ਜੇ ਜੀਜਾ ਸਾਡੇ ਵੰਗਾਂ ਵੇ ਚੜਾਉਨੀਆਂ,
ਵੰਗਾਂ ਚੜਾ ਦੇ ਕਾਲੀਆਂ ਵੇ,
ਅਸੀਂ ਅਸਲ ਮਲੰਗਾਂ ਦੀਆਂ ਸਾਲੀਆਂ ਵੇ,
ਅਸੀਂ ਅਸਲ ……,
ਬੀਬੀ ਤਾਂ ਸਾਡੀ ਬਚੋਲਿਆ ਤਿੱਲੇ ਦੀ ਤਾਰ ਐ
ਮੁੰਡਾ ਤਾਂ ਲੱਭਿਆ ਤੈਂ ਪਿੰਡ ਦਾ ਘੁਮਿਆਰ ਐ
ਜੋੜ ਤਾਂ ਜੋੜਿਆ ਨਹੀਂ ਬਚੋਲਿਆ
ਬਿਚਲੀ ਤਾਂ ਲਕੋ ਲਈ ਬਚੋਲਿਆ
ਇੰਦਰ ਦੇਵ ਤੇ ਪਾਰਸੂ ਦੇਵੀ,
ਆਇਦ ਜੁਗਾਦਿ ਯਰਾਨੇ।
ਦੇਖ ਦੇਖ ਕੇ ਸੜੇ ਸਰੀਕਾ,
ਦੇਵੇ ਮੇਹਣੇ ਤਆਨੇ।
ਅਰਬਾਂ ਖਰਬਾਂ ਮਣ ਪਾਣੀ,
ਚੜ੍ਹਿਆ ਵਿੱਚ ਅਸਮਾਨੇ।
ਪਿਆਸਾਂ ਜੁਗਾਂ ਦੀਆਂ…….,
ਕੀਤੀਆਂ ਤਰਿਪਤ ਰਕਾਨੇ।
ਜੇ ਮੁੰਡਿਆਂ ਮੈਨੂੰ ਨੱਚਦੀ ਵੇਖਣਾ,
ਸੂਟ ਸਮਾ ਦੇ ਟਾਇਟ ਮੁੰਡਿਆਂ,
ਵੇ ਮੈ ਤੇਰੇ ਕਮਰੇ ਦੀ ਲਾਇਟ ਮੁੰਡਿਆ,
ਵੇ ਮੈ ……,
ਨੇਰ੍ਹ ਕੋਠੜੀ ਜੰਮਿਆਂ ਮਿਰਜਾ
ਲੱਖ-ਲੱਖ ਮੰਨੀ ਵਧਾਈ
ਪੰਜ ਰੁਪਈਏ ਉਹਨੂੰ ਦਿੱਤੇ
ਜਿਹੜੀ ਉਹਦੀ ਦਾਈ
ਮਿਰਜਾ ਵੱਢ ਸੁੱਟਿਆ
ਕੋਲ ਖੜ੍ਹੀ ਭਰਜਾਈ
ਜਾਂ
ਸਾਹਿਬਾਂ ਮਿਰਜੇ ਦੀ
ਬੂਅ ਬੂਅ ਕਰਦੀ ਆਈ।
ਪੋਣਾ ਲਾਹ ਲਿਆ ਝਾੜੀ ਤੋਂ
ਬਚੋਲਾ ਫੜਨਾ ਦਾਹੜੀ ਤੋਂ
ਪੋਣਾ ਲਾਹ ਲਿਆ ਖੁੰਡੇ ਤੋਂ
ਬਚੋਲਣ ਫੜਨੀ ਜੁੰਡੇ ਤੋਂ
ਪੋਣਾ ਲਾਹ ਲਿਆ ਥਾਲਾਂ ਤੋਂ
ਬਚੋਲਣ ਫੜਨੀ ਬਾਲਾਂ ਤੋਂ
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਸਾਰ।
ਪੰਜਾਂ ਗੁਰੂਆਂ ਪਿੱਛੋਂ,
ਛੇਵੇਂ ਚੱਕਣੀ ਪਈ ਤਲਵਾਰ।
ਵਾਰ ਸਹਿੰਦਿਆਂ ਪੈਂਦੀ ਹੈ,
ਵਾਹਰ ਦੇ ਪਿੱਛੋਂ ਵਾਹਰ।
ਮੀਰੀ, ਪੀਰੀ ਦੀ ।
ਸਮਝਣੀ ਪੈਂਦੀ ਸਾਰ।
ਜੇ ਮੁੰਡਿਆਂ ਮੈਨੂੰ ਨੱਚਦੀ ਵੇਖਣਾ,
ਸੂਟ ਸਮਾ ਦੇ ਫਿੱਟ ਮੁੰਡਿਆਂ,
ਵੇ ਮੇਰੀ ਨੱਚਦੀ ਦੀ ਫੋਟੋ ਖਿੱਚ ਮੁੰਡਿਆਂ,
ਵੇ ਮੇਰੀ ………..,
ਆ ਜਾ ਸਾਹਿਬਾਂ
ਬਹਿ ਜਾਂ ਸਾਹਿਬਾਂ
ਪੀ ਲੈ ਠੰਡਾ ਪਾਣੀ
ਬੁੱਲ੍ਹ ਤਾਂ ਤੇਰੇ ਪਾਨੇਂ ਪਤਲੇ
ਠੋਡੀ ਸੁਰਮੇਦਾਨੀ
ਮੋਹ ਲੀ ਮਿਰਜੇ ਨੇ
ਸਹਿਬਾਂ ਉਮਰ ਦੀ ਨਿਆਣੀ।
ਸਦਾ ਸੁਖੀ ਬਸੇਂ ਬਚੋਲਿਆ ਬੇ
ਤੈਂ ਪਸਿੰਦ ਦਾ ਕਰਾਇਆ ਸਾਕ
ਤੈਨੂੰ ਛਾਂਟਮੇ ਦੇਣਗੇ ਕੱਪੜੇ
ਨਾਲੇ ਪੌਣਗੇ ਤੋਲੇ ਦੀ
ਬੇ ਸੁਣੀ ਬਚੋਲਿਆ ਬੇ-ਛਾਪ
ਪਿੰਡਾਂ ਵਿੱਚੋਂ, ਪਿੰਡ ਸੁਣੀਂਦਾ,
ਪਿੰਡ ਸੁਣੀਂਦਾ, ਜੱਟਣਾ।
ਕੱਲਰ ਖੇਤੀ ਬੀਜ ਕੇ,
ਹੁੰਦਾ ਸੀ ਕੀ ਖੱਟਣਾ।
ਹੁਣ ਕੱਲਰ ਖੇਤੀ ਬੀਜ ਕੇ,
ਖੱਟਣਾ ਈ ਖੱਟਣਾ।
ਨਵੇਂ ਨਵੇਲਿਆਂ ਨੇ……..,
ਪੁਰਾਣਾ ਜੜ੍ਹੋਂ ਪੱਟਣਾ।
ਜੇ ਮੁੰਡਿਆਂ ਮੈਨੂੰ ਨੱਚਦੀ ਵੇਖਣਾ,
ਬਾਂਕਾ ਲਿਆ ਦੇ ਭੈਣ ਦੀ ਆਂ,
ਵੇ ਅੱਡੀ ਵੱਜੇ ਤੇ ਧਮਕਾਂ ਪੈਣ ਗੀ ਆਂ,
ਵੇ ਅੱਡੀ ………,