖੁੰਡੇ ਵੜਗੇ ਕਾਲਜੀਂ,
ਬਾਪੂ ਲੱਗ ਗੇ ਫੀਮਾਂ।
ਕੰਮ ਕਾਰ ਨੂੰ ਕੋਈ ਨਾ ਜਾਵੇ,
ਲੰਘ ਗੀ ਵੱਤ ਜ਼ਮੀਨਾਂ।
ਕੱਠੇ ਹੋ ਕੇ ਕੀਤਾ ਮਸ਼ਵਰਾ,
ਪਿੰਡ ਦਿਆਂ ਮਸਕੀਨਾਂ।
ਜੇ ਮੁੰਡਿਓ ਤੁਸੀਂ ਹਲ ਨਾ ਜੋੜਿਆ,
ਮੁਸ਼ਕਲ ਹੋ ਜੂ ਜੀਣਾ।
ਮੁੜ ਪੈ ਖੇਤਾਂ ਨੂੰ,
ਕਾਲਜ ਦਿਆ ਸ਼ੁਕੀਨਾਂ।
ਸੱਸ ਮੇਰੀ ਨੇ ਜੌੜੇ ਜੰਮੇ,
ਇਕ ਅੰਨਾ ਇੱਕ ਕਾਣਾ,
ਨੀ ਕਹਿੰਦੇ ਕੌਡੀ ਖੇਡਣ ਜਾਣਾ,
ਨੀ ਕਹਿੰਦੇ