ਵੇਖ ਮੇਰਾ ਗਿੱਧਾ ਲੋਕੀ ਹੋਏ ਮਗਰੂਰ ਵੇ,
ਜਟਾਂ ਦੀਆਂ ਢਾਣੀਆਂ ਨੂੰ ਆ ਗਿਆ ਸਰੂਰ ਵੇ,
ਜਦੋਂ ਨੈਣਾਂ ਵਿੱਚੋਂ ਥੋੜੀ ਜੀ ਪਿਲਾਈ ਰਾਤ ਨੂੰ,
ਵੇ ਅੱਗ ਪਾਣੀਆਂ ਚ ਹਾਣੀਆਂ ਮੈਂ ਲਾਈ ਰਾਤ ਨੂੰ
ਪਹਿਲੀ ਵਾਰ ਤੂੰ ਆਈ ਮੁਕਲਾਵੇ,
ਆਈ ਗੁਲਾਬੀ ਫੁੱਲ ਬਣ ਕੇ।
ਗਲ ਵਿੱਚ ਤੇਰੇ ਗਾਨੀ ਕੁੜੀਏ,
ਵਿਚ ਮੋਤੀਆਂ ਦੇ ਮਣਕੇ।
ਪੈਰੀਂ ਤੇਰੇ ਝਾਂਜਰਾਂ ਕੁੜੀਏ,
ਛਣ-ਛਣ, ਛਣ-ਛਣ, ਛਣਕੇ।
ਖੁੱਲ੍ਹ ਕੇ ਨੱਚ ਲੈ ਨੀ…..
ਨੱਚ ਲੈ ਮੋਰਨੀ ਬਣ ਕੇ।
ਵੰਗਾਂ ਚੜਾ ਦੇ ਕਾਲੀਆਂ ਵੇ,
ਅਸੀਂ ਅਸਲ ਮਲੰਗਾਂ ਦੀਆਂ ਸਾਲੀਆਂ ਵੇ,
ਅਸੀਂ ਅਸਲ ………,
ਬਾਰੀ ਬਰਸੀ ਖੱਟਣ ਗਿਆ ਸੀ
ਬਾਰੀ ਬਰਸੀ ਖੱਟਣ ਗਿਆ ਸੀ
ਖੱਟ ਕੇ ਲਿਆਂਦੇ ਪੋਣੇ
ਬਈ ਦਾਦਕਿਆਂ ਦੀਆ ਰੋਣ ਕੁੜੀਆਂ
ਮੁੰਡੇ ਨਾਨਕੇ ਮੇਲ ਦੇ
ਬਈ ਦਾਦਕਿਆਂ ਦੀਆ ਰੋਣ ਕੁੜੀਆਂ
ਮੁੰਡੇ ਨਾਨਕੇ ਮੇਲ ਦੇ
ਬਾਰੀਂ ਬਰਸੀਂ ਖੱਟਣ ਗਿਆ ਸੀ
ਉਸ ਨੇ ਖੱਟ ਕੇ ਲਿਆਂਦੀ ਤਰ ਵੇ
ਤੂੰ ਮਿੰਨਾ ਸੁਣੀਦਾ
ਮੈਂ ਇੱਲਤਾਂ ਦੀ ਜੜ ਵੇ।
ਸਾਡਾ ਜੋਬਨ ਡੁੱਲ਼ ਨੀ ਗਿਆ
ਕਦ ਆਊ ਤੇਰਾ ਭਾਈ
ਬੋਲੀ ਮਾਰ ਗਈ।
ਨਣਦ ਨੂੰ ਭਰਜਾਈ।
ਮਾਮੀ ਕੁੜੀ ਨੇ ਸੱਗੀ ਕਰਾਈ
ਕੋਠੇ ਚੜ ਚਮਕਾਈ ਨਖਰੋ ਨੇ
ਜੱਗ ਲੁਟਣੇ ਨੂੰ ਪਾਈ ਨਖਰੋ
ਗੱਡੇ ਭਰੇ ਲਾਹਣ ਦੇ, ਗੱਡੀਰੇ ਭਰੇ ਲਾਹਣ ਦੇ,
ਹਾਏ ਨੀ ਸੱਸੇ ਹੋਣੀਏ, ਜੋੜੀ ਨੂੰ ਮੇਲੇ ਜਾਣ ਦੇ,
ਹਾਏ ਨੀ …..,
ਮੈਨੂੰ ਕਹਿੰਦਾ ਚੂੜੀਆਂ ਨੀ ਪਾਉਂਦੀ
ਮੈਂ ਚੜਵਾ ਈਆ ਵੰਗਾਂ
ਜੇਠ ਨੂੰ ਅੱਗ ਲਗਦੀ ਜਦ
ਛਣਕਾ ਕੇ ਲੰਘਾਂ ਜੇਠ ਨੂੰ
ਮੇਰੇ ਦਿਓਰ ਦਾ ਵਿਆਹ
ਮੈਨੂੰ ਗੋਡੇ ਗੋਡੇ ਚਾਅ
ਮੈਨੂੰ ਨਚਣਾ ਨਾ ਆਵੇ
ਬੀਬੀ ਇੰਜ ਸਮਝਾਵੇ
ਕਹਿੰਦੀ ਇੰਜ ਨੱਚ ਡਾਰੀਏ
ਨੀ ਇੰਜ ਨੱਚ ਡਾਰੀਏ
ਮਾਂ ਮੇਰੀ ਨੇ ਕੁੜਤੀ ਸਵਾਈ
ਓਵੀ ਨਵੇ ਨਮੂਨੇ ਦੀ
ਰੋਟੀ ਖਾਲਾ ਜਾਲਮਾ
ਚਟਨੀ ਹਰੇ ਪਦੀਨੇ
ਦਿਉਰ ਦਰਾਣੀ ਚਾਹ ਸੀ ਪੀਂਦੇ,
ਪੀਂਦੇ ਪੀਂਦੇ ਲੜਪੇ,
ਨੀ ਫਿਰ ਕੌਲੀ ਗਲਾਸ ਖੜਕੇ,
ਨੀ ਫਿਰ ………,