ਜੇ ਜੱਟੀਏ ਤੂੰ ਬਹੁਤਾ ਬੋਲੀ
ਭੈਨੂੰ ਭੇਜਦੂੰ ਪੇਕੇ
ਜੱਟਾਂ ਨੇ ਦਾਰੂ ਪੀਣੀ ਐਂ
ਪੀਣੀ ਐਂ ਬਹਿ ਕੇ ਠੇਕੇ ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਰਾਵਾਂ।
ਮਿੱਤਰਾਂ ਦੇਹ ਮੁੰਦਰੀ, .
ਤੈਨੂੰ ਆਪਣਾ ਰੁਮਾਲ ਫੜਾਵਾਂ।
ਤੇਰੀ ਸੱਜਰੀ ਪੈੜ ਦਾ ਰੇਤਾ,
ਚੱਕ ਚੱਕ ਹਿੱਕ ਨੂੰ ਲਾਵਾਂ।
ਮੱਚਦੇ ਮੱਚ ਲੈਣ ਦੇ……..,
ਦਿਲ ਤੇ ਲਿਖ ਲਿਆ ਨਾਵਾਂ।
ਪੱਖੀ ਨੂੰ ਸੌਂਣ ਲਵਾ ਦੇ ਵੇ,
ਬਾਲਮਾ ਰੁੱਤ ਗਰਮੀ ਦੀ ਆਈ,
ਪੱਖੀ ਨੂੰ …….,
ਮੱਝ ਵੇਚਤੀ ਗਾਂ ਵੇਚਤੀ
ਨਾਲੇ ਵੇਚਤੀ ਕੁੱਟੀ
ਪੱਟੀ ਵੇ ਦਾਰੂ ਪੀਣਿਆਂ
ਤੇਰੀ ਬੋਤਲ ਨੇ ਮੈਂ ਪੱਟੀ
ਪਹਿਲਾਂ ਤਾਂ ਘੜੀਂ ਮੇਰੀ ਚੈਨ ਸਕੁੰਤਲਾ
ਸਨਿਆਰਿਆ ਫੇਰ ਝਾਂਜਰਾਂ ਦੀ ਜੋੜੀ
ਕੁੜਮਾਂ ਜੋਰੋ ਡਮਰੂ ਮੰਗੇ ਜਮੂਰਾ ਮੰਗੇ
ਨਾਲੇ ਬਾਂਦਰ ਬਾਂਦਰੀ ਦੀ ਮੰਗੇ ਜੋੜੀ
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਰਾਈਆਂ।
ਵਗਦੇ ਰਾਹ ਤੇ,
ਜੱਟ ਨੇ ਬੈਠਕਾਂ ਪਾਈਆਂ।
ਸੋਹਣੀ ਦੇ ਭਾਈਆਂ ਨੇ,
ਰਫਲਾਂ ਲਸੰਸ ਕਰਾਈਆਂ।
ਡਾਂਗਾਂ ਖੜਕਦੀਆਂ..
ਸੱਥ ਵਿੱਚ ਹੋਣ ਲੜਾਈਆਂ।
ਛੰਨਾ ਭਰਿਆ ਦੁੱਧ ਦਾ,
ਇਹ ਡੋਲਣਾ ਵੀ ਨਹੀਂ,
ਹੋਰ ਭਰਨਾ ਵੀ ਨਹੀਂ,
ਤੈਨੂੰ ਛੱਡਣਾ ਵੀ ਨਹੀਂ,
ਹੋਰ ਕਰਨਾ ਵੀ ਨਹੀਂ,
ਜੇ ਕਰਿਆ, ਕਰੂ ਤੇਰਾ ਭਾਛੰਨਾ ਭਰਿਆ ਦੁੱਧ ਦਾ,ਈ,
ਮੇਰੇ ਤੇ ਮਾਹੀ ਦੇ
ਵਿਆਹ ਦੀਆਂ ਗੱਲਾਂ ਮਾਏ ਨੀ
ਘਰ ਘਰ ਹੋਣਗੀਆਂ
ਜਦ ਮੈਂ ਡੋਲੀ ਚੜ੍ਹਗੀ
ਮੇਰੇ ਹਾਣ ਦੀਆਂ ਸਭ ਰੋਣਗੀਆਂ
ਤੇਰਾ ਵੀ ਦਿਲ ਧੜਕੂ ਮਾਏ
ਜਦ ਮੈਂ ਘੁੰਡ ਵਿੱਚ ਰੋਈ
ਮੈਨੂੰ ਵਿਆਹ ਦੇ ਅੰਮੀਏ
ਨੀ ਮੈਂ ਕੋਠੇ ਜਿੱਡੀ ਹੋਈ।
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਦਾ, ਰਾਈਆਂ।
ਨਣਦ ਵਛੇਰੀ ਨੇ,
ਲੂਤੀਆਂ ਮਾਹੀ ਨੂੰ ਲਾਈਆਂ।
ਚਪੇੜਾਂ ਮਾਰ ਗਿਆ………,
ਮੁੰਹ ਤੇ ਪੈ-ਗੀਆ ਛਾਈਆਂ।
ਕੈ ਦਿਨ ਹੋ ਗੇ ਨੇ…….,
ਜੋੜ ਮੰਜੀਆਂ ਨਾ ਡਾਹੀਆਂ।
ਛੋਲੇ ਛੋਲੇ ਛੋਲੇ,
ਨੀ ਅੱਜ ਮੇਰੇ ਵੀਰੇ ਦੇ ਕੌਣ ਬਰਾਬਰ ਬੋਲੇ,
ਨੀ ਅੱਜ …….,
ਮੇਰੇ ਤੇ ਮਾਹੀ ਦੇ
ਵਿਆਹ ਦੀਆਂ ਗੱਲਾਂ ਮਾਏ ਨੀ
ਘਰ ਘਰ ਹੋਣਗੀਆਂ
ਜਦ ਮੈਂ ਡੋਲੀ ਚੜ੍ਹਗੀ
ਮੇਰੇ ਹਾਣ ਦੀਆਂ ਸਭ ਰੋਣਗੀਆਂ
ਤੇਰਾ ਵੀ ਦਿਲ ਧੜਕੂ ਮਾਏ
ਜਦ ਮੈਂ ਘੁੰਡ ਵਿੱਚ ਰੋਈ
ਮੈਨੂੰ ਵਿਆਹ ਦੇ ਅੰਮੀਏ
ਨੀ ਮੈਂ ਕੋਠੇ ਜਿੱਡੀ ਹੋਈ।
ਸਿੱਠਣੀਆਂ ਦੀ ਪੰਡ ਬੰਨ੍ਹ ਦਿਆਂ ਜੀਜਾ
ਬੇ ਕੋਈ ਦੋਹਿਆਂ ਨਾਲ ਭਰ ਦਿਆਂ ਖੂਹ
ਤੂੰ ਬੀ ਕੋਈ ਦੋਹਾ ਜੋੜ ਲੈ
ਨਹੀਂ ਤਾਂ ਛੱਡ ਜਾ ਪਿੰਡ ਦੀ (ਟੱਪ ਜਾ)
ਬੇ ਸੁਣਦਿਆਂ ਕੰਨ ਕਰੀਂ ਬੇ-ਜੂਹ