ਜਾ ਵੇ ਢੋਲਣਾ,
ਮੈ ਨੀ ਬੋਲਣਾ,
ਤੇਰੀ ਮੇਰੀ ਬੱਸ,
ਵੇ ਰਾਤੀ ਕਿੱਥੇ ਗਿਆ,
ਕਿੱਥੇ ਗਿਆ ਸੀ ਦੱਸ,
ਵੇ ਰਾਤੀ ……….,
ਰਾਹ ਤੇ ਤੇਰੀ ਬੈਠਕ ਕੁੜੀਏ
ਵਿੱਚ ਬਿਜਲੀ ਦਾ ਆਂਡਾ
ਆਂਢੀ-ਗੁਆਂਢੀ ਸਾਰੇ ਤਪਗੇ
ਬਹਿ ਗਏ ਤਿਆਗ ਕੇ ਭਾਂਡਾ
ਤੇਰੀ ਬੈਠਕ ‘ਚੋਂ
ਨਿੱਤ ਨੀ ਸ਼ਰਾਬੀ ਜਾਂਦਾ।
ਇਹਨਾਂ ਨਾਨਕੀਆਂ ਨੇ ਮਣ ਮਣ ਖਾਣੇ ਮੰਡੇ
ਇਹਨਾਂ ਨਾਨਕੀਆਂ ਦੇ ਧਰੋ ਮੌਰਾਂ ਤੇ ਡੰਡੇ
ਇਹਨਾ ਨਾਨਕੀਆਂ ਨੇ ਮਣ ਮਣ ਖਾਣੇ ਛੋਲੇ
ਇਹਨਾਂ ਨਾਨਕੀਆਂ ਦੀ ਰੜੇ ਭੰਬੀਰੀ ਬੋਲੇ
ਆਇਆ ਸਾਵਣ, ਦਿਲ ਪਰਚਾਵਣ,
ਰੁੱਖ ਬੂਟੇ ਮਹਿਕਾਵੇ।
ਹੇਠ ਜੰਡੋਰੇ ਦੇ,
ਮਿਰਜਾ ਹੇਕਾਂ ਲਾਵੇ।
ਕਿੱਕਰੀਂ ਲੈ ਚੜ੍ਹਿਆ,
ਸਲੰਘਾਂ ਨਾਲ ਹਟਾਵੇ।
ਅੰਬੀਆਂ ਚੂਸਣ ਨੂੰ,
ਧਾੜ ਮੁੰਡਿਆਂ ਦੀ ਆਵੇ।
ਜੇ ਤੂੰ ਸੁਨਿਆਰੇ ਕੋਲੋ ਨੱਤੀਆਂ ਕਰਾਉਨੀਆਂ,
ਮੈਨੂੰ ਕਰਵਾ ਦੇ ਸੱਗੀ ਮੁੰਡਿਆਂ,
ਵੇ ਤੇਰੇ ਮਗਰ ਫਿਰੁੱਗੀ ਭੱਜੀ ਮੁੰਡਿਆਂ,
ਵੇ ਤੇਰੇ ……..,
ਖੱਬੇ ਹੱਥ ਤੇ ਘੜੀ ਜੋ ਬੰਨ੍ਹੀ
ਸੁਣ ਪੜ੍ਹਦੀਏ ਮੁਟਿਆਰੇ
ਸੱਜੇ ਹੱਥ ਵਿੱਚ ਫੜ ਕੇ ਕਿਤਾਬਾਂ
ਨਾਲ ਪਾੜ੍ਹਿਆਂ ਜਾਵੇਂ
ਨੀ ਮੁੰਡੇ ਤੈਨੂੰ ਖੜ੍ਹੇ ਉਡੀਕਣ
ਤੂੰ ਚੋਗਾ ਨਾ ਪਾਵੇਂ
ਇੱਕ ਚਿੱਤ ਕਰਦਾ ਲੈ ਕੇ ਲਾਵਾਂ
ਦਿਨੇ ਦਿਖਾ ਦਿਆਂ ਤਾਰੇ
ਮੇਰੀ ਬੋਲੀ ਦਾ
ਮੋੜ ਕਰੀਂ ਮੁਟਿਆਰੇ।
