ਗਿੱਧਾ ਪਾਇਆ ,ਮੇਲ ਸਦਾਇਆ,
ਚਾਰੇ ਪਾਸੇ ਝਾਂਜਰ ਛਣਕੇ,
ਨਾਨਕਿਆ ਛੱਜ ਭੰਨਿਆ,
ਛੱਜ ਭੰਨਿਆ ਤਾੜ ਤਾੜ ਕਰਕੇ,
ਨਾਨਕਿਆ …..
ਉੱਚੇ ਟਿੱਬੇ ਤੇ ਮੈਂ ਭਾਂਡੇ ਮਾਜ਼ਦੀ ਉਤੋਂ
ਡਿੱਗ ਗਈ ਥਾਲੀ ਵੇ ਜੀਜਾ ਚਾਹ
ਪੀ ਲੈ ਲੌਂਗ ਲੈਚੀਆਂ ਵਾਲੀ …
ਧੇਲੇ ਦੀ ਮੈ ਤੂੰ ਕਰਾਈ,
ਉਹ ਵੀ ਚੜਗੀ ਛੱਤੇ,
ਦੇਖੋ ਨੀ ਮੇਰੇ ਹਾਣ ਦੀਓ,
ਮੇਰਾ ਜੇਠ ਪੂਣੀਆਂ ਵੱਟੇ,
ਦੇਖੋ ਨੀ ਮੇਰੇ …….,
ਸੱਸਾਂ ਸੱਸਾਂ ਹਰ ਕੋਈ ਕਹਿੰਦਾ-2
ਰੀਸ ਨਹੀਂ ਹੁੰਦੀ ਮਾਵਾਂ ਦੀ
ਮੈਂ ਮਛਲੀ ਮੈਂ ਮਛਲੀ ਦਰਿਆਵਾਂ ਦੀ
ਮੈਂ ਮਛਲੀ ਮੈਂ ਮਛਲੀ ਦਰਿਆਵਾਂ ਦੀ
ਏਧਰ ਬੈਠੇ ਉਧਰ ਬੈਠੇ
ਝੱਲਦਾ ਰਹਿੰਦਾ ਪੱਖੀ
ਔਖਾ ਹੋਵੇਂਗਾ ਦਿਉਰਾ
ਜੇ ਨਾਜੋ ਲਾਡਲੀ ਰੱਖੀ।
ਪਿੰਡਾਂ ਵਿੱਚੋਂ ਪਿੰਡ ਸੁਣੀਦਾ,
ਪਿੰਡ ਸੁਣੀਦਾ ਮਹਿਣਾ।
ਚਿੱਟੇ ਰੰਗ ਤੇ ਕਾਲਾ ਸੋਂਹਦਾ
ਗੋਰੇ ਰੰਗ ਤੇ ਗਹਿਣਾ।
ਤਿੰਨ ਵਲ ਪਾ ਕੇ ਤੁਰਦੀ ਪਤਲੋ,
ਰੂਪ ਸਦਾ ਨੀ ਰਹਿਣਾ।
ਜਿੱਥੇ ਤੇਰਾ ਫੁੱਲ ਖਿੜਿਆ,
ਉਥੇ ਭੌਰੇ ਬਣ ਕੇ ਰਹਿਣਾ।
ਲੰਘ ਆ ਜਾ ਪੱਤਣ ਝਨਾ ਦਾ,ਯਾਰ ਲੰਘ ਆ ਜਾ ਪੱਤਣ ਝਨ੍ਹਾਂ ਦਾ।
ਸਿਰ ਸਦਕਾ ਮੈਂ ਤੇਰੇ ਨਾਂ ਦਾ, ਯਾਰ, ਸਿਰ ਸਦਕਾ ਮੈਂ ਤੇਰੇ ਨਾਂ ਦਾ।
ਮੇਰੇ ਕਾਗ ਬਨੇਰੇ ਉੱਤੇ ਬੋਲਿਆ, ਮੇਰਾ ਤੱਤੜੀ ਦਾ ਜਿਉੜਾ ਡੋਲਿਆ।
ਸੁਣ ਵੇ ਪਿੰਡ ਦਿਆ ਹਾਕਮਾ,
ਏਨਾ ਮੁੰਡਿਆਂ ਨੂੰ ਸਮਝਾ,
ਪੱਗਾ ਤਾਂ ਬੰਨਦੇ ਟੇਢੀਆ,
ਕੋਈ ਲੜ ਲੈਦੇ ਲਮਕਾ,
ਜਵਾਨੀ ਮੁਸ਼ਕਨ ਬੁਟੀ ਵੇ,
ਮੁੰਡਿਆਂ ਸੰਭਲ ਕੇ ਵਰਤਾ,
ਜਵਾਨੀ …..
ਮਾਂ ਮਰੀ ਤੇ ਮੁੰਡਾ ਰੋਣ ਨਾ ਜਾਣੇ
ਭੈਣ ਮਰੀ ਤੇ ਸਿੱਖਦਾ ਸੀ ,
ਰੰਨ ਮਰੀ ਤੇ ਦੜਾ ਦੜ ਪਿੱਟਦਾ ਸੀ।
ਚਾਚਾ ਚਾਚੀ ਨੂੰ ਸਮਝਾ
ਲੈ ਇਹ ਅਣਗਿਹਲੀ ਕਰਦੀ
ਏ ਸਾਡੇ ਵਿਹੜੇ ਦੇ ਵਿੱਚ ਜਾਮਣੇ
ਇਹ ਜਾਮਣ ਤੇ ਚੜ੍ਹ ਦੀ ਏ |
ਸਭ ਤੋਂ ਪਿਆਰੀ ਮੈਨੂੰ ਤੂੰ ਨੀ ਨਣਦੇ ਤੈਥੋਂ ਪਿਆਰਾ ਤੇਰਾ ਵੀਰ
ਨੀ ਜਦ ਗੱਲਾ ਕਰਦਾ ਦੰਦਾ ਦਾ ਹਸਦਾ ਬੀੜ – 2