ਖੱਟਾ ਪੋਣਾ ਲੈ ਕੇ ਨੀ ਮੈ ਸਾਗ ਲੈਣ ਗਈ ਸਾਂ,
ਉਥੇ ਪੋਣਾ ਲਾਹ ਲਿਆਹੀ ਆਂ,
ਨੀ ਸਹੇਲੀਓ ਦਿਉਰ ਵਿਆਹ ਲਿਆਈ ਆਂ,
ਨੀ ਸਹੇਲੀਓ ……,
ਕਾਨਾ-ਕਾਨਾ-ਕਾਨਾ
ਖੂਹ ਤੇ ਡੋਲ ਪਿਆ
ਫਿਰ ਪਾਣੀ ਭਰਨ ਰਕਾਨਾ
ਥੋੜ੍ਹੀ ਥੋੜ੍ਹੀ ਮੈਂ ਭਿੱਜ ਗਈ
ਬਹੁਤਾ ਭੱਜਿਆ ਯਾਰ ਬਿਗਾਨਾ
ਮੁੱਖ ਤੇ ਮੁੱਖ ਧਰ ਕੇ
ਸੌਂ ਜਾ ਛੈਲ ਜਵਾਨਾਂ।
ਸਈਓ ਨੀ ਮੇਰੀ ਲਾਲ ਪੱਖੀ ਪੰਜ ਦਾਣਾ
ਲਾੜੇ ਭੈਣਾਂ ਨੂੰ ਖਸਮ ਕਰਾਈਏ
ਇਕ ਅੰਨ੍ਹਾ ਇਕ ਕਾਣਾ
ਕਾਣਾ ਤਾਂ ਏਹਨੂੰ ਗੋਦੀ ਬਠਾਊ
ਅੰਨ੍ਹਾਂ ਦਊ ਦੱਖੂਦਾਣਾ
ਖੱਟਾ ਪੋਣਾ ਲੈ ਕੇ ਨੀ ਮੈ ਸਾਗ ਲੈਣ ਗਈ ਸਾਂ,
ਉਥੇ ਪੋਣਾ ਟੰਗ ਆਈ ਆਂ,
ਨਿੱਕਾ ਦਿਓਰ ਨਾਨਕੀ ਮੰਗ ਆਈ ਆਂ,
ਨਿੱਕਾ ……,
ਨਿਆਣੀ ਤਾਂ ਮੈਂ ਕਾਹਨੂੰ ਗੱਭਰੂਆ
ਬਾਰਾਂ ਸਾਲ ਦੀ ਨਾਰੀ
ਭਰ ਕੇ ਥੱਬਾ ਸਿੱਟ ਲਈ ਗੱਡੀ ਵਿੱਚ
ਕੌਲ ਕਰੂੰਗੀ ਪੂਰੇ
ਐਥੋਂ ਮੁੜ ਜਾ ਵੇ
ਕਰ ਦੇਊਂ ਹੌਂਸਲੇ ਪੂਰੇ।
ਖੱਟੀ ਚੁੰਨੀ ਲੈ ਕੇ ਨੀ ਧਾਰ ਚੋਣ ਗਈ ਸਾ,
ਖੱਟੀ ਚੁੰਨੀ ਨੇ ਮੇਰਾ ਗਲ ਘੁੱਟ ਤਾ,
ਨੀ ਮੈ ਕੱਟੇ ਦੇ ਭੁਲੇਖੇ ਛੜਾ ਜੇਠ ਕੁੱਟ ਤਾ,
ਨੀ ਮੈ ਕੱਟੇ …….,
ਨਿਆਣੀ ਤਾਂ ਤੂੰ ਕਾਹਤੋਂ ਕੁੜੀਏ
ਬਾਰਾਂ ਸਾਲ ਦੀ ਨਾਰੀ
ਭਰ ਕੇ ਥੱਬਾ ਸਿੱਟ ਲਈ ਗੱਡੀ ਵਿੱਚ
ਤੂੰ ਕੌਲਾਂ ਤੋਂ ਹਾਰੀ
ਲਾ ਕੇ ਦੋਸਤੀਆਂ
ਲੰਮੀ ਮਾਰਗੀ ਡਾਰੀ।
ਤੁਸੀ ਗੜ੍ਹ ਜਿੱਤ ਚੱਲੇ ਵੇ ਅਸੀਂ ਹਾਰ ਗਏ
ਤੁਸੀ ਲਾੜੀ ਵਿਆਹ ਚੱਲੇ ਵੇ ਅਸੀਂ ਸਹਾਰ ਗਏ
ਤੁਸੀ ਪਾਸਾ ਜਿੱਤ ਚੱਲੇ ਵੇ ਅਸੀਂ ਸਿੱਟ ਹਥਿਆਰ ਗਏ।
ਖੱਟ ਕੇ ਲਿਆਂਦਾ ਚੱਕ ਨੀ ਮੇਲਣੇ,
ਦੇ ਲੱਡੂਆਂ ਦਾ ਹੱਕ ਨੀ ਮੇਲਣੇ,
ਦੇ ਲੱਡੂਆ ……,
ਟਿੱਬਿਆਂ ਦੇ ਵਿੱਚ ਘੇਰੀ ਕੁੜੀਏ
ਛੁਟ ਗਈ ਰੌਲਾ ਪਾ ਕੇ
ਮਾਪੇ ਤੇਰੇ ਐਡੇ ਵਹਿਮੀ
ਤੁਰੰਤ ਮਰਨ ਵਿਹੁ ਖਾ ਕੇ
ਤੈਂ ਬਦਨਾਮ ਕਰੇ
ਪਾਲੋ ਨਾਮ ਧਰਾ ਕੇ
ਜਰਦੀ! ਜਰਦੀ! ਜਰਦੀ!
ਮਰਦੀ ਮਰ ਜਾਊਂਗੀ,
ਜੇ ਨਾ ਮਿਲਿਆ ਹਮਦਰਦੀ।
ਆਣ ਬਚਾ ਲੈ ਵੇ,
ਜਿੰਦ ਜਾਂਦੀ ਹੌਕਿਆਂ ਵਿਚ ਖਰਦੀ।
ਮਿੱਤਰਾ ਹਾਣ ਦਿਆ,
ਤੇਰੇ ਨਾਂ ਦੀ ਆਰਤੀ ਕਰਦੀ।
ਖੁੰਢਾਂ ਉੱਤੇ ਬੈਠਾ ਮੁੰਡਾ, ਖੇਡਦਾ ਗੀਟੀਆਂ,
ਕੁੜੀਆਂ ਨੂੰ ਦੇਖ ਮੁੰਡਾ, ਮਾਰਦਾ ਸੀਟੀਆਂ,
ਕੁੜੀਆਂ ਨੂੰ …..