ਸੰਨ੍ਹੀ ਤਾਂ ਰਲਾ ਦਿਓ ਗਾਈਆਂ ਨੂੰ
ਖਲ ਕੁੱਟ ਦੋ ਨਾਨਕੀਆਂ ਆਈਆਂ ਨੂੰ
ਕਣਕ ਤੁਲਾ ਦਿਓ ਬਾਣੀਆਂ ਨੂੰ
ਨਾਲੇ ਨਾਨਕੀਆਂ ਮੰਨੋ ਦੇ ਜਾਣੀਆਂ ਨੂੰ
ਆਇਆ ਸਾਵਣ, ਦਿਲ ਪਰਚਾਵਣ,
ਬਹਾਰਾਂ ਨਾਲ ਲਿਆਵੇ।
ਚਿੜਿਆਂ ਦੀ ਜੰਨ ਚੜ੍ਹਦੀ,
ਬੋਤਾ ਬਾਘੀਆਂ ਪਾਵੇ।
ਡੱਡੂਆਂ ਨੇ ਪਾਇਆ ਭੰਗੜਾ,
ਕਿਰਲਾ ਬੋਲੀਆਂ ਪਾਵੇ।
ਮੇਲਣ ਸੱਪ ਵਰਗੀ………,
ਛੜਾ ਘੜੀਸੀਂ ਜਾਵੇ।
ਜੇ ਤੂੰ ਸੁਨਿਆਰੇ ਕੋਲੋ ਨੱਤੀਆਂ ਕਰਾਉਨੀਆਂ,
ਮੈਨੂੰ ਕਰਵਾ ਦੇ ਛੱਲੇ ਮੁੰਡਿਆਂ,
ਭਾਵੇਂ ਲਾ ਬੱਠਲਾਂ ਨੂੰ ਥੱਲੇ ਮੁੰਡਿਆਂ,
ਭਾਵੇਂ ਲਾ ………,
ਤੇਲ ਬਿਨਾਂ ਨਾ ਪੱਕਣ ਗੁਲਗੁਲੇ
ਘਿਓ ਤੋਂ ਬਿਨਾਂ ਮਠਿਆਈ
ਆਟੇ ਬਿਨਾਂ ਨਾ ਰੋਟੀ ਪੱਕਦੀ
ਦੁੱਧ ਬਿਨਾਂ ਨਾ ਮਲਾਈ
ਨਾ ਤਾਂ ਕਿਸੇ ਦੀ ਭੈਣ ਜੱਗ ਤੇ
ਨਾ ਚਾਚੀ ਨਾ ਤਾਈ
ਨੂੰਹਾਂ ਦੇ ਨਾਲ ਸਹੁਰੇ ਗਿੱਝਗੇ
ਸੱਸਾਂ ਨਾਲ ਜਵਾਈ
ਉਡੀਕਾਂ ਯਾਰਾਂ ਨੂੰ
ਤੂੰ ਕਾਹਤੋਂ ਨੀ ਆਈ।
ਬਚੋਲਿਆ ਡੰਡੀ ਮਾਰ ਗਿਆ
ਕਰ ਗਿਆ ਧੋਖਾ ਸਾਡੇ ਨਾਲ
ਲਾੜੇ ਬੇਬੇ ਬੱਦਣੀ ਨਿਕਲੀ
ਭੱਜੀ ਫਿਰਦੀ ਛੜਿਆਂ ਨਾਲ
ਸਾਉਣ ਮਹੀਨੇ ਕਿਣ ਮਿਣ ਕਾਣੀ,
ਗੋਡੇ-ਗੋਡੇ ਗਾਰਾ।
ਤੀਆਂ ਨੂੰ ਵੀਰਾ ਲੈਣ ਆ ਗਿਆ,
ਚੱਲ ਕੇ ਵਾਟ ਵਿਚਾਰਾਂ।
ਪਰ ਸੱਸ ਕੁਪੱਤੀ ਨਾਂਹ ਕਰ ਦਿੰਦੀ,
ਕੋਈ ਨਾ ਚਲਦਾ ਚਾਰਾ।
ਸੱਸੇ ਬੇਕਦਰੇ ………
ਢੱਠ ਜਾਏ ਤੇਰਾ ਢਾਰਾ।